الجمعة، 3 أبريل 2009

ادراكات (2)...

يقولون ان لكل طريقة فى الحب فبالعض يظهر حبه بحلوى يدوية الصنع و البعض الاخر يظهره بهدية بسيطة و لكن معبرة و اخرون يظهرون حبهم بكلمة صغيرة او نظرة ذات مغزى و لكنها لا تعبأ بالحلوى و الهدايا ولا تهمها الكلمات كثيرا فهى فقط تريد ان تحب على طريقتها هى..قمة الصعوبة..تعرف! ******* لعبة الصراحة لا تناسبها فان تحكى مؤلم بما فيه الكفاية و ان تحكى لك انت فهذا يتعدى مرحلة الالم..
و يصل الى مرحلة الرعب ******* قالت لها اتبعى خطواتى و لن تضلى ابدا بعدها فاجابت بانها ترى الطريق وحدها..و بان مقاس حذائك اصغر من ان اراه فقمة الانجاز فى نظرها ليست فى كلمة "النهاية" و لكن فى ان تمشى طريقها حتى تنتهى طاقتها..و لكن على طريقتها هى ******* عندما رأى لمعة عيونها نظر اليها نظرة لا تمت لعالم النظرات بصلة نظرة حولت بكائها لضحكة لا تعرف مصدرها فهى لن تنسى نظرته طالما استمرت فى التنفس ليس فقط لما تحويه من حنان بالغ و لكن ايضا لانها لن تستطيع ان تبادله اياها..ابدا فلاول مرة تعرف ان لبعض النظرات قدرة على الاحتضان ايضا ******* يعرفون انك تعرف و لكنهم لا يعرفون انها تعرف يخبرونها انها يجب ان تعرف فتخبرهم بانهم لا يعرفون و لكنها تعرف جيدا انك تعرف..
و انهم يعرفون..
و انها تعرف من قبلهم ******* كانت تعتقد انها تحتاجه ان يكون اكبر من الحياة نفسها حتى يتمكن من احتواء امراة مثلها لكنها ادركت انها تحتاجه فقط ان يفهمها و عندما يفهمها يحاول ان يشرح لها..لانها نفسها لا تفهمها اكتشفت انه ان يكون سوبر مان اسهل عليه بمراحل من مجرد محاولة فهمها ******* كانت كلمة "زواج" كافية لتشعرها بالدوار الان اصبح التلميح به اكثر من كاف ليفقدها ما تبقى من عقلها! *******
قال لها انها تبدو فى غاية الجمال و هى نائمة كطفلة صغيرة لا تعرف من العالم سوى جزئه البرئ شكرته بعيناها و قالت بصوت غير مسموع.. و لكنك لم ترانى عندما استيقظ من النوم! ******* طالما اغواها المقعد الامامى فالطريق منه اوضح و اكثر وسعا و لكنها ادركت ان للمقعد الخلفى سحرا خاصا فمن قال انها تحتاج لكل هذه المساحة احيانا يكون وضع الجنين هو كل ما تحتاجه ******* فرحت بالمركب الورق فرحة الاطفال و لكن نسيانها لها ليس عدم اهتمام لكنه خوف لدرجة الرعب مما تمثله له هو ******* عندما اوشكت ان تفقدها عرفت ان لليتم ابعادا اخرى غير فقدان الاب و الام *******
قال لها انه يدرك انها صعبة المنال
و انه على من يريد الاقتراب منها
ان يعانى لسنوات حتى يلفت انتباهها
و سنوات حتى تسمح له بالاقتراب
و سنوات حتى تمنحه ثقتها
فقالت بدون صوت ان لكل شيء سبب
و ان المستحيل بعينه ان تكون اسبابها مجرد حركات بنات
*******
احيانا تكون عصبيتها و صوتها المخنوق و نظرتها الحادة و تصرفاتها العنيفة و ضحكتها المبالغ فيها طريقة اخرى لاخفاء ضعفها..بل و انهيارها ايضا ******* عندما تسكت جميع الاصوات من حولها و يستمر الم رأسها تتأكد ان سبب صداعها المزمن ابعد ما يكون عن المرض العضوى ******* تفهم نظراته و تحب طريقته الطفولية معها و تضحكها كلماته الغير مفهومة فيقتلها الشعور بالذنب نحوه فاحيانا يكون عنفها المزيف وسيلة اخرى لاظهار امتنانها ******* عندما تأكدت انه عرفها كما لم يعرفها احد من قبل قررت انه وقت لعبة الهروب الكبير ******* فقط لو كنت اتيت فى زمن اخر..

هناك 43 تعليقًا:

mohamed ghalia يقول...

رائعة إدراكاتك
اتمنى ان نعيش واقعنا ونغيره

مواطن مصري يقول...

بوست رائع و قرائتة اكثر من مرة

leeno يقول...

اسلوبك يفوق الروعة بمراحل

لية عودة و تعليق ادق

ســـــاره يقول...

رائعة يا جيسي
بجد قليلة في حقك كلمة رائعـة :)

بس ليه الحزن مخيّم على أواخر البوستات اللي بتكتبيها ..حاسة في كلامك وبين السطور إحساس بالإحباط وكإن حلمك بيضيع من بين إيديكي..وانا اعرفك طول عمرك قوية واللي بتحلمي بيه بتسعيله ..:)

حبيبة قلبي خلي إيمانك بربنا كبير ومافيش حاجه بتضيع من إيديكي إلا ومالكيش نصيب فيها..ويمكن الواحد محتاج يبص للأمور من زاوية تانية عشان يقدر يحدد أهدافه ويمكن يغير نظرته وطريقة تعاطيه مع الموضوع نفسه .. إحتمال تغيري بعض النقاط اللي كنتي ماشية عليها وبتضيع منك اللي انتي عايزاه وبتحلمي بيه..جربي كده من غير يأس ..جربي وانتي حاطه في بالك ..الحلم ده ليا..ولازم يكون ليا..مش هسمحله يضيع من بين إيديا..

جربي وإن شاء الله ياعمري تشوفي الحياة أجمل بكتير من اللي انتي متخيلاها :)

mUsLiM يقول...

يعنى احب اعلق على كم نقطه كده

اولا أظن ان الموضوع ده مش كله يخصك شخصيا ومش كله عن ناس تانيه

وعلى قدر القرب منكى والخبرة بحياتك على قدر استطاعة الانسان فى الفصل والتفريق بين ما هو خاص بحياتك وما هو عام ،،

ثانيا هذه ليست إدراكات فى حقيقة الأمر والوصف الأدق بأنها مشاعر موصوفه بقلم رشيق بارع

أما الإدراك فشئ غير متصل بشخص بعينه وبإحساسه وإنما ينطوى على فكرة عامة وحقيقة معثور عليها من بين ركام الزيف الخداع ،،

ثالثا كثير من هذه المشاعر المكتوبة صيغت ببراعة رشيقة وذكاء

وهنا أقتبس بعض الكلمات التى صادفت قبولا وإحساسا فى قلبى ،،

" فقمة الانجاز فى نظرها ليست فى كلمة "النهاية"
و لكن فى ان تمشى طريقها حتى تنتهى طاقتها..و لكن على طريقتها هى "

" فلاول مرة تعرف ان لبعض النظرات قدرة على الاحتضان ايضا "

" و لكنها ادركت ان للمقعد الخلفى سحرا خاصا
فمن قال انها تحتاج لكل هذه المساحة
احيانا يكون وضع الجنين هو كل ما تحتاجه "

" عرفت ان لليتم ابعادا اخرى غير فقدان الاب و الام "

وهنا أقول

ليس اليتيم من انتهى أبواه من
هـمّ الحياة وخلّفاه ذليلا
فأصاب بالدنيا الحكيمة منهما
وبحسن تربية الزمان بديلا


"احيانا تكون عصبيتها و صوتها المخنوق
و نظرتها الحادة و تصرفاتها العنيفة و ضحكتها المبالغ فيها
طريقة اخرى لاخفاء ضعفها..بل و انهيارها ايضا"

"عندما تأكدت انه عرفها كما لم يعرفها احد من قبل
قررت انه وقت لعبة الهروب الكبير "


........

وانا هنا لم أعلق على هذه الإقتباسات لأن التعليق فى بعض الأحيان قد يفقد النص قوته وجماله

ولم أعلق سوى على اقتباس واحد وذلك لأن الشعر له سحر وحكمة تضاهى بل تفوق أى كتابة أخرى ،،

وأظن أن هذه الاقتباسات هى أكثر ما صادف عندكى احساسا فى قلبك ، لأن أجمل البيان وأرق التعابير لا تأتى إلا من قلب محمّل بأعباء هذا البيان وهذا التعبير ومهموم بمضمونه شاعر بكل حرف فيه

ولكن على كل حال نسأل الله لكى الخير والسداد وأن يرزقنا واياكى طاعته وحسن عبادته

وخلى بالك من نفسك يا ست الكل :)

السلام عليكم

Fatma يقول...

ادي لنفسك فرصة

بلاش الرعب دا مافيش حاجة هتعضك :)

الموضوع مكتوب بطريقة راائعة ومفرداتك اللي انت مستعملاها جميلة بجد حقيقي

dr.lecter يقول...

معلش انا مش هاعرف ارد المره دي

ساعات الصمت بيبقي افضل

Yasmine يقول...

Mohamed ghalia

متشكرة جدا على متابعتك للبلوج دايما
نورتنى :)

مواطن مصرى
شكرا و كويس ان الموضوع عجبك
سعيدة جدا بتعليقك

Yasmine يقول...

لين

تسلمي يا حبيبتى بجد كلامك دايما بيسعدنى
و مستنية تعليقك الادق

Yasmine يقول...

سارة
يا هلا يا هلا
اخيرا سارة هانم عندنا :)

صدقينى يا سارة هى مش حالة احباط خالص
انا اساسا مش من اللى بيحبطوا بسهولة زى ما انتى عارفة
هى بس الفكرة ان الموضوع اتكتب على فترات عشان كده هتلاقى فيه حالات مختلفة
بس الفكرة الاساسية فى حلم عمرى ما حلمت بيه و بيحصل دلوقتى
و مش عارفة لسه المفروض اتعامل ازاى مع حاجة اكبر بكتير من اللى استاهله
عشان كده يمكن تلاقى شوية احساس بالذنب على شوية استغراب و سنة قلق
بس هعمل بنصيحتك اكيد..و ادعيلى بقى ان اللى فيه الخير ربنا يقدمه

نورتينى يا سارة بجد و ابقى تعالى كل يوم :))

Yasmine يقول...

مصعب

ملاحظتك التانية فى محلها جدا
بس هو العنوان انا اخترته عشان الموضوعين دول تحديدا
اتكتبوا فى اوقات كان فيها مشاعر كتير مختلطة و احداث كتير بتحصل مرة واحدة
و اكتشافات كتيرة اكتشفتها فى نفسي و فى العالم حواليا
عشان كده حبيت اربطهم ببعض حتى لو كان العنوان مش مطابق اوى للموضوع نفسه

اما ملاحظتك الاولى فانا اتمنى انها كانت تبقى صح :)

و انا مبسوطة اوى انك حسيت بكل الجمل دى بما انك الشاعر بتاع اللمة فدى شهادة اعتز بيها جدا :)

و انت كمان يا مصعب خلى بالك من نفسك و ربنا يكرمك و يوفقك يا رب و ترجع بالسلامة ان شاء الله

Yasmine يقول...

فنفونتى

فرصة مين يا امى دا انا اول مرة اعرف انى واخدة ميدالية فى تحديف الدبش لمسافات طويلة..دى حتى شكرا ما بقيتش عارفة اقولها :)

يخليكى ليا يا رب :)

Yasmine يقول...

لكتر

ده من حلاوة الموضوع ولا من كابته بس عشان ابقى فاهمة :D

هونها تهون يا محمد..مش دا كلامك :)

leeno يقول...
أزال المؤلف هذا التعليق.
leeno يقول...

و لكنها لا تعبأ بالحلوى و الهدايا ولا تهمها الكلمات كثيرا
فهى فقط تريد ان تحب على طريقتها هى..قمة الصعوبة..تعرف!
....
يا خوفي لتكون هي مش قادرة تعرف شكل الحب دة و لا تبقى عايزاه يفوق قدرات البشر الطبيعية
.......

لعبة الصراحة لا تناسبها
فان تحكى مؤلم بما فيه الكفاية
و ان تحكى لك انت فهذا يتعدى مرحلة الالم..
و يصل الى مرحلة الرعب
.....
الكلام صعب على بعض الناس
لكن لما بنفقد القدرة على الكلام قدام شخص معين
بيجرحه لدرجة رهيبة جداا
حتى لو لسة مكناش سلمنا اننا بنحبه و لا هو اقتنع لسة اننا بنحبه
حتى لو لسة في طور الصداقة
من الجارح جداااااااااااا عدم الكلام
و عموما بالتمرين كله بيجي
بس الاهم انه يبقى فيه ثقة للكلام
.....
قالت لها اتبعى خطواتى و لن تضلى ابدا بعدها
فاجابت بانها ترى الطريق وحدها..و بان مقاس حذائك اصغر من ان اراه
فقمة الانجاز فى نظرها ليست فى كلمة "النهاية"
و لكن فى ان تمشى طريقها حتى تنتهى طاقتها..و لكن على طريقتها هى
........
برافوا ان النتيجة دي واصلالها في السن المبكر دة  بحيها جدااااا
لكن مش غلط تسمع يمكن تلاقي جوا الكلام حاجات تنور طريقها
........
فلاول مرة تعرف ان لبعض النظرات قدرة على الاحتضان ايضا
......
جملة في منتهى الروعة
النظرات قادرة على الاحتضان و الضرب كمان فقط للي عنده مشاعر و بيفهم لغة النظرات !
........

قال لها انها تبدو فى غاية الجمال و هى نائمة
كطفلة صغيرة لا تعرف من العالم سوى جزئه البرئ
شكرته بعيناها و قالت بصوت غير مسموع..
و لكنك لم ترانى عندما استيقظ من النوم!
.......
عارفة اختصرتي حالة من الهروب انا بعيشها في التوم انا بلجا لطفولتي و براءتي و براءة العالم لما بنام بس !
........
طالما اغواها المقعد الامامى
فالطريق منه اوضح و اكثر وسعا
و لكنها ادركت ان للمقعد الخلفى سحرا خاصا
فمن قال انها تحتاج لكل هذه المساحة
احيانا يكون وضع الجنين هو كل ما تحتاجه
......
من احلى ما قرأت على فكرة (فعلا و مش مجاملة)
على فكرة انا بقيت مش عايزة اسوق انا و لا اقعد في المقعد الامامي ابدااااااا!!!!!
تعبت و زهقت و فقدت كتيييييير من ملامحي و انا في الموقع دة
......
قال لها انه يدرك انها صعبة المنال
و انه على من يريد الاقتراب منها
ان يعانى لسنوات حتى يلفت انتباهها
و سنوات حتى تسمح له بالاقتراب
و سنوات حتى تمنحه ثقتها
فقالت بدون صوت ان لكل شيء سبب
و ان المستحيل بعينه ان تكون اسبابها مجرد حركات بنات

.........
احيانا تكون عصبيتها و صوتها المخنوق
و نظرتها الحادة و تصرفاتها العنيفة و ضحكتها المبالغ فيها
طريقة اخرى لاخفاء ضعفها..بل و انهيارها ايضا
.....
تفهم نظراته
و تحب طريقته الطفولية معها
و تضحكها كلماته الغير مفهومة
فيقتلها الشعور بالذنب نحوه
فاحيانا يكون عنفها المزيف وسيلة اخرى لاظهار امتنانها
.......
الرعب مع كل حد بيكون موجود و بدرجات لكن الرعب بيبقى اخف مع الوقت لو سمحنا لنفسنا اننا نعيش التجربة و التجربة الحقيقة تستاهل تتعاش لو كنا مش خايفين من الشخص نفسه !
........

عندما تأكدت انه عرفها كما لم يعرفها احد من قبل
قررت انه وقت لعبة الهروب الكبير
*******
فقط لو كنت اتيت فى زمن اخر..
لما تكبر و تبقى عجوز من اجمل الذكريات اللي حتصاحبها في حياتها ذكرى حب صادق حتى لو مكملش و لا تمش و حتى لو اتجرحت بسببه
من اجمل التجارب اللي لازم نمر بيها في حياتنا تجربة الحب لولا كدة حياتنا تعتبر ناقصة
الجرح مع الوقت بيطيب (لو حصل) في الاول صعب جدااااااااااااا لكن مع الوقت بيصغر لدرجة انه بيتمحي
حرام تحرم نفسها من متعة المشاعر النقية دي بسبب الخوف
الخوف صفة الجبناء و الجبناء (حتى لو عندهم مبررات قوية) مينفعش يعيشوا الحياة لانهم مش قدها!
الخوف لو مش من الشخص نفسه بس خوف من التجربة... يبقى خوف مش منطقي
لان حلاوة التجربة بكل ما فيها من عواطف متنوعة .. حب.. خوف ... قلق ... حرية ... قيود ... ثورة ....
علشان هي تجربة حياة !
هي يا ترى تحب تعيش و تكون معاشتش؟؟؟

اما عن الزمن
فالزمن مش ثابت و بيتغير و ظروفه و احواله و اشكاله بتتغير
لكن البني ادم الصح مش بيتكرر !


اتمنى يكون تعليقي عجبك

ReEm يقول...

هي يا طريقتها صعبة او هي شايفها صعبة بس اعتقد حلم الجميع يحب على طريقته بس الاغلب بيتنازل و يحب بطرق اخرى

..

في ناس مش تاعبة في حياتها غير انها مش عارفة تتعلم لعبة الصراحة و بتخاف و زي ما قولتي تترعب من انها تقول الصراحة و تحكي و خصوصا لو عنها لدرجة انه الناس دي بدأت تفكر تقفل مدونتها لانه بقى فيها عنها حجات كتير و صريحة و مرعوبة حد يقراها في يوم تقريبا الناس دي بدأت توصل لمرحلة الرعب من مدونتها :D

..

عمره ما استهوني المقعد الامامي

..

اكتشفت انه ناس كتيرو خصوصا البنات بيخبو ضعفهم و انهيارهم ورا مشاعر قوية الظهور بس كدابة و انا منهم

..

كنا اتحرمنا منك يا لي لي نهون كدة عليكي :D

Fatma يقول...

اقري كلام لين كويس :)

dalia يقول...

أنا حرة
حتما سيأتي اليوم الذى اراك فيه عن قرب انا راسمه ليكي صورة معينة بعيدة عن اللى بتكتبيها شيئ غريب مش كده بس ده أعتقد ناتج عن عشق التخفي اللى مسيطر عليك بالاضافة الى بقعة الخوف اللى جواك
حقيقي استمتعت بكلامك انت على فكرو تنفعي تكوني طبيبة نفسية بس بشرط انك تتخلصى من اللعبكة المركبة من التخفي والخوف

مش عارفه كلامك لمس حاجه جوايه مش عارفة ايه بالضبط بس صدقيني اتركي الامور تمضى بسلاسة براحه من غير تشنجات :) اسمحيلي بالنقد اصل انا معتبراك صديقة مش عارفه انت رأيك ايه؟
ملحوظة اخيرة انت بطلت تقراى جريدة الشروق ولا ايه أوعي تكوني زي كبارى بيقراها وهو مسافر بس :(
تحياتي الراقية

Desert cat يقول...

اجمل حاجه فعلا عجبتنى فيها انها تحب تمشى خطاها هى وليست تتبع خطوات الآخرين حتى النهاية
البوست المرة دى له سحر ومذاق خاص تماما
ابدعتى

The Seagull يقول...

قرأت البوست مرتين ومافيش في دماغي غير تعليق واحد .. رهييييييييييييبة :D
لا بجد بوست عميق جدًا وشفاف جدًا جدًا :)

معلش الرد ده تصبيرة كدة على ما أخلص امتحانات وأحلل كلامك لأنه في نقاط كتيرة جدًا متشابهة :D

Yasmine يقول...

لين
انا مش عارفة ارد على كلامك
بس عايزة اقولك ان فى اغلبه حسيت كانك دخلتى جوايا..كلامك فرق معايا اوى..حقيقي فرق معايا فوق ما تتصورى
يمكن لسه قدامى شوية على ما اقدر اغير نظرتى فى حاجات كتير..لكن ما يمنعش انك فتحتى قدامى اكتر من مجال افكر فيه

و بالنسبة لسؤالك
هي يا ترى تحب تعيش و تكون معاشتش؟؟؟

هى مش فارق معاها تكون عاشت ولا ما عاشتش لان مبرراتها مقنعة بالنسبالها حتى لو كانت مش عارفة توضحها بالكلام..يمكن فى يوم تعرف تغير قناعاتها و تلاقى فى نفسها الشجاعة اللى تخليها قادرة تسمح لاشخاص معينين انهم يقربوا منها و يمكن لا..لكن اللى اقدر اقولهولك ان كتير من مسلماتها ابتدت تتغير..تغيير بسيط اى نعم بس اعو احسن من مفيش

عجبنى بس؟!..تقدرى تقولى كلامك فوقنى :)

Yasmine يقول...

ريم

انا شخصيا اعرف واحدة تصحى كل يوم الصبح تقول هقفلها و بعدين ترجع فى كلامها زى العيال..بس شكله هيحصل قريب :))

بس انتى فهمتينى غلط فى اخر نقطة..انا ما اقصدش الناس اللى هنا لان اللى عرفوه اتعرف من اللى بكتبه انا..المشكلة فى اللى عرفوا كل دا لوحدهم و من غير اى تدخل منى..حاجة مرعبة مش كده :)

Yasmine يقول...

فنفونتى انا بس :D

قريته مرتين..و زى ما قلتلك انتوا الاتنين بتفوقونى..تقدرى تنكرى ان اللى حصل دا خطوة كبيرة اوى فى حد ذاته..اوعى تشتمينى فى سرك ارجوكى :D

Yasmine يقول...

داليا

انا عايزة اعرف انتى متخيلانى ازاى..عندى فضول رهييييب انى اعرف :)

بالنسبة لحكاية التخفى فدا كان زمان دلوقتى ما تلاقيش منه نهائى يعنى :D

اما التشنجات دى ففى حاجات معينة كدا بعتبرها ثوابت فبالتالى نصيحتك هتبقى صعبة اوى بالنسبالى بس اوعدك انى هحاول

اما الجرايد فانا تقريبا ما بقيتش بلحق اقرا حاجة..حتى المصرى اليوم بعدى على عناوينها فى عشر دقايق

و اكيد حاجة تشرفنى انك تعتبرينى صديقة :)

Yasmine يقول...

desert cat
كنت متاكدة انك هتعلقى على النقطة دى تحديدا :)
تسلمى يا حنان و منورانى دايما

Yasmine يقول...

تسلميلى يا يويو يا رب :)
دايما مشجعانى كدا
ربنا معاكى فى الامتحانات ان شاء الله..و هستناكى تقوليلى على النقط المتشابهة

mony يقول...

احيانا تكون عصبيتها و صوتها المخنوق
و نظرتها الحادة و تصرفاتها العنيفة و ضحكتها المبالغ فيها
طريقة اخرى لاخفاء ضعفها..بل و انهيارها ايضا

فكرتينى بيا:$

كلامك اثر فيا اوى يا فلة..مش عارفةحاسة انك بتتكلمى انا بفكر ازاى..

يمكن انا مش حعرف اقولك اللى انا عايزاه
بس انا لما قريت كلام لين..الموضوع اتفسر لى اكتر
انتى شكلك عايشة مأساتى يا بنت انتى:)

ربنا يسعدك يارب

Here i'm يقول...

بعد ما فنون و لين قالوا اللى انا عايزه ..

انا شايف انها فى حيرة ..

و ملهاش غير الورقة و القلم ..و 1 + 1 = 2 معتقدش ان ليها حل تانى فى وقتنا دا :)

Yasmine يقول...

mony
شكلها ماساة الجيل كله يختى
هى مش ماساة اوى يعنى..تقدرى تقولى حالة لخبطة و ان شاء الله تخلص قريب

و يسعدك انتى كمان و يقدملك اللى فيه الخير يا رب :)

Yasmine يقول...

و اى حيرة يا كوبرى يا ولدى دى قربت تتجنن خلاص :))
بس مش كل حاجة بتتحسب بالورقة و القلم احنا عندنا حسابات تانية غيركم انتوا يا رجالة..حتى الغير عاطفيات مننا :D

و يا رب المية الساقعة تكون جابت نتيجة معاك ;)

leeno يقول...

ليه الحيرة بس؟

تستخير ربنا و تتكل على الله

التجربة بكل ما فيها مهمة و حلوة

blackcairorose يقول...

اول مرة الاحظ بانر فيلم صوت الموسيقى عندك، الفيلم ده برضه بحبه جدا وليه معاه ذكريات

لو هتكتبي عنه تدوينة في يوم ياعزيزتي اتأكدي اني هعلق عليها!!

واطيب تحية

Here i'm يقول...

تصدقى و تؤمنى بالله ان انا غلطان انى ردتلك فى البتاع بتاعك دا :o

مياه ساقعة ها .. عارفة لما تبقى فى عز الشتا على كوبرى ستانلى و الدنيا بتشتى و انتى مخففة و بعدين يجى حد لذيذ يقوم حاطط تلجاية فى قفاكى :D .. أسكتى أسكتى

على فكرة انا قولت بتتحسب بالورقة و القلم علشان على ما اعتقد أنها عدت مرحلة السقوط من أول نظرة :)

فخمتو ..

على فكرة لين قالت الحل .. صلاة أستخارة

لين .. على فكرة أنتى تنفعى تبقى مستشار عاطفى .. أكيد ححتاجك فى يوم :D .. و متقوليش كلمنى على الخط الساخن 0900 :D

غير معرف يقول...

مش فاهمة بس متقاطعوش في حاجة بس مش فاهمة

بس..فهمت نقطة الضحك والعياط..:) ربنا يفرحك ويريح بالك :)

Yasmine يقول...

لين..

المصيبة ان الوحش بالنسبالى اكتر بكتير من الحلو اللى بتقولوا عليه دا
يا ريته بالسهولة دى يا لين :)

Yasmine يقول...

blackcairorose
كنت ناوية اعمل كده فعلا لكن مالقيتش وقت كفاية و لقيتنى مهما كتبت مش هعرف اعبر عن حبر لواحد من ارقى الافلام فى تاريخ السينما
نورتينى

Yasmine يقول...

كوبرى

هو انت تقدر اصلا ما تردش على حاجة انا كتباها..اهو دا اللى ناقص

هههههههههه اسكت دا انا فضلت اضحك امبارح طول اليوم كل ما افتكر..بقالى زمن ما ضحكتش كدا بجد :D

من غير استخارة الموضوع ابسط من كدا..انا عارفة نفسي..هذه ليست ليلتى لا دلوقتى ولا بعدين :)

Yasmine يقول...

و يسعدك انتى كمان يا ايمان يا رب :)

leeno يقول...

:@:@:@:@:@:@

ارحمني يارب الصبر من عندك

Yasmine يقول...

ههههههه
اوعى يا لين تكون مرارتك اتفقعت منى ولا حاجة..كفاية حابى و اللى جرالهم منى :D

هم سنتين كدا فى مستشفى امراض نفسية و هبقى كويسة ما تقليش :D
بس والله كلامك فرق معايا جدا

The Seagull يقول...
أزال المؤلف هذا التعليق.
The Seagull يقول...

أنا جييييييت :D

يقولون ان لكل طريقة فى الحب
فبالعض يظهر حبه بحلوى يدوية الصنع
و البعض الاخر يظهره بهدية بسيطة و لكن معبرة
و اخرون يظهرون حبهم بكلمة صغيرة او نظرة ذات مغزى
و لكنها لا تعبأ بالحلوى و الهدايا ولا تهمها الكلمات كثيرا
فهى فقط تريد ان تحب على طريقتها هى..قمة الصعوبة..تعرف!
*******

أدي أول نقطة :)
مش عارفة يختي ايه الصلابة اللي احنا فيها دي :D



لعبة الصراحة لا تناسبها
فان تحكى مؤلم بما فيه الكفاية
و ان تحكى لك انت فهذا يتعدى مرحلة الالم..
و يصل الى مرحلة الرعب
*****

امممم .. مشكلة حكاية الكتمان دي :)
لا وانتي بتتكلمي مرتاحة ولا حتى لما بتكتمي مرتاحة .. إحساس صعب أووي بجد .. بس هنعمل ايه طبع :D




قالت لها اتبعى خطواتى و لن تضلى ابدا بعدها
فاجابت بانها ترى الطريق وحدها..و بان مقاس حذائك اصغر من ان اراه
فقمة الانجاز فى نظرها ليست فى كلمة "النهاية"
و لكن فى ان تمشى طريقها حتى تنتهى طاقتها..و لكن على طريقتها هى

*******

في الجوووون .. أدي تاني نقطة :)



يعرفون انك تعرف
و لكنهم لا يعرفون انها تعرف
يخبرونها انها يجب ان تعرف
فتخبرهم بانهم لا يعرفون
و لكنها تعرف جيدا انك تعرف..
و انهم يعرفون..
و انها تعرف من قبلهم

*******
جامدة :D رغم إني قعدت أقرأ فيها يجي 10 مرات عشان أستوعبها بس في الآخر فهمت :D



كانت تعتقد انها تحتاجه ان يكون اكبر من الحياة نفسها
حتى يتمكن من احتواء امراة مثلها
لكنها ادركت انها تحتاجه فقط ان يفهمها
و عندما يفهمها يحاول ان يشرح لها..لانها نفسها لا تفهمها
اكتشفت انه ان يكون سوبر مان
اسهل عليه بمراحل من مجرد محاولة فهمها

*******

كانت كلمة "زواج" كافية لتشعرها بالدوار
الان اصبح التلميح به اكثر من كاف ليفقدها ما تبقى من عقلها!
******

أدي تالت نقطة :) خصوصـًا موضوع الزواج ده .. أنا حاسة إني عندي عقدة والله بسبب الحالة اللي بأبقى عليها لما بس أشم خبر بحاجة زي دي :D



طالما اغواها المقعد الامامى
فالطريق منه اوضح و اكثر وسعا
و لكنها ادركت ان للمقعد الخلفى سحرا خاصا
فمن قال انها تحتاج لكل هذه المساحة
احيانا يكون وضع الجنين هو كل ما تحتاجه

*******
متفقة معاكي جدًا :)



قال لها انه يدرك انها صعبة المنال
و انه على من يريد الاقتراب منها
ان يعانى لسنوات حتى يلفت انتباهها
و سنوات حتى تسمح له بالاقتراب
و سنوات حتى تمنحه ثقتها
فقالت بدون صوت ان لكل شيء سبب
و ان المستحيل بعينه ان تكون اسبابها مجرد حركات بنات
*******

ادي رابع نقطة :)

Yasmine يقول...

يا هلا يا هلا :))

والله مش صلابة ولا حاجة يا يويو بس هى المشكلة لما الواحد ينسى ان اى علاقة فى الدنيا بيبقى فيها طرفين و الاتنين لازم يكونوا مبسوطين فيها..اغبى حاجة فى الدنيا ان الواحد يعمل اللى بيريحه هو و يفتكر انه لمجرد انه بيحب الحاجة دى الطرف التانى لازم يتبسط بيها هو كمان

بس الطبع دا بيبقى مؤلم اوى للناحية التانية :)

بالنسبة للجواز و حركات البنات فمش اى حد هيفهمنا فى النقطة دى..و انا عارفة انك شبهى فى الحكاية دى و مبسوطة اوى انك فاهمة..على الاقل احس انى مش لوحدى اللى كدا :D