الثلاثاء، 14 يوليو، 2009

خمسة فرفشة..

نظرا لحالة الكابة المستعصية اللى انتشرت فى البلوجات و المجلات و الجرايد و الافلام ..و فى كل حتة قلت اسليكم بموضوع خفيف منقول من كتابين لعمر طاهر..
"ابن عبد الحميد الترزى" و "شكلها باظت"
***** ازاى تعرف انك بتتفرج على فيلم مصرى؟
-عندما يكون البطل مريضا منهكا فى الفراش و تقدم له البطلة حبة دواء مع كوب ماء, فيبتلعها البطل ثم تساله البطلة فورا " ها عامل ايه دلوقتى؟" المفاجاة انه يرد "الحمد لله بقيت احسن".. ( كده بالسهولة دى؟! واخد حبة البركة ولا ايه؟!)
- فى افلام ما قبل الثورة مفردات يسهل تمييزها " سي محمد او محمد افندى"
اما الباشا فنادرا ما تعرف له اسما غير" سعادة الباشا" " يا حضرة و هى المرادف ل يا بشمهندس فى الالفلية الجديدة" " و ممنون المرافدة لكلمة قشطة حاليا" اما التعبير عن الموافقة فكان "فليكن" و اصبح حاليا "بيس يا مان" - اهم ما يميز سيارات فترة ما قبل الثورة
خلل ما فى المساعدين
يجعل السيارة تتميل يمينا و يسارا كالبطة البلدى كما انك لن تجد فى افلام هذه الفترة بطلا يقود سيارته بيد واحدة على الرغم من ظهور السيارات الاوتوماتيكية بعد ذلك ب50 سنة - ازمات الربو هى العامل المشترك فى افلام ما قبل النكسة فتمتلئ المشاهد بالتنهيدات
و محاولة البطل الحصول على نفس عميق فى حضور الاخر ( يمكنك ملاحظة هذا بقوة عندما يكون المطرب بطلا
و تستمع اليه البطلة فى الراديو حيث ستشعر بمدى حاجتها للبخاخة)
- اهم ما يميز افلام ما بعد العبور اللقطات التى تلتقى فيها كل الوان الطيف
مع السوالف و الشعر و البواريك (جمع باروكة) فى رقصة شبابية متحررة فى المهلى الليلى
على انغام اجنبية ليقدموا الرقصة المميزة لجيلهم و التى تعتمد على تطويح الراس يمينا و يسارا (كرواد الموالد الشعبية) مع ثنى الساقين و الرعشة المميزة للعلاج بالجلسات الكهربائية
- عندما يصل البوليس الى موقع السرقة او الجريمة عموما
دون ان يبلغه احد! ( فى الحقيقة المخرج هو الذى بلغ الشرطة
حتى يصور مطاردة مثيرة بين الشرطة و المجرمين) - عندما يصب البطل من زجاجة المشروبات الكحولية فى كوب زجاجى طويل فيمتلئ عن اخره كانه يصب عصير قصب - عندما يخلو فيلم عن الصراع المصرى الاسرائيلى الا من كلمة واحدة "خالتى بتسلم عليكوا" - عندما تشاهد فيلما بطولة ممثلة فوق الستين تقدم فن الاغراء! - عندما ينجح هذا الفيلم - عندما يتكشف الزوج خيانة زوجته مصادفة
لانه نسى شيئا فعاد الى بيته و خلال هذه الفترة يكون العشيق قد وصل و غير ملابسه
و اصبح فى فراش الزوجية جاهزا للفضيحة ***** لماذا اصبح المصريون يكرهون الوظيفة؟ (مقارنة بين الشغل و السجن)
- فى السجن يمكنك ان تنقل نفسك فى زنزانة فردية لا يزاحمك فيها احد بمنتهى السهولة..يكفى ان تخرق القواعد داخل السجن - فى الوظيفة حتى تستاثر بمكتب بمفردك..تحتاج الى مجهود جبار - يمكنك الاتلحاق بالسجن فى اى وقت..بمفردك و بمجهودك الشخصى - بينما فى الوظيفة تحتاج الى واسطة من الاساس - فى السجن عندما تكون ملتزما..
تتم مكافئتك بتقليل المدة التى تقضيها - فى الوظيفة اذا كنت ملتزما
تتم مكافئتك بالمزيد من العمل..اى المزيد من الوقت - فى السجن تحصل على ثلاث وجبات يومية مجانية - فى الوظيفة تدفع على الاقل ربع مرتبك
للحصول على وجبة منتصف اليوم - فى السجن كبار المساجين
ضيوف رئيسيون فى البرامج التليفزيونية الشهيرة - و فى الوظيفة كبار الموظفين
ضيوف رئيسيون فى صفحات الكاريكاتير
- فى السجن لديك فرصة للتوبة فى اى وقت - فى الوظيفة ليست لديك فرصة للتوبة قبل سن الستين - فى السجن اذا وشيت بزميلك ينبذك باقى زملائك - فى الوظيفة اذا وشيت بزميلك تصبح رئيسا على بقية الزملاء - فى السجن يمكنك ان تترك اى شئ ذى قيمة فى الامانات - فى الوظيفة لا تترك موبايلك على المكتب و تذهب للحمام
لانك لن تجده عند عودتك - فى السجن اذا هربت يبحثون عنك باخلاص - فى الوظيفة اذا هربت..يكسروا وراك قلة
- فى السجن..يتم عجز الساديين - فى الوظيفة..تتم ترقيتهم
***** كيف تعرف انك اتربيت فى بيت مصرى؟ (اشهر جمل بيقولها الاب و الام لاولادهم)
- مش عايزة اسمع صوت
(تدريب مبكر على القمع و الديكتاتوربة اللذين ستواجهمها طوال حياتك)
- ما تردش عليا (نصيحة هتنفعك قدام مديرك)
- لو مش فاهم حاجة ارفع ايدك و اسال المدرس
(فاكرين المدرسين زى اللى كانوا بيدرسولهم زمان)
- ضرب امثلة على الكفاح و اشهرها القريب
اللى كان بيذاكر على لمض الجاز و خد الدكتواره و سافر امريكا
- التهديدات المخيفة شكلا و الكارتونية مضمونا مثل:هاقطم رقبتك, هاقطعلك لسانك او هدبحك دبح
- يالا يا ابو كحكة حمرا..انت فاكر نفسك هتقعد تاكل معانا؟
- و مالها بقى كتب الوزارة؟
***** ازاى تعرف الcouple اللى قدامك متجوزين صالونات ولا عن حب؟
- ازواج الصالونات يعانون غالبا من مشكلة سوء التفاهم اما المتجوزين عن حب
فيعانون من تدخل الناس بدعوى ان الحب مش كل حاجة
- ازواج الصالونات يتمسكون
بوضع صورة كبيرة للزواج على حائط الصالون "صورة بالبدلة و الفستان و الغرض منها تسجيلى..
مجرد توثيق فوتوغرافى للزواج المتزوجون عن حب يملاون البيت بصورهم
و يحتفظون بصور الزفاف فى الالبومات - زوج الصالونات عندما يتحدث عن زوجته
يتحدث عن "البيت" او "الجماعة" المتزوج عن حب يجد لاسم زوجته حلاوة ما فيردده بسهولة
عندما يكون الكلام بخصوصها فيقول مثلا "انا و داليا قررنا" و كذلك الامر بالنسبة للزوجة - زواج الصالونات ترعبه كلمة خيانة و توتره المتزوج عن حب تضحكه كلمة خيانة - ازواج الصالونات ملتزمون بالمواعيد المتزوجون عن حب يصلون دوما متاخرين - فى خلافات ازواج الصالونات دائما ما يتم الترحيب بالوسطاء و المتزوجون عن حب نادرا ما يرحبون بهم
فمن يتدخل بينهما يكون هو الخاسر غالبا - ازواج الصالونات يسرعون دائما بالانجاب المتزوجون عن حب يجدون سعادة
فى سيطرتهم على مشكلة من هذا النوع و يتفاخرون بثقتهم فى نفسهم امام الناس - ازواج الصالونات يسيرون
الى جوار بعضهم فى الشارع بخطوات بطيئة و نادرا ما تتشابك ايديهما و يندر بينهما الحوار المتزوجون عن حب يجر الواحد منهما الاخر من يده و احيانا تعلق الزوجة بيد زوجها و يتدحثان بصوت عال غالبا - ازواج الصالونات يحالفهم الصمت فى اشارات المرور
و الاستراحة اثناء مشاهدة فيلم فى السينما و فترة انتظار الطعام فى اى مطعم و المتزوجون عن حب لا ينتهى بينهم الكلام المهم او الفارغ ابدا ***** و ختامها مسك :) اشهر كدبات بيقولها الرجل للست فى مصر..
و الكلام على لسان عمر طاهر برضه :)
- بصراحة انتى تستاهلى واحد احسن منى
- المشكلة عندى مش عندك..انا مش حابب فكرة الجواز
- اهلى ضاغطين عليا عشان اتجوز بنت عمى او بنت خالتى او بنت الجيران
- خلينا صحاب احسن
- علاقتنا مافيهاش كيميا
- انا مش قادر احبك زى مانتى بتحبينى قوى كدا
- انا هقفل بقى عشان داخل على لجنة
- كنت قافل الموبايل عشان كنت فى ميتنج
- ما رديتش اصلى كنت عند المدير او كنت سايق
- معلش اصل الموبايل فصل شحن
- عقلك اكتر حاجة عجبانى فيكى
- يا حبيبتى اعملى اللى انتى عايزاه
(دا لما يكون اللى انتى عايزاه نفس اللى هو عايزه)
- على فكرة انتى اكتر واحدة فهمتينى فى الدنيا كلها - انا مستعد اتجوزك دلوقتى حالا (عندما يعرض هذا العرض على واحدة
يجب ان تتظاهر بالموافقة وقتها ستعرف مدى عمق الكذبة)
- لعلمك الاختلاف اللى بيننا هو اللى هيقربنا لبعض اكتر
- لما ببص فى عينيكى ما بقدرش اكدب عليكى
- اما تلاقيه مركز مع اليسا و مش حاسس انك جنبه فيقولك "لعلمك انا ما بتعجيبنيش اليسا اساسا..انا يهمنى جمال الروح اكتر"
- صدفة غريبة لعلمك انا كمان ما بسمعش غير فيروز!
- الحب حاجة و الجواز حاجة تانية
- دى حتى حماتى وحشانى
- الخروجة كلها رجالى
- تصدقى انا حتى مش فاكر اسمها ايه؟!
- دا انا حتى ماعرفش البانجو دا شكله ايه
- اول واحدة حبيتها ماتت فى حادثة او اتجوزت و سابت مصر او خانتنى مع اعز اصدقائى او اهلها رفضونى
- انا عضو اللجنة المنظمة للماراثون بتاع مستشفى السرطان الجديد و دايما بقضى تانى يوم العيد فى ملجأ ايتام بس مش بحب اقول الكلام دا كتير :D

هناك 20 تعليقًا:

ســـــاره يقول...

ههههههههههههههههه تحفه يا ياسمين

تعرفي والله العظيم القلوب عند بعضها
انا كمان مجهزة موضوع عن اظرف الفيديوهات اللي بجد بتضحكني جدااا
بس عندي مشكلة كده في التحميل واول ماخلصه هنزله بإذن الله :)

mohamed ghalia يقول...

ههههههههههههههههههه
أيوه كده يابنتى فرفشى محدش واخد منها حاجة

Here i'm يقول...

فاكرة الكتاب اللى كنت عمال أقولك عليه بتاع عمر طاهر لما كان بيتكلم عن السينما .. و مكنتش فاكر أسمه حالص .. طبعا مش حتفتكرى يا زهايمر :D

هوا الكتاب دا .. بن عبد الحميد الترزى .. الكتاب دا تحفة بجد :D

أنا عجبنى جدا كام حاجة كده .. حبقى أكتبهم تانى

ReEm يقول...

طيب انا مش عارفة اعلق بصراحة

هي المقارنة مابين زواج الصالونات و الحب مش ظالمة شوية يعني

و حتة الكدبات دي هي للجنسين بصراحة اصله داء متفشي

لذيذ الكاتب ده حلو انه الواحد يألف كتاب ظريف و يضحك وسط امواج الكآبة دي

The Seagull يقول...

فيلم مصري أول فقرة ..

نسيتي تقولي وتكون البطلة فاتن حمامة والبطل عماد حمدي :D


أفلام ما قبل الثورة
طبعًا يا بنتي ماهو لازم الإنسان يتواكب مع متطلبات العصر .. لازم يبقى مودرن روش كحن :D


ضحكتني أووي حكاية المساعدين بتاعة عربيات زمان دي وتشبيهه ليها بالبطة البلدي :D مسخرة بجد


وماتنسيش برضه فاتن حمامة في أدوار المرض دي :D


هههههههه امسك حرامي :D


مع تحيات نجمة الجماهير نادية الجندي :D


هههههههههههه حلوة نقطة الخيانة دي .. صحيح بجد ايه السذاجة اللي كانوا عليها دي :D


الكاتب نسي يقول عندما تتصنع بعض الستات البكاء اهئ اهئ اهئ وفي ايديها منديل تجفف دموعها اللي هي مش نازلة أصلاً :D


الجمل المشهورة بتاعة الأم والأب دي ياما منها كتييييييير :D


أما بالنسبة للمقارنة بين جواز الصالونات والجواز عن حب فهي صحيحة بنسبة 80%


رائع الكتاب ده بجد .. ما تديهوني لفة :D

التى هى نفسى يقول...

جميل أوى البوست ده
كنت محتاجاه فعلاً
اهو تغيير للحاله المسيطره على عامة الشعب :)

تسلمى على اختيارك الجميل
متغيبيش بقى :) ..

Superman يقول...

هو ده الكلام ولا بلاش :D

عمر طاهر ده اجمد كاتب ساخر موجود حاليآ..
انا اتهريت تريقه لما كتبت بوست عن سنة 2008 و اديت جوايز للناس..و كان له حوالي 5 او 6 جوايز..
كل الناس استلموني تريقة وقتها..
و جه اليوم و اديكي بتثبتي نظرتي المبعدية الثاقبة في ان الراجل ده زي الفل و يستحق الإشادة..

انصحك تقري كتابه الجديد "جر ناعم"..و تشوفي فيلمه الجديد "طير انت" و كمان شهر ان شاء الله تشوفي مسلسله "سوبر هنيدي 3"..:D

Jannah يقول...

حلوة الاختيارات
خصوصا اول واحدة حق حبة الدوا
وعصير القصب

_____
ازواج الصالونات يسرعون دائما بالانجاب
المتزوجون عن حب يجدون سعادة
فى سيطرتهم على مشكلة من هذا النوع
و يتفاخرون بثقتهم فى نفسهم امام الناس

___
مافهمت هاذي

انا حرة يقول...

دا انا بقالى كام يوم ماسكة الكتب بتاعته و مش قادرة ابطل ضحك..ساعات الواحد بيحتاج حاجات خفيفة كدا تطلعه من المود

انا هستنى موضوع الفيديوهات دا..بس لما تعرفى تعمليه ابقى اشرحيلى عملتيه ازاى عشان انا فشلت فشل زريع فى حكاية الفيديوهات دى :D

انا حرة يقول...

mohamed ghalia
انا بقول كدا برضه :)

انا حرة يقول...

كوبرى

ههههههههههه ولا فاكرة طبعا :D

دا انا من كام يوم كنت بنقل الحاجات من اللاب توب القديم و لقيت كتاب بتاع اوباما قعدت ساعة عشان افتكر دا جالى منين :D

انا حرة يقول...

ريم

هى مش نظرة ظالمة هى متحيزة شويتين..و انا معاه بصراحة :D
بس ما يمنعش انى مقتنعة تماما انه مفيش مسلمات فى الجواز بالذات..لكن هى طبيعة شخصيات..فى ناس حياتها بتنجح لما بتبقى مرسومة بالقلم و المسطرة و ناس ما تقدرش تقبل فكرة الجواز بالطريقة دى

اكيد كلنا بنكذب طبعا بس هو جمع اشهر كذبات الرجالة عامة..فعجبنى انها تطلع من راجل مش اكتر :D

انا حرة يقول...

يويو

ههههههههه دا هرا عماد حمدى و نادية الجندى تريقة..انصحك بجد تجيبى الكتابين دول مسليين جدا فى الصيف الحقيقة

و بالنسبة للستات فهو اتكلم عن المشاهد بتاعت طلقنى طلقنى طلقنى و لما يطلقها تقوله عملتها يا ندل :D

انا شايفة برضه انها صحيحة بنسبة 70 او 80%

يا سلام بس كدا..ابعتهملك لحد البيت حددى انتى بس الزمان و المكان :D

انا حرة يقول...

التى هى نفسي

كويس ان الموضوع طلعك من المود..انا قلت نغير شوية حالة الكابة اللى ماشية فى البلد اليومين دول

مش هغيب ما تقلقيش فى موضوع جديد فى الطريق..بس المهم انتوا ما تزهقوش :)

انا حرة يقول...

محمد

دى مبعدية جدا و ثاقبة بشدة :D
انا كنت بضحك على صحابى لما كانوا بيقروا شكلها باظت فى المحاضرات و السكاشن و
من ساعة ما جبت الكتابين و انا مسكاهم على البحر و قاعدة اضحك لوحدى زى الهبلة :D
و انا اساسا صعب جدا ان حاجة تضحكنى خصوصا لو كانت مكتوبة

بفكر اشوف طير انت دا لما ينزل بس لو طلع زى اتش دبور هزعل اوى على فلوس التذكرة :D

انا حرة يقول...

جنة

هقولك يا ستى حشب ما انا فهمت يعنى
هو يقصد ان ازواج الصالونات بيبقوا عايزين حياتهم تمشي زى ما الكتاب بيقول..يعنى جواز و اتجوزوا..بيت وعملوا..مش ناقص غير الاطفال عشان الصورة تكمل

اما المتجوزين عن حب فعندهم مجال اكبر للعفوية فى حياتهم..و ماعندهمش مهمة انهم يثبتوا للناس انهم مبسوطين اولا لانهم مبسوطين من الاول و الا ما كانوش اختاروا بعض و ثانيا لانهم مش هاممهم الناس لان فى الجوازات دى دور الاهل و القرايب بيبقى اقل بكتير من جوازات الصالونات
فبيبقى عندهم فرصة اكبر انهم يستمتعوا بس بمجرد فكرة جوازهم و تاخر الاطفال دا مش بيدايقهم و حتى لو ربنا ما ارادش انهم يخلفوا ثقتهم فى قصتهم بتخليهم يعدوا الحكاية دى

دا حسب مانا فهمت يعنى :D

أسماء علي يقول...

هههههههههههههههه
يا رااايقة
بس تصدقي أنا ضحكت هو أصلا عمر طاهر ده كارثة متحركة

شكرا على تغيير المود بجد

e7na يقول...

جميل جدا الاختيار يا ياسمين
عمر طاهر كاتب موهوب جدا وأنصحك بجر ناعم زى ما سوبر مان قال
جميل بالرغم من انه مش ساخر زى الاعمال اللى قبله لكن محاوله مختلفه وتستحق القراءه
مدونتك من الحاجات المبهجه القليله جدا

mony يقول...

يخربيتك..
تحفة ودخلت دماغى اوى اخرة حتة دى بتاعت الماراثون..
احيه يا ختى هو الكدب القديم ده لسة عند الرجالة لحد الوقتى..يعنى مفيش كدب جديد يواكب2009 اللى احنا فيها دى

لا رهيبة بجد انتى ف البوست دى..
"تصقيفة يا اخوانا"

انا حرة يقول...

دكتورة اسماء
كويس انه ضحكك..و بعدين ما نروقش ليه ماحدش واخد منها حاجة :)

e7na
كدا يبقى اكيد هيبقى جر ناعم فى الحطة الخمسية الجاية باذن الله
بس انت متاكد من حكاية مبهجة دى؟ :)

مونى
مش بيتى انا..بيت عمر طاهر
ما هو يا اوختشى طول ما فى ستات لسه بتصدق لازم يكون فى رجالة لسه بتكدب :D
بس تصدقى انا كنت بفكر فى نفس الحاجة..قديم اوى الكلام دا و ما كانش ناقصه غير نينة اللى عيانة فى البيت و عايزة تشوفك قبل ما تموت :D