الأحد، 9 نوفمبر 2008

و يقول انى امرأة..

انا من كانت يوما طفلة عيناها هما البراءة نفسها فاصبحت عجوز فى جسد صغيرة ترى فى عيون امها فزع و رعب فهى طفلة..اى انثى..اى جسد مستباح منذ خرج الى الدنيا فسمعتها تحذرنى من الجميع..فلا احد فوق مستوى الشبهات..ايا كان فانتقل الى خوفها الى حتى اصبحت اخاف من ابى و عمى و خالى.. فالكل ينظر الى على انى عار..و الجميع يعتبرنى خطيئة انا من عشت اياما كان يفترض ان تكون اكبر همومى فيها مدرسة و فسحة و لعبة طالما رغبت فيها عشتها و انا التفت حولى خوفا من ان يحدث لى شيئا مما حذرتنى امى منه فهذا مدرس تحرش بطفلة.. و هذه مدرسة هتكت عرض تلميذتها.. و هذا جار اغتصب جارتة الصغيرة التى لم تتعدى السادسة.. فكيف اشعر بالامان و انا من حرمت منه منذ تعلمت الكلام؟ و ما ذنبى فى تحول البعض الى حيوانات لا هم لها سوى اشباع رغبات مريضة و كائنات تجردت من كل ما يمت للانسان بصلة فاصبح وصفها بالحيوان اهانة بالغة لكائنات حرمت ميزة العقل دون ارادة منها فعشت سنوات عمرى الاولى بين عيون مفزوعة لام خائفة.. و نظرات مؤلمة لاب يتمنى كل دقيقة لو كنت رجلا حتى لا يحمل بداخله كل هذا الخوف على مستقبل باهت لكائن لا ذنب له فى الحياة الا انه لم يولد ذكرا انا من اصبحت شابة..ابواب الحياة تحتضن احلامها القادمة فاصتدمت بواقع مرعب.. نصف من فيه يقهرها و نصفه الاخر يعتقد انه ينصفها فخيرنى الجهلاء بين ان ارتدى ما يرونه هم مناسبا و بين ان يصبح جسدى رخيصا..مستباحا لكل من رأى فيه ما يعجبه فاليوم يرون ان عينى عورة يجب اخفاءها و غدا سيرون فى عقلى عار لا بد من اقتلاعه فاصبح نفاقهم لا يطاق..و اكاذيبهم لا تحتمل ففى اثناء مطالبتهم لى بتغطية عقلى.. يتبارون فى اثبات رجولتهم المفقودة على غيرى من النساء..عفوا اقصد الجوارى فسمح لهم ضميرهم الغائب و عقلهم المريض بان يجدوا المبررات لغيرهم من حيوانات الطرق و كلاب السكك فهم معذورون..مكبوتون..محرومون.. فالمرأة دائما هى السبب..و ملابسها هى المتهم الوحيد فاصبح فشلهم فى استخدام نعمة العقل و فضيلة التمييز خطئا اخر على انا وحدى تحمله و توالت التصنيفات الظالمة: فانا اما منتقبة فاضلة.. فالنقاب هو الدليل الوحيد على الفضيلة ايا كانت نوايا من ترتديه او محجبة محترمة..و لكن تنقصها الفضيلة.. فضيلة تغطية الدماغ و حجب العقل او سافرة لا هم لها سوى استجداء نظرات الجائعين فاصبحت من اصحاب المعجزات و جمعت بين النقيضين:الجانى و المجنى عليه و من عارضت فهى كافرة.. و من ناقشت فهى مجادلة.. و من اعترضت فهى تتحدى اوامر الله و رسوله قهرونى باسم الدين..و الدين منهم برئ فوجدت نصف اخر يدعى انصافى يدعو الى تحررى من حجاب وصف بالقهر.. و من دين وصف بالرجعية فلقبونى بالتحفة و الحجر النفيس الذى يجذب عيون المعجبين و تباروا فى اثبات فروض الولاء و الطاعة بكلام زائف و دفاع كاذب عن قيم مشبوهة فانتقدوا عبودية الجهلاء لجسد المرأة.. و اصبحوا هم عبيد افكار اكثر مرضا و بين دعاة التحرر من "الكفر" و "الفسق" لدعاة التحرر من الحياء يا قلبى لا تحزن فالحجاب لم يكن ابدا رمزا للقهر و الدين هو من كرمنى انما القهر..كل القهر فى ان اجبر على ما لا اريد و انا لا اريد التحرر من دينى.. بل اريد التحرر ممن يدعون تطبيقه و هم اجهل الناس به ولا اريد التشبه بالرجال.. بل اريد منهم ان يتقوا الله فى انفسهم قبل ان يتقوه فينا لا اريد التشدق بكلام بالى..تكرر حتى مللناه.. عن حقوق نسبت الى دون ان اطالب بها بل اريد ان اعامل كانسان.. عقله يحترم و جسده له قدسيته فاصبح هؤلاء من المحسوبين علي و انا لست فى حاجة لهم فانا لست بتحفة لاحد و لن اكون و من لا يرى في سوى جسد جميل يدعو لتحريره من قيود الحياء و الطهارة لا يفرق كثيرا عن من يدعو لرجمه و تطهير الارض من فتنته فجهل السفالة ليس بافضل من جهل القمع.. الاثنان فى النهاية وجهان لعملة واحدة..عملة الغباء فانا من كانت طفلة الامس و اصبحت شابة اليوم انا من كانت خطيئتها فى كلمة كتبت فى شهادة ميلادها "النوع:انثى" انا من تعيش فى مجتمع جاهل يعتبر الانوثة عار.. و يرى فى المرأة اداة للمتعة و الة لانجاب الذكور انا من كرمها الله و اوصى عليها رسوله بالامس.. فخسف بها الجاهلون الارض اليوم فأنا المرأة التى تنتمى لمجتمع كرمه الله بدين هو الكمال كله فانتقى منه ما يرضى كبرياءه الذكورى انا من نصفها اهل السماء..و فطسها اهل الارض

هناك 21 تعليقًا:

The Seagull يقول...

ده انتي معبية :) .. بس هقول ايه عندك حق في كل اللي انتي قلتيه .. خلاص كل مصيبة دلوقتي بقى تتلزق فينـا .. خلاص بقى نقعد في بيوتنا جهلة بلاش نتعلم .. بلاش نستفيد ونربي أولادنـا يطلعوا متخلفين جهلة زينـا ونرجع تاني لعصر الجواري وعصور التخلف الوسطى ونبقى حثالة وعالة على العالم .. يبقى العالم كله بيتقدم حوالينـا كل ساعة وكل ثانية واحنـا في أسفل السافلين .. مجتمع منحـل أخلاقيـًا ودينيـًا واجتماعيـًا .. بقينـا عايشين في غابة مافيش رادع مافيش احترام للقوانين مافيش أدنى احترام لآدمية الإنسـان .. عايشين وسط شوية حيوانات رعـاع زبالة عايزين الحرق بجـاز شغلهم الشاغل في الحيـاة غير استباحة النسـاء واللهث وراء شهواتهم .. والأدهى بيبرروا لنفسهم الرذيلة والانحطاط ويجيبوا اللوم علينـا واللبس ومش اللبس وهمـا أصـلاً ما يعرفوش لا دين ولا تربية ولا أخلاق ولا أي حاجة .. أنـا بقالي يومين تعبانة وعايزة أروح للدكتور .. وخايفة من النزول من القذارة اللي بسمع عنهـا وبشوفهـا :$ جتكم القرف عليكو مجتمع علماني منحـل!!

يارب ارحمنـا يارب ارحمنا .. يارب ارحمنا وارفع مقتك عنـا آميييييييييين

mUsLiM يقول...

أولا : أسجل إعتراضى البالغ والشديد على الصورة ,,

فالصوره توحى أن النقاب لابد وأن يكون دليل على القهر والظلم للمسلمه

وأمهات المؤمنات كن منتقبات , ونساء الصحابه كذلك

فهل قهرهن النبى وأصحابه ..؟

ولكن القهر فى فرض النقاب على المرأه لأن هناك خلاف فى وجوبه , والصحيح أنه غير واجب

لا , النقاب ليس الدليل الوحيــد على الفضيله ,,

ولكنه دليل من أدلتهــا

بدليل أن أمهات المؤمنين كن منتقبات , وحتى لا يسارع أحد فيقول هذه حالة خاصه

أقول نعم ,,

حالة خاصه فى أن تغطية الوجه واجب وفرض

ولن ليس حالة خاصة فى مشروعية تغطية الوجه ,,

ومن ينازع فى مشروعية تغطية الوجه وأنه فضيله ,,

أقول له : -

تتفق معى أن الله أمر نساء النبى بتغطية الوجــه ..؟

سيقول بالتأكيد : نعم

أقول له : ولماذا أمرهن الله بذلك ..؟

سيقول : لأنهن نساء النبى

وانا أقول له : نعم , فما هى الميزه التى لنساء النبى فتجعل تغطية الوجه عندهم فريضه ..؟

وأنا أجيب هنا نيابة عنه : لابد أن الحكمة من فرض النقاب عليهن هو كمال العفه والطهاره ,,

والدليل قول الله تعالى بعد فرض تغطية الوجه عليهن(( إنما يريد الله ليذهب عنكم الرجس أهل البيت ويطهركم تطهيرا ))

فما المانع أن يغطى نسائنا وجههن قدوة بنساء النبى ولأنه دليل على العفّه والفضيله

والا فما حكمة تشريع تغطية الوجه لنساء النبى ان لم يكن فضيله لهن ..؟

......................

قضيــة التحــرش بالنســاء ,,

انا قلت رأيى سابقا وسأنقله هنا مرة أخــرى

أولا : المتحرش هذا انسان فاسق عاصــى , وفعله غير مبرر على الإطــلاق ولو كانت المرأة تمشــى عاريـــة ,,

ولكن يجب التفريق بين أمريـــن : -

1_ أن تكون المرأة ملتزمه بالحجاب الشرعى الكامل _ ولا أقصد الحجاب الموجود فى هذه الأيام _ فهنا الوزر يقع على المتحــرش فقط , ويكون وزره عظيــم لأنه لم يقم أمامه مقتضى فعل الفاحشــه

بمعنى أن المرأة كانت ملتزمه بالحجاب الشرعــى , فلم يحدث له الإغراء والطاقة الشهوانيه التى تدفعه الى مثل هذا الفعل المنكـــر ,,

فيكون وزره عظيــم لأنه فعل الفاحشه مع عدم قيام المقتضى لفعلهــا ,,

وذلك مثل قوله صلى الله عليه وسلم (( ثلاثه لا يكلمهم الله يوم القيامه ولا يزكيهم ولهم عذاب أليم : ملك كذاب , وشيخ زانى , وعائل _ أى فقير _ مستكبــر ))

فهذا ملك وكذاب : فذنبه أعظــم من الكاذب العادى لأنه ملك لا يخاف من أحــد بل الكل يخاف منه , فلماذا يكــذب ..؟!!

وهذا شيخ زانى : فذنبه أعظــم من الزانى العادى لأنه شيخ كبير قد فقد أغلب شهوته , فلماذا يزنــى ..؟!!

وهذا فقير مستكبر : فذنبه أعظم من الغنى المستكبــر لأنه فقير , فلماذا التكبـــر إذن ..؟!!


2_ أن تكون المرأه غير ملتزمه بالحجاب الشرعى ,بل قد أظهــرت مفاتن جســدها , وأظهرت من جسمها ما أمر الله ورسوله بستــره ...

فهنا يكون المتحــرش عاصى ولاشك , ولكن المرأة أيضا عاصيــه ولا شـــك ,,

فهى بعدم التزامها بالحجاب الشرعى أوجدت عند المتحرش الدافع لفعل التحــرش والمقتضــى لذلك بإظهار مفاتن جسدها وعدم التزامها بالحجاب الشرعــى ,,

ثانيا : انا أجـــزم بأن نسبة التحرش بالبنات غير المحجاب الى نسبة التحرش بالبنات المحجبات الحجاب الشرعى الكامل لا تزيد عن 1 الى 20 ..

فنادرا ما نجد امرأة ملتزمه بالحجاب الشرعى الكامل أو منتقبه قد تعرضت الى التحرش او المعاكســه , فهى لا تتعرض لذلك الا من بعض الشباب الذى يحتاج حقا الى علاج نفســى ,,

أما البنات غير الملتزمات بالحجاب الشرعى فهى تتعرض للتحرش والمعاكسه من المرضى وغير المرضى من العصاه وفاقدى الإيمان والخوف من الله فى قلوبهـــم ,,

..............

وآســـف على ردى الطويل للغايه : -)

بس هانعمل ايه بتكتبى مواضيع هامه ولابد لنا فيها من كلمه

اكتبى مواضيع تافهه بقى (( ابتسامه ))

أرجو أن تتقبلى الاختلاف بكل ود واحترام

وجزاكى الله خيرا يا أختى

والله من وراء القصد

السلام عليكم

عايش علي الهامش يقول...

ليس العالم بهذا السوء
دائما هناك الافضل هناك دائما حلم وامل ولولاهما لمات الانسان منذ دهر طويل جدا

ابتسمي فانت مع موعد مع الغد حتي ولو كان الغد هو يوم القيامه فيوم القيامه في يد من يرحم واليوم في يد من لا يرحم
الغد امل مهما كان معتما

اما الدين فمع القواعد الشرعيه والتربيه السليمه فقط استفتي قلبك

شكرا لك

Yasmine يقول...

the seagull
ده واضح انى مش لوحدى اللى جبت اخرى :))
كنت هقولك ازاى بتعملى فى نفسك كده و انزلى طبعا و ما تخافيش و بعدين لقيتنى انا شخصيا مرعوبة..بجد مرعوبة من اللى بقراه كل يوم
يا ريتها جت على العلمانيين على الاقل دى ناس قرت و عرفت ان فى حاجة اسمها علمانية..انما اللى عندنا ده حالة شيزوفرينيا مستعصية على جهل تام و شوية غباء..
امييين يا رب :)

Yasmine يقول...

مصعب
و انا من امتى ما تقبلتش الاختلاف..ده احنا على طول مختلفين :)
بص يا سيدى..انا لما قريت اول سطر كنت هرد بالظبط بالجملة اللى انت قلتها
"ولكن القهر فى فرض النقاب على المرأه لأن هناك خلاف فى وجوبه , والصحيح أنه غير واجب"
فبالتالى مافيش خلاف بينا على الصورة لان ده بالظبط الهدف منها..فرض نوع معين من اللبس على المراة بدون دليل شرعى
ده غير نقاب تانى بسميه النقاب المعنوى يعنى فكرة تخبية الست دايما كانها عار مثلا ولا حاجة يتكسف منها
و بما انك شاعر فانا توقعت انك تبص للى ورا الصورة :)..
لانى اكيد ما اقصدش ان النقاب فى المطلق قهر مش بس عشان السبب البديهى اللى انت قولته لكن لانى مقتنعة تماما بان اللبس اولا و اخيرا حرية شخصية
و مش منطقى ان واحدة اختارت بارادتها انها تتنقب اعتبرها مقهورة او مظلومة
و بالنسبة لانه دليل عفة فانا قلت انه مش كافى و ان التصنيف بناء على المظهر بس ظالم

بالنسبة للتحرش فبرضه احنا مش مختلفين..الفكرة اننا بنبصلها من ناحيتين مختلفتين
يعنى انت بتقول ان الست اللى لبسها مش ملتزم بتفتن الرجل اكتر من الملتزمة بالاحتشام..و ده منطقى
اللى مش منطقى ان يكون اللبس ايا كان نوعه مبرر للمتحرش او عذر له سواء هو اللى بيقوله او غيره بيبررله بيه
اولا لان حتى لو الست ماشية بمايوه فى الشارع فده ما يديش الحق لمخلوق انه يمد ايده عليها
ثانيا لان خطئها من عدمه مش من مسؤولية حد غير ربنا سبحانه و تعالى انه يعاقبها عليه
ثالثا لانه مش طبيعى نفرض على البنات كلهم لبس معين بالعافية..هتقولى الحجاب فرض هقولك و الصلاة كمان ركن
بس لا انا من حقى امسك عصاية و اضرب بيها اللى مش بيصلى ولا اى حد من سلطته انه يجبرنى اتحجب او اتنقب
مش عارفة كده وضحت وجهة نظرى ولا لسه..بس انا شايفة اننا المرة دى مش مختلفين على المبدا:)

و حاضر المرة الجاية هكتب سلسلة مواضيع عن القدير محمد سعد و ادائه فى ملحمة اللمبى :D

Yasmine يقول...

عايش على الهامش
عجبتنى اوى الجملة دى
القيامه في يد من يرحم واليوم في يد من لا يرحم

عارفة والله ان الدنيا مش بالسواد ده..بس الكام يوم اللى فاتوا بيتهيألى بنات مصر كلهم جابوا اخرهم من اللى بنشوفه و بنقراه فحبيت اخدكم لرحلة قصيرة فى حياة الست اللى بتعيش فى مجتمع بهذه الدرجة من التخلف

غير معرف يقول...

بنت مصرية

أنا داخلة

عجبني جدا فعلا..تعليق عايش على الهامش :)


بعيد عن الموضوع :)

ReEm يقول...

هو انا مش هتكلم من ناحية النقاب و كدة لاني بحس في فرق كبير بين السعودية و مصر في الموضوع ده

بس هقولك بصراحة سيبك من الطرفين دول اصلهم شبة بعض و انا كتبت عن كدة مرة كلهم بيقيمو المرأة من شكلها و مش بيحاولو يشوفو هي ايه و تفكيرها ازاي فبلاش توجعي قلبك خليكي مع الناس العادية اللي في النص ( الطبيعين ) يعني اللي مش لازم تتنقبي عشان يحترمك ولا لازم تتعري عشان تبقي متفتحة بالنسبة له

مسألة التحرش رغم انه انا وحدة لو شوفت بنت لابسة زي بنات ... و ماشية واتعاكست مش هنصفها و فعلا هي جابت لنفسها بس فعلا لا بقى اللبس مقياس للمعاكسة و للتحرش ولا النقاب كله بقى بيعاني من الموضوع ده اللي وصل لبيت الله كمان
ولا بشوف انه كبت طالما هنا في رجالة مش بتعاكس و بتقدر تغض البصر ولو كانو قليل يبقى مش معقول اللي في مجتمع منفتح اكتر هيقولي اصل كبت و بتاع
ده تصرف انسان فاضي و مستقوي و خلاص

بس هو بصراحة صورتك عن معاملة المرأة سوداوية اوي يعني مافيش اكتر من المرأة السعودية في صعوبة ظروفها و حصار حريتها اعتقد وبرضو في نماذج كويسة و بقى في وعي في التعامل مع المرأة شويةو في بصيص ضئيل من النور ابتدا يبان اكيد الوضع عندكو كمان احسن و في
مزيح من الحسن جمب الوحش في معاملة المرأة

برضو لو خليت لخربت و امة محمد هيظل فيها الخير ولو قل ليوم الدين

mUsLiM يقول...

احنا يمكن نكوت مختلفين يا أختى

وهذى طبيعة البشر , قال تعالى (( ولا يزالون مختلفين ))

والحمد لله اننا لسنا متخلفين ..!!

فشتان بينهمــا ,,

...........

بالنسبه لكلامك عن النقاب فمقبول جدا عندى , وانا معكى فى ما تقولين من النقاب المعنوى والتضييق على النساء

فهذا نرفضه ولا نقبل به , فهذا سبب لضياع كثير من مجهودات دعاة الإصلاح والنهضــه

فلو صلحت المرأة صلح المجتمع ولا خلاف

وانا وان كنت أقول بأن بيت المرأة هو عملها الاول وواجبها الكبيــر

وأن عمل المرأة الأعظم هو تربية النشء والأجيــال

وأن الحجاب فرض على كل مسلمة بالغة عاقله

وأن النقاب فضيلة للمرأه ولها كامل الحرية فى ارتدائه من عدمه

إلا إنى اقول كما قال الأستاذ حافظ إبراهيم : -

كلا ولا أدعوكم ان تسرفوا...فى الحجب والتضييق والإرهاق ِ

ليست نساؤكم حلىً وجواهرا...خوف الضياع تُصان فى الأحقاق ِ

ليست نساؤكم أثاثا يُقتنى...فى الدور بيم مـَخادع وطِباق ِ

تتشكل الأزمان فى أدوارها...دُولا وهُنّ على الجمود بواقى

فتوسطوا فى الحالتين وأنصفوا...فالشرّ فى التقييد والإطلاق ِ

...........

وبالنسبخ للتحرش فقد قلت سابقا أنه لا مبرر للتحرش ولو وجد الرجل المرأة عارية كيوم ولدتها أمهـا

كما أنه لا مبرر لشرب الخمور ولو امتلأت البلاد بمحلات الخمــور

ولا مبرر للاستماع الى الأغانى الحرام ولو كانت فى كل مكان

وهكذا هى شريعة رب العالمين

..........

وأنا سعيد حقا بالنقاش معكى يا أختى :)

بس بلاش اللمبى ..

خلينا كده أحسن (( ابتسامه ))

والله من وراء القصد

السلام عليكم

mohamed ghalia يقول...

فانا من كانت طفلة الامس و اصبحت شابة اليوم
انا من كانت خطيئتها فى كلمة كتبت فى شهادة ميلادها "النوع:انثى"
انا من تعيش فى مجتمع جاهل يعتبر الانوثة عار..
و يرى فى المرأة اداة للمتعة و الة لانجاب الذكور
انا من كرمها الله و اوصى عليها رسوله بالامس..
فخسف بها الجاهلون الارض اليوم
فأنا المرأة التى تنتمى لمجتمع كرمه الله بدين هو الكمال كله
فانتقى منه ما يرضى كبرياءه الذكورى
انا من نصفها اهل السماء..و فطسها اهل الارض
جميل قوى الموضوع وعندك حق
بس برده لسه معترض لأنى النقاب على وجه الإستحباب أنا معاكى انى فى ناس تمادت فى الموضوع بس برده منتكلمش عنه كده
تحياتى أختى العزيزة

mohamed ghalia يقول...

ولكن قد تكون دعوة الى الحجاب الشرعى
ودعوة للرجال والشباب من قبلها ان يتقوا الله فى النساء ويتبعوا وصية النبى صلى الله عليه وسلم
ولكن أقول كما قال إقبال
اذا الايمان ضاع فلا أمان ولا دنيا لمن لم يحي دينا
ومن رضي الحياة بغير دين فقد جعل الفناء لها قرينا

تحياتى

Desert cat يقول...

تقريبا الناس بقت متلذذه بالخوف وعدم الامان لدرجة ان السلبية احتلت مكانة عالية داخل الجميع واصبح الدفاع عن الجانى هو العرف السائد بدل من محاولة اصلاح من اجل امان اطفالنا
مودتى

Yasmine يقول...

ليكى وحشة والله يا ايمان
ابقى ادخلى من وقت للتانى طمنينا عليكى انا عارفة ان دراستك شغلاكى بس ابقى فوتى كل شوية :)

Yasmine يقول...

ريم
تصدقى انا كل ما اقرا الكلام ده و انا فى البيت اقول انا مالى مسودة الدنيا كده
و بمجرد ما انزل الشارع و اتفرج على المهازل اللى بتحصل اقول ان الموضوع مش صغير ابدا و اللى بيهونوه دول مش بيشوفوا اللى احنا بنشوفه
كفاية ان واحدة صاحبتى تكلمنى الصبح و هى منهارة عشان اتاخرت عليها خمس دقايق فمفيش واحد معدى فى الشارع الا لما رماله كلمة او نظرة او وقفلها بعربيته مع انها لابسة لبس شغل يعنى لا مفتوح ولا عريان
انا مش شايفة ان الموضوع بيتحسن بصراحة..بالعكس ثقافة البجاحة عمالة تزيد بشكل غير عادى
و الناس "الطبيعيين" دول موجودين فى حياتى بشكل كبير لكن المشكلة فى الناس اللى بتضطرى تتعاملى معاهم غصب عنك فى الشغل او فى الشارع..دول اللى كل ثقافتهم عن الست انها شكل حلو و جسم مش عارفة ماله
حاجة مهينة لاقصى درجة بجد

Yasmine يقول...

mohamed ghalia
بس الموضوع لا عن النقاب ولا عن الحجاب ولا كنت اقصد بيه اى ناحية دينية من الاساس
تقدر تقول احساس و طلع بالشكل ده..لا هو مبالغ فيه ولا عايزة اوصل منه لحاجة تخص النقاب او الحجاب
مجرد دعوة للاحترام عموما ..و احترام الست خصوصا و احترام اختياراتها مهما اختلفت مع قناعات الناس الشخصية
يا رب اكون عرفت اوضحلك وجهة نظرى :)

Yasmine يقول...

desert cat
هم الاطفال دول اكتر حاجة مخوفانى فى الموضوع كله
مش بس اللى بيعتدى عليهم لكن الاخطر اللى عندهم عشر سنين و بيمشوا يعاكسوا و يتحرشوا جنسيا بالبنات
دول اطفال يعنى لا بيعانوا من تكاليف الجواز ولا من اثارة الفضائيات
لكن تربية فاشلة و امهات نايمة على ودانها و ابهات اتربوا على ان الرجولة يعنى انك تعاكس و تتفرج و تبقى زيك زى الحيوان بالظبط اللى لما يشوف انثى من نوعه يبقى كل همه انها تكون ملكه
حاجة تقرف بجد

Yasmine يقول...

مصعب
ردك ده احلى من الموضوع اساسا
بجد مش متخيل انا سعيدة ازاى و انا بقراه
و الشعر كمان ممكن يتحط مكان الموضوع و يوصل نفس الفكرة

انا اللى بجد بسعد دايما بالمناقشة معاك :)
و ما تقلقش لسه ما وصلتش لرحلة اللمبى
قدام شوية ممكن:D

Here i'm يقول...

كالعادة .. شوفت البوست أول واحد زى ما أنا شايف بوست البنت الصغننة دى أول واحد :D.. بس قولت ان كل حيرد و أنا أرد فى الأخر ..

لا أحنا مجتمعنا مش فاشل .. أنتوا اللى بترخصوا نفسيكوا ..

ساعة الجواز .. أنا عايزة اللى يشيل و شقة و عربية و مش عارف أيه ..

تطلعوا من الجامعة .. تفضلوا قاعدين مستنين العدل

البنت خطيبها يبقى لابس سلسلة و أنسيال و مصصم أن مراته تبقى منقبة .. و البنت عاجبها أعمل أيه بموت فيه ..

لما تشتغلوا بتوقفوا مصالح الخلق .. معلش أصل مدام فوقية طلعت ساعة رضاعة .. معلش أصل مدام حسنية عقبال عندك حامل .. معلش أصل أحسان مش بتيجى غير حد و أربع علشان تخلص شغلها العيال بقى و الخلفة .. و يارتها لما بتيجى بتشتغل ..

البنت بترهن حياتها و أحلامها و طموحتها على عيل فاكس قالها عدد 25 كلمة بجبك .. 15 كلمة البلد مفهاش شغل .. و انا عايز أتجوزك


أغلب البنات بتنزل من بيتهم بنظام .. يا فتاح يا رزاق يا كريم أرزقنى بعريس ..


أراهنك على اللى أنتى عايزاه .. من بين كل 10 بنات تسأليهم شايفين نفسكوا فين فى الـ 20 سنة اللى جاية .. 5 مش حيرودا .. 3 حيقولولك العيال و البيت .. 2 حتقول الشغل ..

يا شيخة دى جمعيات حبوب المرأة مش بتتكلم غير عن الموضة و فستان مرفت أمين و يسرا فى مهرجان القاهرة السينمائى ..

و ترجعى تقوليلى المجتمع الذكورى ..

Yasmine يقول...

انا فهمت دلوقتى اللخبطة دى جاية منين
كل واحد فينا بيتكلم على اللى هو بيشوفه حواليه
يعنى انا مثلا ما عنديش ولا واحدة من صحابى بتفكر بالشكل ده
و تقريبا ولا واحدة فيهم ناوية تتجوز
من كتر اللى بنشوفه فى الشارع و فى الشغل و حتى فى الجامعة
الا لما تكون اشتغلت و وصلت لمكان كويس..و يكون اللى هتتجوزه عدى ال30 على الاقل:D

بس هو فى نقطة على حكاية المهر و الشبكة دى
مش كل البنات عندهم الاوبشن انهم يقولوا لأ..دايما فى حاجات بتفضل بتاعت الاهل لوحدهم
و مع انى مش مستوعبة الفكرة دى لانى برضه ماعرفش ولا بنت من النوع ده..بس ده الواقع

البنات اللى اعرفهم نوعين
نوع اختار الخطوبة و الجواز و دول قلة قليلة مندسة :D
و كلهم حاطين بيوتهم اول اولوياتهم..لكن الشغل كمان مهم عندهم
و الباقى مفيش فى دماغهم للخمس سنين الجايين دول غير شغلهم و بس
و هنا كمان عايزة اقول حاجة..
امبارح الست اللى كانت بتدينا الكورس قالتلنا ان البنات بيتعملهم استثناءات كتير فى المواعيد بالذات
ده مش عدل و انا معترفة بكده جدا..عشان الشغل ده تحديدا ما ينفعش يكون فيه راجل و ست
انا رضيت بقوانين المكان اللى انا فيه يبقى ملزمة انى امشى عليها غير كده يبقى مرتبى يقل
ما ينفعش ابدا انى اخد مرتب زيي زى واحد بيشتغل اكتر منى ب 3 او 4 ساعات
لمجرد انى بنت و لازم اروح فى معاد معين

لو اتاخد فى الاعتبار كفاءة البنى ادم اللى بيشتغل
بغض النظر عن نوعه ايه عمرك ما هتلاقى مدام فوقية اللى واخدة اجازة وضع 3 شهور
و اللى بالمناسبة فى قدامها استاذ عبد الصبور
اللى ما بيشوفش شغله غير لما يضرب بتنجان و فول على الصبح و قدام الناس
و اللى مش قادر يعيش من غير مرتب مراته
و بالرغم من كده مطلع عينيها على الرز اللى ناقص ملح
و القميص اللى مش مكوى مع انه عنده خمسة غيره مكويين

نفس الست اللى انتقدت امبارح الظلم اللى بيقع على الرجالة فى اماكن كتير..
قالت ان فى دراسات نفسية اتعملت على المجتمع المصرى
وصلت لان 90% من الرجالة المصريين عندهم مشكلة ازلية فى التقدير
يعنى انا مثلا لو واحدة متجوزة و بشتغل و طلعان عينى فى الناحيتين
و اروح الاقى جوز مبوز فى وشى عشان الشاى بتاع الصبح كان بارد
فبالتالى انا مانفعش اكون زوجة و فجاة اى حاجة حلوة عملتها قبل كده تتنسى
يبقى لازمن ولا بد مصير كوباية الشاى يكون فوق دماغه :D

يعنى حتى لو الست كويسة و عاملة اللى عليها فى جزء كبير من الرجالة صعب عليه يبين شوية تقدير..مع انه واجب عليه مش فضل منه
هيجرى اي فى الدنيا لو احترمتوا دماغنا شوية مش فاهمة انا :D

و تعليقات الولاد اللى معانا خليتنى اتاكد ان فى جيل كامل مفقود فيه الامل
و عشان ابقى موضوعية..دى مش غلطتهم لوحدهم..دى غلطة امهات ما عرفتش تربى ابنها على انه يطلع راجل
و ربت بناتها على ان العريس هو الحل..
و بالمناسبة هم دول اللى هتشوفهم فى الشوارع ماشيين ببنطلونات هتفرقع
و ميك اب يضحك من كتر ما هو مبالغ فيه..و هم نفسهم اللى هيتنقبوا اول ما العريس ابولبانة يقولهم كده
لانهم مالهمش هدف تانى فى حياتهم غير انهم يصطادوا المغفل اللى هيرضى بزوجة بالجهل و الغباء ده

و ما تكلمنيش عن جمعيات تضحيك الناس على المرأة:D
دى ستات هايفة اساسا و قال هم اللى هيحموا الستات من ذئاب الجبل :D

Here i'm يقول...

لا لا على فكرة مش كل اللى حواليا كده :D

بس عندى عهات برضه .. موظفة مثلا فى شركة بترول كبيرة .. مستخلص الشركة عندنا واقف علشان بتيجى بس فى الأحد و الأرع و مرتبها لوحديها ممكن يعدى الـ 7 الاف ..

بنت قربتى .. سألتها شايفها نفسك فين فى الـ 20 سنة اللى جايين .. أحرجتنى من كتر الدهشة اللى فى عنيها لدرجة أنى قولتلها فيلم أسف على الأزعاج لازم تروحيه :D

بالنسبة للراجل بتاع الشاى .. و الله دا مش شايفه فى الراجل .. أو يمكن علشان أمى كانت بترجع من الشغل بعد والدى و كان بيبقى فى خلية عمل فى البيت مكونة من بابا و اختى علشان ماما ترجع تلاقى الغدا جاهز .. بس أنا حرد عليكى رد بحديث شريف

عن ابن عباس - رضي الله عنهما - قال: قال رسول الله - صلى الله عليه وسلم -: "أريت النار، فإذا أكثر أهلها النساء يكفرن قيل: أيكفرن بالله؟ قال: يكفرن العشير، ويكفرن العشير، ويكفرن الإحسان، لو أحسنت إلى إحداهن الدهر ثم رأت منك شيئا قالت: ما رأيت منك خيرا قط". متفق عليه


ها أيه رأيك .. بذمتنك مشوفتيش واحدة بتقول لجوزها مشوفتش منك حاجة عدلة .. او مثلا يا ما جاب الغراب لأمه .. مش حنسى أمى لما مسكت بنت هزأتها علشان الجملة دى :D

Yasmine يقول...

اكيد شفت..و كتير اوى كمان
بس اكيد كمان مش هقول عشان انا موضوعية جدا :D
انا مش ضد الرجالة فى المطلق يا محمد والله..مش معقدة اوى انا :D

انا بس بتغاظ بجد من اللى بيعتبر نفسه اشترى شغالة مش متجوز واحدة ست لها عقل يحترم و دماغ بتفكر و كيان مش عيب ابدا لما يسيبها تحققه ما دام عاملة واجباتها ناحيته
على فكرة كل الستات اللى جم على بالى لما قريت الحديث دلوقتى بكلمة واحدة من اجوازهم كانوا هيصفوا و ما يفتكروش غير الحلو..بس المشكلة ان الراجل الشرقى بيستخسر يقول او يبين حتى لو لمراته
عشان كده انا قررت استورد شحنة من اى دولة اوروبية شقيقة كحل مؤقت لمشكلة الاضراب اللى بنات كتير اقتنعوا بيها من كتر القعدة معايا :D