السبت، 10 يناير، 2009

خبر سار..اخيرا

وسط مزيج من نحيب وصراخ أهاليهم وصيحات «يحيا العدل»،
أصدرت محكمة جنايات كفر الشيخ، مساء أمس الأول،
حكماً تاريخياً ضد ١٠ متهمين بالإعدام
لإدانتهم بجريمة خطف سيدة من منزلها واغتصابها فى منطقة زراعية،
وأحالت أوراق القضية إلى مفتى الجمهورية،
كما عاقبت صبياً بالسجن ١٠ سنوات لمشاركته فى الجريمة.
ترجع وقائع القضية إلى ٧ يناير من العام ٢٠٠٦،
وحسب التحريات فإن المتهمين الـ ١١
لمحوا الضحية تقف فى شرفة منزلها بقرية «الحمراوى»،
فصعدوا إليها واقتادوها بالقوة داخل «ميكروباص» إلى منطقة زراعية
وتناوبوا الاعتداء عليها لمدة ٣ ساعات،
وألقت الشرطة القبض عليهم،
ووجهت إليهم النيابة تهم الخطف والاغتصاب تحت تهديد السلاح. (المصر اليوم 10-1-2009)
********
اخيرا خبر يفرح فى وسط اخبار المجزرة الاسرائيلية
انا ما بفهمش فى القانون
بس بيتهيألى ده اللى بيقولوا عليه حكم مشدد
اخيرا شوية احساس بالامان
خصوصا بعد براءة متهم بنى مزار و التقفيل المرعب على القضية
برافو نهى رشدى
و برافو لكل ست ب100 ست عرفت تقول لأ!

هناك 23 تعليقًا:

المحارب المتيم يقول...

السلام عليكم

من أكثر ما يفرحنى

أخبار القبض والعقوبة على المغتصبين

والمعتدين والمتحرشين

لعل فيها رادعل لمجتمع أصبحت المرأة فيه سلعة مباعة للجميع مجتمع فقط كل معانى الرجولة والشهامة والنخوة

تحيتى

nA3'oUm HaNeM يقول...

الحيوانات دي بتستفيد ايه من فعلتها دي
استغفر الله بس ...... ده الاعدام شويه عليهم

Reem يقول...

خبر حلو بجد اقله الوحدة تحس انها لو

خدت موقف ضد الحيوانات دول و لو انهحتى

الحيوان في مشاعر اكتر منهم تبقى حاسة

انها ممكن حقها يرجع و تحس انه لسه في

عدل وامان

Desert cat يقول...

يارب يكون رادع لكل ذئب بشرى
يستحل اعراض وحرمات غيره
امتا بقى الاشكال دى تنتهى من البلد

dalia يقول...

كنت متأكده انك مش حتسيبي الخبر ده في حاله لازم حتركزى عليه هههه انا كمان فرحت جدا لان القانون خد مجراه واخير شعر القضاه عندنا ان الاعدام هو الحل لكل من تسول له نفسه هذه الفعلة النكراء ، بس يا بنتي عارفه ايه اكثر حاجة بتزعلنى ان في رجاله وللاسف صحفيين يعنى قادة رأى شايفيين ان البنت هي المسئولة عن هذا الفعل ودايما بيقولوا اكيد البنت هي اللى كانت لابسه لبس مش ولا بد يا رب ارحمنى

صوت من مصر يقول...

اسمها ست ب 100 راجل مش ب100 ست
بجد خبر مفرح

mony يقول...

حكم مشدد!!
انتى عايزة ايه اكتر من كده يا شيخة شدة

دول نيلوا اكتر من جريمة ف وقت واحد..بس دواهم كان الاعدام احسن حل فعلا..

برضوه لسة مفيش احساس كامل بالامان..
كانوا المفروض يتعدموا ف ميدان عام..مش كل المتحرشين بيقروا اخبار من النوع ده..لازم يشوفوا بعينهم عشان يتلموا بقى:)

م/ الحسيني لزومي يقول...

حمله المقاطعه
لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .

*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز

لنوقف شراء البضائع الأمريكية والبريطانية لشهر واحد فقط

سوف تكون تكلفة هذا الشهر عليهم خسائر مقدارها
37 بليون دولا

عاشقه الرومانسيه يقول...

احسن بعا انا فرحانه فيهم جدا
ياااااارب اى حيوان يفكر يعمل عمله سوده زى دى يتعظ من اللى حصل لامثاله
ويرجع
ايوه كده خلينا نحس بالامان شويه
انا ههتف معاهم يحيا العدل

انا حرة يقول...

المحارب المتيم

و عليكم السلام و رحمة الله و بركاته
و شهد شاهد من اهلها
والله حاجة تفرحنى اكتر من الخبر ان فى ناس شايفة و مقتنعة بان كل ما يمت للمراة بصلة بقى مستباح و مهان و ان الرجولة بقت من المستحيلات الاربعة
حقيقى اسعدنى كلامك

انا حرة يقول...

نوجتى
وحشتينى اوى على فكرة و وحشنى الرغى معاكى :)

انا اقولك يا ستى بيستفيدوا ايه بيستفيدوا انهم بيتقال عليهم رجالة لان مفهوم الرجولة عندنا بقى بيقتصر على حاجة واحدة
و من ناحية تانية بيطلعوا عقدهم على كائنات لا حول لها ولا قوة..هموت و اشوف اليوم اللى الست بتحترم فيه و يتبصلها فيه على انها بنى ادم مش جسم و شعر و وسط..حاجة تقرف بجد

انا حرة يقول...

ريم
والله مش قوى لسه من كام شهر واحدة و امها اتخطفوا قدام 11 راجل و ما حدش منهم فكر يدافع عنهم ولا حتى على طريقة عزومة المراكبية
و اللى يفرس انهم لما جابوا الحيوان ده قالهم ان لو حد كان دافع عنهم كان زمانه جرى اساسا..تخيلى وصلنا لايه

انا حرة يقول...

desert cat
مش هتنتهى طول ما فى امهات بيربوا عيالهم على ان الست دى لعبة كل هدفها فى الحياة انها تسلى الراجل
و بيربوا ولادهم على ان الرجولة بتتقاس بعدد نمر تليفونات البنات و حاجات تانية و خلصنا على كده

انا حرة يقول...

dalia
هو ده خبر يتساب برضه :)
اهم الناس اللى بتفكر كده دول هم اللى محتاجين لتفعيل قانون الوأد من تانى..تعالى نعمل حملة لوأد الافكار المتخلفة و المتخلفين اللى بيقنعوا نفسهم بيها..انا خلاص هتشل على فكرة

انا حرة يقول...

صوت من مصر

تقدر تقول كده انها مقصودة لانى مش مقتنع بحكاية ست ب100 راجل دى

انا حرة يقول...

mony

يا هلا يا هلا :)
هقولك كنت عايزة ايه و ما تقوليش عليا مفترية
كنت عايزاهم يتعمل فيهم زى اللى بيعملوه و يشوفوا الرعب اللى فى عينين كل بنت حصل فيها كده و كل ينت ماشية بتتلفت حوالها عشان ما يحصلهاش كده
و بعدين يتعدموا..شوفتى الافترا اللى انا فيه

والله لو عملونى وزيرة للعدل هعمل شغل جامد اوى مع الكائنات دى

انا حرة يقول...

حسين الزومى

انا شايفة انه مش حل عملى اوى لان اثره على المصريين اللى فاتحين بيوت من مرتباتهم هيكون اكبر بكتير كن اثره على الشركات نفسها

انا حرة يقول...

عاشقة الرومانسية
انا كمان فرحانة اوى فيهم و فى اهاليهم..اخيرا خبر عدل فى وسط اخبار المجازر اللى شغالة فى غزة دى

Mohammad يقول...

ممكن اعرف الآنسة ( أنا حرة ) مسلمة واللا لأ ؟؟ عشان خطابي بعد كده ..مبني على ذلك ...وشكرا

انا حرة يقول...

مش فاهمة هتفرق فى ايه الحقيقة!!

مصري يقول...

فعلا برافو
الشعب ده لازم يتلم بقي

مصري يقول...

و ايه حكاية مسلمة دي
و انت مالك
خليك في الافكار

انا حرة يقول...

بفرح اوى لما الراى ده يتقال من راجل لاننا متهمين دايما بالمبالغة مع ان الموضوع واضح للاعمى
بشكرك بجد