الثلاثاء، 6 أكتوبر، 2009

هم اللى قالوا ..(2)

(1) كنت اقول فى نفسي ان جمالها ظالم لمن يعرفه, ظالم لانه اعمق من ان يحتمل و ابعد عن ان ينال
(يوسف زيدان- عزازيل)
***** *****
(2) كنت طفلة كريهة، و"براوية" للغاية. كان الجميع يلومني على انعزالي، وكان أهلي يحذفون اسمي تلقائيا من أي نشاط عائلي. حتى صديقاتي وقتها، عرفن حدودهن معي وتقبلوني على سخافتي. كنت متنمرة، وعنيفة، وهذا ما لا يعرفه الكثير عني. كل ما كان يدور في ذهني وقتها هو ألا أقترب.. ألا أستغرق في تفاصيل الآخرين وألا ادعهم يغرقوا في تفاصيلي. كنت أخاف على نفسي، من مرارة فقدهم. أردت فقط أن أحمي نفسي من ألم عرفته،
واحمي من حولي من ألم لم يعرفوه.. حتى شفيت.. وبدأت زهوري تتفتح على العالم من حولي.. حاولت أن أكون لطيفة مع الناس، فنجحت.. ونجحت إبتساماتي الواسعة الودودة في تقريبهم مني.. ونسيت خوفي الأول.. وتذكرته فتناسيته..
ونسيته مرة أخرى واعجبتي اللعبة!

(غادة محمود - مع نفسي)

*****

*****

(3)

تخيلوا.. أصبحنا نحتاج إلى وباء لكى ننظف مدارسنا

نحن نشكر أنفلونزا الخنازير،

ولا أريد أن أدعو أن يكثر الله من أمثالها.

"لميس الحديدى-المصرى اليوم

*****

*****

(4)

"ان الشعب المصرى يقع تحت خط الفقر

لكن ليس من احد لا يملك موبايل!"

فاطمة ناعوت

*****

*****

(5)

يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة؟

صلاح جاهين

*****

*****

(6)

Life gives answer in 3 ways...

It says Yes & gives u what u want,

it says No and gives u something better,

it says wait and gives u the Best !

*****

*****

(7)

لا ييأس من الوقت

الا من يجهل ان الرحمة تسبق الوقت

ولا يسبقها الوقت

بهاء طاهر - نقطة النور

*****

*****

(8)

قولى لى..

ماذا افعل فيك..

انا فى حالة ادمان

(نزار قبانى- حافية القدمين)

هناك 39 تعليقًا:

Mohamed Hamdy يقول...

ده من اروع البوستات اللى قريتها فى حياتى

محمد حمدى

قيس بن الملووووح يقول...

اختيارات جميله وموفقه

لا تـــشـــتــــاق يقول...

هما بس الى قالوا
بس مش كل الى قالوه قواعد نمشي عليها
في نفس الوقت حتى لو قواعد يبقي اكيد لها شواذ
جميل جدا البوست بجد
اختيارات جميله
محسوسه

Superman يقول...

(1)
و منها استوحي تامر حسني اغنية تاعبة كل الناس

(3)
دي ثقافة امة مش حكومة
مهما كان الشخص انيق و معتني بمظهره..بس الناس مابيلبسوش الحتة اللي علي الحبل الا لما يبقي في حد مهم هيقابلوه :)

(4)
عمليآ..خط الموبايل الجديد بـ6 جنيه في محلات الموبايل. و ممكن تجيبي له موبايل بـ50 جنيه و هيبقي عندك موبايل.
بس الكلام ده عن البسطاء..و الست دي بتتكلم عن الناس اللي تخت خط الفقر..و دول طبعآ معندهمش موبايلات

(6) و (7)

اديني مستني و بادعي ربنا يفرجها و يعوضني بالخير :)

(8)
يروح يطلبها من اهلها و يجيب لها شبشب عشان مفيش حاجة تدخل في رجلها الحافية :D

فكرة من الزمن ده يقول...

جميلة مدونتك وكلامك
وانا اعشق شعر تزار
والحكمة عن عطاءات الحياة لا اتقف معها
تحياتي

التى هى نفسى يقول...

1 و 2
رائع لا أقل

3
"دى بقت سلطه"
على رأى محمد رجب
بس ضيفى للسلطة فضيحــه

4
يمكن ده بيدل على أسباب وقوعه تحت الخط الفقر !!
لأنه مش بس الجهل بيخليه يشترى حاجة هو ميقدرش على تمنها و مش محتاجلها و هو تحت خط الفقر
لا ده كمان بيخليه يستخدمه كأنه فوق خط الغنى الفاحش !!

5
عجبى

6
مش للدرجه دى أبداً :))

7
"إن الله مع الصابرين"
"فاصبر صبرا جميــلا"

8
ممكن ابعت اهداء :)) ؟؟
اهداء إلى "انا حره"
و مدونتها "الحره"
الجميـلــــــه :)

Romaya يقول...

1

ماتبعتيلي الراويه دي اقراها يا ياسمين احسن :D

2

احيانآ بتبع نفس المبدأ في حياتي وبينجح وبتعجبني اللعبه !

3

احنا كدا مبنحلش المشكلة الا لما تحصل كارثه وتقع فوق دماغنا

الحكايه دي فكرتني لما اوباما جه زار جامعة القاهرة
صرفوا ملايين الملايين عشان ينضفوا الجامعة ويسفلتوا الشوارع ويغيروا العلم اللي متغيرش من ساعة ما الجامعه اتبنت !!
طيب ليه منعملش كل دا حتى لو اوباما او غيره مجاش ؟!

ليه منبقاش نضاف من الاول وبيتنا نضيف عشان لما يزونا حد نفكر في الاساسيات مش المنظرة وبس

قيسي بقى موضوع النظافه بتاعة المدارس عشان الامراض بنفس المقياس

مش عايزة اقسم بالله اني مفيش حد من العيال بتوع المدارس هيتهم بالموضوع دا
عشان احنا اصلا شعب مش منظم ولا عنده وعي ولا ثقافه من اصله

4

متفقه جدآ معاها
لاننا بنستهلك القرسين اللي مسندوين عليهم في الا شيء بنصرفها في الهايفه
منعرفش نعمل لنفسنا جدول ونشوف فين اساسياتنا وبعديها الكماليات

وبعدين الموبيل فعلا بقى ارخص حاجه في السوق

5

مش هعلق طبعا دا جاهييييييين

6

ياريت بس الواحد يشوف الاحسن
الحياة دي متعبه بجد وقاسية

7

يارب
هاقول ايه غير كدا

8

يعني نزار وكاظم وحافية القدمين
مختاره دووووول كلهم في فاصل واحد
الله يسامحك :D

دانا ادمنت وقربت اموت خلاص :)

.................

عالهامش ..

ياسمين بجد انا بحييكي على بوست كتبتيه كان فوق الرائع وبشكرك انك بكل كلمة كتبتيها كانت هايله بجد واحساسك كان فظيييع

البوست كان باسم ( جزء مني لا يزال يهتم )

حقيقي انا محلقتوش لانه كان في رمضان تقريبآ ومكنتش بدخل ولمادعبست في مدونتك :D ولاقيته انبهرت بيه في الحقيقه

بجد رائع :)

dr.lecter يقول...

كنت اقول فى نفسي
ان جمالها ظالم لمن يعرفه,
ظالم لانه اعمق من ان يحتمل و ابعد عن ان ينال

دايما كده بيبقي الحالات الصعبه دي متعلقه ومافيش ثقه في نفسها لانها ادام حاجه غير طبيعيه وفوق قدره البشر علي التخيل خاصه موضوع الجمال لان البشر بيضعفوا ادام الجمال عامه سواء حيوان نبات انسان جماد مكان

مسكين الانسان اللي بيقع في حب امراه وعارف انها مش هتبقي ابدا له
عارف كويس الاحساس ده وبتمثل له بعد كده مشكله صغيره في حياته
كان في مسلسل سوري اسمه الدوامه كان بيتكلم عن التقطه دي والبطل عارف ان حبيبته لا يمكن تبص له كحبيب ابدا ومع ذلك ارتكب الحماقات وفشل في النهايه لكنه معذور

يوسف في الروايه ابرع مالفت نظري هو وصفه وتعبيراته الجميله العميقه بشكل مافيش حد عملها قبله علي ماظن علشان كده لغايه دلوقتي الكل بيقعد يتكلم عنها




(غادة محمود - مع نفسي)

قريت لها الكتاب بتاعها هذه رقصتي انا لغايه دلوقتي دي تلت واحده من المدونات اللي لهم كتب معلقين معايا في دماغي بعد رحاب وبعد غاده عبد العال



تخيلوا.. أصبحنا نحتاج إلى وباء لكى ننظف مدارسنا

نحن نشكر أنفلونزا الخنازير،

ولا أريد أن أدعو أن يكثر الله من أمثالها.


ماهو وقت الكوارث البلاوي التانيه بتبان ولو انت بصيتي لها بحكمه هتلاقي انها سلاح زو حدين منفعه ومضره وكل سنه بتحصل كارثه بنتعلم منها ونبتدي نصلح وطبعا ده عند امه ياادهم


فاطمة ناعوت

فعلا انا متفق معاها والاغرب بقي ان فيه ناس فعلا بتجري علي كوم لحم ومهيتها وفلوسها علي اد الايد لكن بيصرفوها علي البانجو علشان يعرفوا يستحملوا الم معيشتهم وحياتهم اللي زي الخره


الخلق ليه عايشين حياه مؤلمة

فيه جمله بحب اكررها دايما

no sweet wout sour

حياتنا فعلا مؤلمه مش كل الناس طبعا بعضهم بس علي الاقل عندهم لحظات سعاده قصيره اللحظات دي ممكن تسوي عندهم الجنه بما فيها لما بيعيشوها وعلشان كده هم مش معترضين علي اغلب حياتهم المؤلمه طالما فيه ربع باقي هيبقي طعمه حلو علي الاقل



says wait and gives u the Best


وانا مؤمن ان ان شالله هاخد البيست واي حد هيصبر ويستني هياخد البيست

بالاضافه ان اصلا الحياه عباره عن محطه انتظار






لا ييأس من الوقت

الا من يجهل ان الرحمة تسبق الوقت

ولا يسبقها الوقت


بهاء نور للمره التالته

الروايه دي حاله خاصه جدا لدرجه ان دار الشروق ناويه تعملها فيلم بسيناريو بلال فضل

انا غالبا بقيت مدمن للراجل ده عاوز اجيب له انا الملك جئت وكمان روايه مش فاكر اسمها



واخيرا نزار قباني

مش عارف هو لاحس عقلكم اووي كده ليه

Jannah يقول...

"ان الشعب المصرى يقع تحت خط الفقر

لكن ليس من احد لا يملك موبايل!"


نفس الشي هنا
22 مليون مشترك على 30 مليون مواطن
يعني بعد كم سنة شركات الاتصال ببدأ تسوي اعلانات بأسماء غير مشتركين :فلان و فلانة للحين ماشتركتوا؟؟؟؟
:D
مع العلم انه الشركات الاتصال لا تؤمن بأي تخفيضات نفس الأسعار من أيام أول لحد الآن باستثناء عروض في أيام الأعياد
والسبت و الأحد
والا سعر المكالمات نفسه
!!!!
و أزيدك
شفتي العشوائيات هنا قصديرية يعني بيت من القصدير
وكل بيت من القصدير طلع منه دش
صعب جدا تشوفي العكس
العكس نادر
يعني ناس بتحارب ختى توصل للقمة يومها و فنفس الوقت يصرفون على الدش و القنوات الفضائية
الاتصالات و الفضائيات و الخ أصبحت من الضروريات ماعادت من الكماليات أبدا
و أولويات =الخبز تقريبا
ليش مادري
فيه ناس مختصة ممكن تفسرها

الموضوع ممتاز كالعادة :)

e7na يقول...

(1)
هى دى كانت مارتا ولا اوكتافيا
؟
أما موضوع نظافةا لمدارس فانا شايف ان فيه تقصير فعلا فى توجيه الاطفال للسلوك ده وواضح اننا بناخد بالنا متاخر قوى وعلشان كده بعد ما ازمه الانفلونزا دى تلخص هيرجع كل شىء زى ما كان
...
جميله الاختيارات كالعاده
..
وانا سعيد جدا بزيارتك وتعليقك

انا حرة يقول...

محمد حمدى..

شهادة اعتز بيها جدا جدا
تسلم بجد ربنا يخليك

انا حرة يقول...

قيس بن الملووووح

متشكرة جدا..نورتنى

انا حرة يقول...

لا تشتاق

مش قواعد ولا حاجة..هو كلام بينور حتة صغيرة من المخ..و الباقى على اللى بيقرا
كويس انها عجبتك :)

انا حرة يقول...

سلطان

ههههههههههههههههههههههههههه
هموت من الضحك بجد..بس انت افسدت عليا تلك اللحظة الرومانسية..قال تيمو قال :D

المهم ثقافة الامة دى تستمر..دا العيال بيقولوا ان الصابون فضل فى المدارس يوم و تانى يوم لموه!

هى نظرية برضه..بس مش عارفة ليه افتكرت جملة حسن حسنى فى محامى خلع
لما قاله الموبايل اللى بعت نحاس امك عشان تشتريه:D
شعب اقرع و نزهى صحيح

والله كلنا مستنيين و بيدعى..ربنا
يتقبل بقى

هو انت مفيش امل تحب نزار خالص صح؟
انا قلت كدا برضه :D

انا حرة يقول...

فكرة من الزمان ده

تسلمى ربنا يخليكى يا رب
بس ما قلتيش ليه مش بتتفقى معاها؟

انا حرة يقول...

التى هى نفسي

و اى فضيحة..دى حاجة تكسف والله
كان الناس بتقول مش هننضف الا لما تاكدولنا مما لا يدع مكانا للشك اننا لو رمينا زبالة هنموت
طيب ما كان من الاول يعنى!

عجبتنى الحتة بتاعت فوق الخط و تحت الخط دى :D

هو مش للدرجة دى خالص الحقيقة :D
بس انا قلت اديكم شوية امل

"فصبر جميل و الله المستعان على ما تصفون"
الاية جى بترجنى من جوايا

يا خبر ابيض..ربنا يخليكى يا رب..مش عارفة ارد والله تصدقى :)

انا حرة يقول...

مروة
لو قلتلك انها عن تاريخ المسيحية و الصراع بين الكنايس و الحكم الدينى و التطرف هتفضلى عند رايك برضه؟. :D

انا حسيتها بتتكلم عنى اساسا

الا اوباما..دول دهنوله الكوبرى اخضر..فى اكتر من كدا اساسا
بس هو عامة بعد اول اسبوع فى المدارس بانت القصة و رجعت ريما لعادتها القديمة

مانا قلت بلاش اسودها اوى و احاول اشوف معاكم نص الكوباية المليان 

ايوة كدا خلى جمعية محبى نزار تظهر :D
انا ما بسمعش كاظم ولا بعتبره مغنى اساسا الا لما بتجيلى الحالة بتاعت نزار دى
و مش عارفة ليه الاغنية دى بالذات معلقة معايا اوى بقالها فترة

على الهامش برضه :D
ربنا يكرمك يا رب..والله رفعتيلى معنوياتى يا مروة حقيقي :)

انا حرة يقول...

لكتر
هو الحقيقة بعيدا عن ان الجزء دا من القصة ما كانش الاهم على الاطلاق
بس انا ما فهمتش هو ليه استسلم بالسرعة الرهيبة دى..دا حتى ما حاولش مجرد محاولة ان حكايتهم تكمل
انا اقنعت نفسي ان زيدان يقصد ان حتى هيبا بالتقوى و الورع اللى هو فيهم عنده نقط ضعف كانسان
بدل ما اقنع نفسي انه يقصد ان الرجل عامة بيضعف قدام رغبته و بينتهى الضعف دا بمجرد ما تنقضى
عشان بصراحة القناعة دى كانت هتزعلنى اوى :)

غادة محمود اقربهم لقلبى..و تقريبا هى المدونة الوحيدة اللى قريتها من اولها لاخرها من غير ما افوت ولا بوست

ما هو طلع عند امه فعلا :D

تفتكر فعلا ان اللى بيصبر بياخد الاحسن..ولا هو بيتهياله ان اللى جاله دا الاحسن عشان هم قالوله استنى و انت تاخد الاحسن؟!

بهاء طاهر دا اخترع اساسا
انا قريت الحب فى المنفى و خلصت نص نقطة النور
و جبت واحة الغروب و قالت ضحى..هبقى اقول رايي فيهم هنا لما اقراهم
بجد بستمتع متعة غير عادية و انا بقراله

و انا مش عارفة هو مزعلكم كدا ليه :P
انا اقولك احنا بنحبه ليه..عشان بيقول اللى كل الستات عايزة تسمعه من رجالتهم و هم اول ناس عارفين انهم استحالة يقولوه..فبيستسهلوا و يقروا لنزار :D

انا حرة يقول...

جنة

يعني بعد كم سنة شركات الاتصال ببدأ تسوي اعلانات بأسماء غير مشتركين :فلان و فلانة للحين ماشتركتوا؟؟؟؟
هههههههههههههههههههههههههههههههههه
تصدقى هنا كمان كدا..لدرجة انى بستغرب جدا الاعلانات دى معمولة لمين
انا ماعرفش كائن حى يمشى على قدمين هنا مش ماسك موبايل

عارفة انى كنت متاكدة انك هتعلقى على النقطة دى بالذات مش عارفة ليه
خليتينى اخد قلم فى نفسي لما لقيت ردك زى ما توقعته :D

تسلمى يا جنة يا رب..انتى من الناس اللى بيهمنى رايهم دايما حقيقي..انتى اكيد عارفة انا بحترم دماغك قد ايه

انا حرة يقول...

E7na

لا دى كانت مارتا طبعا :)
اوكتافيا ما تستاهلش يتقالها الكلام دا

ربنا يخليك..مبسوطة ان الاقتباسات عجبتك

Romaya يقول...

مانا عارفه وعشان كدا عندي فضول رهيب اني اقراها:D

خصوصآ اني سمعت عليها كتير انها من اروع واجمل ما كتب

غير النقد اللي اتقال عليها

dr.lecter يقول...

بالنسبه لتفسير ان هيبا برغم الورع اللي فيه هو انسان انا معاكي في ده بس بصراحه هابتدي اشك في ده بعد ماقريت ظل الافعي لان الراجل طلع كائن شهواني اناني وهيبقي قريب من التفسير التاني


تفتكر فعلا ان اللى بيصبر بياخد الاحسن..ولا هو بيتهياله ان اللى جاله دا الاحسن عشان هم قالوله استنى و انت تاخد الاحسن؟

ايه ده بقي؟ انت هتشككيني في كل حاجه كده بقي ولا ايه؟.

ده علي كده انا هاخد اكبر مقلب لو فضصلت مستني

بصي ولا بلاش انا خايف فعلا ان اتعمق في النقطه دي وفي الاخر اتمرد علي كل حاجه وابقي مستعجل علي اللي انا عاوزه

كده كده هي مساله انتظار رغم ان فيه ناس تقولك اقتنص الفرصه

مش عارف بقه انتي فتحتي نقطه خطيره فكك منها


بهاء طاهر

اقربهم ليا الحب في المنفي عاوز اجيب قالت ضحي بس لما اجيب الاول روايه خالد الخميسي الجديده سفينه نوح

واحه الغروب حلوه جدا بس نهايتها دي بقي عايزه كلام تاني بختلف فيه مع ناس كتيره


ياحلاوه ايه الاجابه دي ؟ مين قال كده فيه رجاله بتقول كلام حلو لستاتهم بس يصبروا بس يهيئوا لهم الجو ماهو مش معقول اكون قاعد بعمل شغل تيجي مراتي تقولي تعالي حبني شويه ؟

ارد عليها اقول لها ايه بقي؟

الراجل محتاج مجهود من المراه علشان تطلع منه كل الكلام الحلو وهي وشطارتها

mahasen saber يقول...

جميه قوى وعميقه مجموعة الجمل والاراء المختاره دى

Founoon يقول...

بصي انا داخلة اقول كلام تاني خاااالص فوجئت بيكي بتقولي في رد مارتا طبعا اوكتافيا ما يتقلهاش الكلام دا خالص !!!

على فكرة انا حبيت اوكتافيا اكتر من مارتا !!!

مالها اوكتافيا !!

زعلتيني تصدقي

الحــ ــزين يقول...

الحــ ــزين
انتى بتصدقى الكلام دا دى سياسة دول اه والله ومشتركين كلهم فى تدمير الشعب المصرى وبس وانهم يخوفوه علشان حبة ادويه..عموما انا وانتى اهو وكمان يومين هيبقى فيه انفلونزا الحمير او الكلاب..
دومتى بكل خير

leeno يقول...

بشتاق انا لمواضيعك

بكلم نفسي بعدها كتيييير :)

بس مش حقوللك بقول ايه

The Seagull يقول...

1- ما قرأتهاش ومش ناوية بصراحة .. الروايات اللي من النوع ده بتتعبني نفسيًا .. وهي بصراحة مش ناقصة وفيها اللي مكفيهـا :))


3- هي عادتنا والا هنشتريها يعني ما بنعرفش تخطط صح بنستنى لما المصيبة تحصل وبعد كدة نبتدي نفكر هنحلها إزاي :)


5- عشان هي دي سنة الحياة :)


6- ما بتتحسبش بالطريقة دي خالص على فكرة .. ما أقدرش أخدها قاعدة يعني :)


7- من استعجل شيئًا قبل آوانه عوقب بحرمانه :) .. سيبيها على الله


8- الأغنية دي أنا بحبها جدًا على فكرة :) رغم إني ما بقيتش أطيق أي شعر لنزار الحقيقة وبقيت أحسه أوفر أووووووي


بوست حلو أوي يا بنوتة :))

SaLLy يقول...

hi there
i like these words alot
Life gives answer in 3 ways...

It says Yes & gives u what u want,

it says No and gives u something better,

it says wait and gives u the Best

but the thing that my life never gives me anything i wany
weierd huh
bye

ReEm يقول...

انا غارفة اني مقصرة في حقك وحق مدونتك اوي

معلش اعذريني

انا حرة يقول...

مروة

يا سلام بس كدا..ادينى العنوان و انا ابعتلك نسخة..و مش اى نسخة هبعتلك اللى قريتها و علمت فيها على الكلام اللى عجبنى :)

بس هى فعلا تستاهل القراية جدا لكن اعملى حسابك على انها هتاخد فترة طويلة عشان محتاجة تركيز

انا حرة يقول...

لكتر

يا للهول هو قال كدا فى ظل الافعى..هتخلينى اركن كل الكتب اللى عندى و انزل اجيبها عشان الكلمتين دول :D

ولا فتحت ولا حاجة اعمل نفسك ما قريتش و انا هعمل نفسيى ما قلتش عشان نعرف نتعايش مع اللى بيحصل :)

يعنى هى الست تعمل مجهود عشان تربى و تكبر و تغسل و تكوى و تنشر و تلم الغسيل..كمان لسه هتعمل مجهود عشان تسمع كلمتين امتنان دا انتوا متعبين اوى بصراحة :D

سفينة نوح لفت نظرى و انا فى فيرجين بس اخلص الاول من طوفان المتب اللى لسه ما قريتهاش و احطه فى الخطة الخمسية القادمة

انا حرة يقول...

محاسن صابر

تسلمى يا رب و منورانى دايما

انا حرة يقول...

فنفونتى

ايه الل مالها اوكتافيا دى مستفزة و جريئة لدرجة تخض..مارتا انثى برضه و كل حاجة بس عندها حياء و حياتها اثرت فيا اكتر بكتير من المجنونة التانية دى

انا حرة يقول...

الحزين

يعنى هو الشعب المصرى بس اللى جاتله انفلونزا الخنازير..ما هى نظرية المؤامرة دى اللى هتجيبنا ورا والله

على كل حال نورتنى :)

انا حرة يقول...

لين

انا بقى عايزة اعرف بتقوليلها ايه..اعترفى بقى :D

انا حرة يقول...

يويو

ليه بس..دى مش من اللى فى بالك خالص والله..هى بس الجملة دى عجبتنى اوى

والنبى ما تقوليليش سنة الحياة..انا بقنع نفسي ان العمس هو اللى طبيعى و انها فترة طالت او قصرت هى فى النهاية مؤقتة..قوليلى انى صح بقى عشان ما يجيليش احباط :)

ليه بس تعالى نحسبها كدا مع بعض و نشوف هيحصل ايه..كدا او كدا مفيش فى ايدينا غير الصبر على اللى مضايقنا..فصبر و انتى عارفة ان اللى جاى احسن اكيد اهون من صبر و انتى يائسة من اللى جاى

من استعجل شيئًا قبل آوانه عوقب بحرمانه
حلوة اوى دى

تسلميلى يا رب :)

انا حرة يقول...

sally

not weired at all..just join the club :)

we are just convincing ourselves that what will come will definitely be better, and who knows maybe it will

nice to c u here

انا حرة يقول...

ريم

اذا كنت انا نفسي ما بجيش هنا غير كل فين و فين :)
ولا يهمك يا بنتى..هى الدنيا وخدانا كلنا و لما بنلاقى وقت اكيد بنزور بعض فى المدونات :)

فكرة من الزمن ده يقول...

مش باتفق معاها لانها بتفترض ان في النهاية الحياة بتدي اللي بنحتاجه وده مش صحيح انا كاتبة عندي انه كتير بنتمنى حاجات يا اما ما تتحققش لينا ياما تتحق في الوقت الغلط
تحياتي سعيدة بالتواصل