الأربعاء، 2 يوليو 2008

مش عايزة ابقى مثقفة...خالص يعنى

بقالى شهر تقريبا بقرا فى الشيء ده قريت اكتر من 400 صفحة و مش فاهمة هو عايز يقول ايه و مش عارفة ايه اللى مصبرنى عليه لحد دلوقتى ولا فاهمة ايه اللى فى الكتاب عشان كاتبه ياخد جايزة نوبل فى الادب بس اللى اكتشفته ان كل من حب يبان مثقف قدام الناس يقول انه قرا كتاب من النوعية دى او شاف فيلم من افلام يوسف شاهين و غالبا كل ما بتبقى الحاجة مش مفهومة اكتر كل ما يفرحوا بنفسهم اكتر لو الثقافة ان الواحد يقراله كتابين مش مفهومين و يستنبط الافكار اللى كانت فى اللاوعى الانسانى
الاستقرائى الاستنباطى للمؤلف الى اخر الكلام المكلكع بتاع المثقفين فانا مش عايزة ابقى مثقفة خالص ماله ميكى؟

هناك 13 تعليقًا:

samamasr يقول...

يا ستي








تروحي وتيجي بالسلامة

Here i'm يقول...

فكرتينى بالضيف أحمد ربنا يرحمه لما قال أنا قريت فى كتاب أسمه " علمنى العوم و النبى يا أحمد " :DDD

أنا مبحبش الكتب اللى مشهورة قوى و لما تيجى تسألى حد عنها يقولك جميل قوى طيب بيتكلم عن أيه يبلم و يسكت أو يتكلم فى الكورة :D


دلوقتى أنا بقرا يوتوبيا بتاع أحمد خالد توفيق لسه فى الأول و مكنونتش فكرة عنه لسه

banouta masreya يقول...

الله يسلمك يا ايمان ميرسى يا حبيبتى ربنا يخليكى:)

banouta masreya يقول...

محمد بيه :)
"أنا قريت فى كتاب أسمه " علمنى العوم و النبى يا أحمد "
:D:D:D:D مش قادرة بجد هموت بتجيب الكلام ده منين؟

مش يوتوبيا دى بتاعت لكتر؟
بس الله يكرمك مش عايزة ارجع الاقيك كاتب مواضيع تجيب اكتئاب :))
عموما فى الصيف مافيش احلى من ميكى و فلاش و مجلات النميمة مش اجازة ;)

Here i'm يقول...

تروحى و ترجعى بالسلامة :D

أه هوا بتاع لكتر ..

يالا أستمتعى :))))

Here i'm يقول...

اه نسيت

يا بنتى دا كلام الضيف أحمد لما كان مع سعاد حسنى فى أغنية " و علشان كده أنا أخدت أجازة " :DD

banouta masreya يقول...

الله يسلمك يا محمد و عقبالك :)
ايوة مانا عارفة انه مش من تأليفك ما تقلقش :D
الفيلم اسمه الزواج على الطريقة الحديثة انا بضحك عشان افتكرت الجملة الغريبة العجيبة دى :D

mUsLiM يقول...

كان صلى الله عليه وسلم يقول ((اللهم إنى أسألك علما نافعا , وعملا متقبلا , ورزقا طيبا ))

فالعلم يا أختاه لا يُمدح لذاته , بل لابد أن يرتبط العلم بالعمل والنفع سواء للإنسان أو لغيره ..

فالعلم لمجرد العلم لا خير فيه ..

فنسأل الله أن يرزقنا علما نافعا ..

والله من وراء القصد

السلام عليكم

dr.lecter يقول...

عارفه انا رغم اني معرفتش هو يقصد ايه بالملحمه بتاعته دي الطويله جدا لكني كنت مسمتتع بها رغم غرابتها

هو ساعات كده تقعدي تقري في حاجات المفروض انها مشهوره وتكتيفي انها فشنك خالص

صبري سراج يقول...

الحب في زمن الكوليرا

رائعة جابرييل جارسيا ماركيز

بقالي سنين نفسي اقرا الرواية دي

وكل ما افكر اقراها اسمها يصيبني بالغثيان

banouta masreya يقول...

مصعب
عليه الصلاة و السلام
ما هى المشكلة لما تبقى نيتك انك تنتفع بيه و تفاجئ انك ضيعت وقتك على حاجة ما تستاهلش

banouta masreya يقول...

dr lecter
انا ما استمتعتش نهائى الحقيقة بس مابعرفش اقرا كتاب و ما اكملوش
الكوميدى انى لما دورت على النت لقيت الناس بتقول ان سبب شهرة القصة استخدام الكاتب المميز للغة الاسبانية
:D

banouta masreya يقول...

صبرى
انا خلاص اتعقدت من الراجل ده لو لقيتها حلوة ابقى قولى :D