الخميس، 12 أغسطس 2010

هم اللى قالوا (3)

(1)
الأشخاص كالألوان،
إذا رحل عن حياتك اللون الأحمر
قد يهون عليك اللون الأخضر بعض الألم،
لكنه مهما كان مخلصا..
لن يصبح أحمر في يوم من الأيام.
عمر طاهر
*****
(2)
عندما لاحظت تركيز الصحف القومية والإعلام الرسمى
على أن مصر أحرزت فى عهد سيادة الرئيس مبارك
ثلاث كؤوس أمم أفريقية،
أدركت أن سيادته مصمم على ألا يترك الحكم
الا بعد أن يجيب لنا كأس العالم.
بلال فضل
*****
(3)
أنا يا أساتذة يا مثقفين يا فاهمين..
واحدة ست مظلومة،
انكتب عليها الخرس فى بلد مابيتكلمش فيه إلا الرجالة والمشاهير،
واحدة فى رحلة بحثها الملهوف عن الزوج والنصيب
اتكعبلت فى مريض علشان تكتمل دايرة القهر.
خالد منتصر - عن زوجة المذيع ايهاب صالح
*****
(4)
وانقسم البلد إلى ثلاثة أقسام غير متساوية:
قسم يقف على رصيف جمال مبارك،
وقد يصل إلى عشرين فى المائة من النخبة وربما الشعب،
وقسم ثان يقف على رصيف الإخوان وقد يصل إلى عشرة فى المائة،
أما القسم الثالث «السبعون فى المائة»
فهم يقفون على رصيف جمال مبارك، ولكن «شنطهم» على رصيف الإخوان.
مامون افندى
*****
(5)
إليك يا أعظم من حكموا مصر
اعتذارى المتوارى خجلاً من قسوة أبنائك،
وظلمهم لك حياً وميتاً..
إليك يا أبى.. حبى وصلواتى.
اميرة عبد الرحمن - عن السادات
*****
(6)
التفاؤلُ والبحثُ عن نقاط النور وسط العتمة مَلَكةٌ كبرى،
لا يمتلكها سوى الكبار. الكبارُ روحًا ووعيًا .
أولئك القادرون على تدليل الطفل الذى يربض فى قلوبهم
فلا يسمحون له بالكِبَر أبدًا.
فاطمة ناعوت
*****
(7)
ازاي الخوف وصَّلْني لدرجة إني ماخافش؟
عمر طاهر
*****
(8)
أمي وأبويا التقوا والحر للحرة
شاعر من الضفة برغوثي وإسمه مريد
قالولها ده أجنبي، ما يجوزش بالمرة
قالت لهم ياالعبيد اللي ملوكها عبيد
من إمتى كانت رام الله من بلاد برة
يا ناس يا أهل البلد شارياه وشاريني
من يعترض ع المحبة لما ربّي يريد
تميم البرغوثى - قالولى بتحب مصر
*****
(9)
الدنيا يا أحمد دوارة زى السواقى.
مانتاش عارف فى اللفة الجاية هتطلع من جوفها ايه بالظبط؟
و السواقي يا احمد هتجيب ايه غير مية.
و المية دايما خير.
أما شوية الطين اللى شابكين فى المية دول
انا يا حبيبى هشيلهم من على حياتك
سفينة نوح - خالد الخميسي
*****
(10)
بكرة انت وجاى راح زين الريح خلى الشمس مرايى والكنارى يصيح وجمع ناس .. وعلق اقواس بكل شارع ضو حكايى بكرة انت وجاى انت وجاى يا حبيبى
فيروز

هناك 10 تعليقات:

Old Blogger يقول...

1
الأشخاص"النادرون" كالألوان
فعلاً .. للأسف

2
بيتهيئلى سيادته مصمم إنه يجيبلنا كاس الكون
لما مصر تبقى فى مجموعه بتجمع نقط عشان تنافس المجموعه الشمسيه

3
معرفش الحقيقه عشان أعلق
و بيتهيئلى الله أعلم مننا كلنا بالحقيقه
فى حاجة مرتحتلهاش فى الكلام
خصوصاً إنى معرفتوش من أول ما اتقال اسمه قدامى يعنى
ولا شهرته شفعتله فى القضية لحد دلوقتى
ربنا يرحمهم برحمته هما الاتنين

4
انا مش شايفه الاحصائية كده خالص
و بعدين هو نسى إن فى ناس مش واقفين على رصيف أصلاً
أنا عن نفسى واقفه فى الشارع

5
اللهم ارحمه و اغفر له و أسكنه فسيح جنتك
و ما ربك بظلام للعبيد

6 ، 7
روعــه

8
مش عارفاها
مقرأتهاش كاملة قبل كده

9
ما هو مبقاش فى سواقى دلوقتى
و بعدين الدنيا بقت بتجيب طين
و شوية ميه :))

10
يا رب يجى
هو أو بكره
:))

كل سنة و انتى طيبه يا ياسمين

Jannah يقول...

علسلااااااااااااامة
رجهتي بسلامة
رمضانك مبروك
و ان شاء الله المرة هاذي ما تغيبيش تاني
:)

Magi Mostafa يقول...

وحشتينا يا بنتى
كنتى مستخبيه فين
:)

dalia يقول...

سمسمه الجميلة

كل سنة وانت طيبة ورمضان كريم عليكي وعلى الاسرة، ساعات بحس انك مثل الكاميرا بتلقطي أفضل ما في الكادر لرموز وأشخاص قريبين منا قوي، وعجبني قوي البوست اللى قبله حسيت الشخص اللى بتتكلمي عنه حوالينا شخص يظن ان يتقن عمله مع ربه ولكنه بعيد قوي عن الناس اللى حواليه رغم من لا يشكر الناس لا يشكر الله

مع اخلاصى ومحبتي
داليا

Yasmine يقول...

ابتسام

بيتهيئلى سيادته مصمم إنه يجيبلنا كاس الكون
لما مصر تبقى فى مجموعه بتجمع نقط عشان تنافس المجموعه الشمسيه

دى ضحكتنى اوى :D

خدى القصيدة كاملة
حلوة اوى بجد
http://www.arabworldbooks.com/ArabicLiterature/poetry33.htm

و انتى طيبة و بصحة و سلامة يا رب :)

Yasmine يقول...

jannah

الله يسلمك و رمضان كريم عليكى و على كل اللى بتحبيهم

و مليون مبروك على الbebe ربنا يخليهولك و يباركلك فيه يا رب..انتى مش متخيلة فرحت قد ايه لما عرفت من مدونة مصعب :)

Yasmine يقول...

magi

ادينى جيت اهو ..انتوا كمان وحشتونى جدا :))

Yasmine يقول...

داليا
و انتى طيبة يا داليا يا رب :)
دايما رافعة من معنوياتى كدا..خلى بالك بقى عشان انا بتغر بسهولة :))

نورتينى كالعادة

2alam_Rosas يقول...

جميل اوى الكلام الى كله حكم دة
حاسة ان الى كتبه حد فاهم الدنيا كويس اوى

leeno يقول...

تعرفي انك واحشاني وواحشني اللي بتكتبيه اوووووي

و بتيججي فبالي كتير

و مكنتش اعرف ان المدونة شغالة الا بالصدفة اتكعبلت فيها