الأحد، 1 أغسطس، 2010

يوميات جميلة..

يقولون عنى جميلة..
لا ليس الجمال الذى تنسب اليه كل فتاة نفسها
فالواحدة منهن ترى نفسها جميلة و ان كانت تشبه الاوتوبيس المقلوب
لم يكن هذا النوع من الجمال الذى يلفت النظر..
لكنه جمالا من نوع اخر.. جمالا ان نظرت اليه طويلا فقد خاطرت بفقد بصرك! فجمالى لم يكن مثيرا لكنه كان فاتنا
فشعر داكن و عينان فى وسع الحياة.. حاجابان وضعا فى مكانهما بالمللى و فم بلون التفاح
كفيلون بان يقضوا على على اكثر الرجال قوة
لم اكن التفت الى الرجال اللذين التفوا حولى اينما مشيت
لن انكر اننى كنت استمتع بنظراتهم الى.. فاحساسى بان لشكلى الخارجى تاثيرا يقهرهم
كان يشبع فى جزء من ساديتى
كذلك احساسى بنظراتهن حينما اجتمع معهن فى مكان واحد
و لكنى اعذرهن ايضا.. فلو كنت مكانهن و رايت مكانى يتضائل امام امراة جميلة مثلى.. لشعرت باضعاف اضعاف هذه الغيرة
رفضت الزواج لانى اقتنعت بان من يستحق امراة مثلى لم يخلق بعد
فالرجال يفضلونها جميلة.. لكن ان يجتمع الجمال مع الذكاء..فهذا خليط قاتل بالقدر الكافى
شيء جدا صعب ان ارى قلب رجل
و قد انكسر تحت اقدام امراة جميلة...
و مع ذلك لم اكن استطيع منع شفتاى من رسم ابتسامة سخرية كلما تكرر هذا المشهد امامى فانا لم اكن يوما من هولاء اللاتى وصفهن نزار بانهن ينتظرن بثياب لم تلبس وصول ورودا لن تاتى و رسائل لن تصل فانا استمتع بتكرار نفس السيناريو مع تعدد ابطاله
مقابلة ..فنظرة.. فانبهار ..فمحاولات مضنية للفت انتباهى.. فاقتراب مع شعور زائف بقرب الوصول..فصدمة قاتلة! مع تكرار الموقف مرنت نفسي على ان اتوقف عن السخرية.. فادعاء التعاطف اكثر قسوة بكثير
يقولون عنى مريضة..فليكن.. فليس مطلوب من الجميلة ان تكون سوية ايضا!
قالوا ان الرائحة هى التى ارشدتهم الى..
كان قد مر اسبوع كامل على موتى فى هذه الشقة الرمادية
التى استاجرتها منذ خمسة عشر عاما
فلم اكن لاسمح لاحد ممن اعرفهم ان يرى التجاعيد التى غزت وجهى
او اختفاء شعراتى البنية لتستبدل باخرى بيضاء باردة
فشلت الصبغة فى اخفائها!
دلهم على موتى مواء قطتى جوعا و عطشا..
فهى الكائن الوحيد الذى تحمل الحياة معى لاكثر من نصف ساعة
اوغاد هم..فحتى جارتى هذه لم تفكر فى السؤال عنى
مع انى اعطيتها يوما ما اغلى نصائحى لجمال البشرة
تركونى حتى ارشدتهم عنى رائحة
لم تستطع برفانات الخمسون سنة الماضية فى اخفائها
تركونى لاكتشف متأخرة..
انه حتى الجميلات يصبن بالوحدة!

هناك 18 تعليقًا:

nody يقول...

فعلا
كل شىء الى زوال
وخصوصا الجمال الخارجى

اسلوبك جميل والفاظك بسيطه
دمتى مبدعه

dr.lecter يقول...

لا ماليش فيه خالص

الجمال الصارخ ده بيبقي لعنه للي بيرتبط بصاحبته لانه هيتغير تماما وهيبتدي يبقي عدواني
بالاضافه لبضع الترهات ان صاحبته ممكن تستخدم جمالها في الضغط علي الرجال وطبعا انت عارفه ان الرجاله بيسيل لعابهم ادام اي قطه حلوه

فيه حاجه معرفش عند كل الناس ولا لا بس ساعات احنا نقدر نشوف الجمال بشكل مختلف عن اغلب الناس اننا نشوفه من زاويه معينه بشكل معين بيبقي حاجه مالهاش دعوه انك تبصي لروح البنت او عمقها او شخصيتها لكن ساعات كتيره جدا انجذبت لبنات ناس كتير شايفين انهم مش حلوين لكني كنت شايف انهم عندي اجمل من اي حد تاني

الجمال اللي يحرك قلب متاثرش بجميله الجميلات او افتن نساء الارض
يستحق نطلق عليه الجمال الحقيقي

dalia يقول...

ياسمين الجميلة أخيراااااا

رجوعك الى التدوين ده أحلى خبر شفته النهاردة، سعيدة بعودتك وسعيدة بتواصلك معي، وسعيدة بهذا البوست ، بقي وجعني من كتر السعادةحتى شوفي :))))

ياسمين في حاجة بتخلينا كلنا ننجذب الى جمال الشكل، لكن جمال الروح تأثيره أوقع ، والخاتمة بتاعتك بتوضح قد ايه الجمال كان وخيم على صحبته بس متقوليش جمال مع الذكاء، لأ جمال مع غرور واستكبار مع عناااد

مع تحياتي يا سمسمة
داليا

موناليزا يقول...

جميلة وواقعية:)

ReEm يقول...

حاسة انه في مغزى خفي للقصة مش عارفة ليه !!!

ما بحبش الجمال الواضح اللي بيجذب الكل في البنت ولا بغير منه ولا حتى الوسامة الواضحة في الرجل و لا بتجذبني
بحب الجمال الي يلفت من بين عشرة مثلا اتنين هنا بحسه جمال مميز
جمال كدة بتاخد بالك منه شوية شوية وكل يوم تكتشف في ملامح الشخص ده شيء جميل و شادك ليه اكتر

و كمان للاسف الجمال في معظم الاحيان بيصاحبه التفاهة و السخف و الغرور و بتبقى كل مهارة وذكاء صاحبه في انه ازاي يوقع و يبهر الجنس التاني بيه

مش هقولك الكلام الخايب بتاع جمال الروح رغم انه كل ما بيعدي في عمري اكتر بلاقيه صح فعلا بس هنخلينا واقعين لكن فعلا ما ينفعش الانسان ينبهر و يعيش كل حياته على شيء اكيد مصيره الزوال

The Seagull يقول...

مش مصدقة نفسي بجد :D
ياسمينا أخييييييييييرًا رجعتي للتدوين؟؟

وحشتيني جدًا جدًا ووحشتني كتاباتك أووي بجد :))

ما تغيبيش تاني بقى :D

sun of free dom يقول...

بوست روعة تسلمى

انا حرة يقول...

نودى

تسلمى يا ندى..و نورتينى جدا :)

انا حرة يقول...

لكتر

والله انت طمنتنى على نفسي بردك دا..انا كتير بلاقينى بعلق على بنت و ابقى شايفة انها فيها حاجة جذابة جدا و زى ما بتقول بتبقى حاجة ملهاش دعوة بجمال الروح ولا العمق ولا البتنجان..بتبقى حاجة تخليك تبصلها و تقول بسم الله ما شاء الله

و افاجأ بالتعليقات من نوعية دى مفيهاش حاجة ملفتة او مفيهاش حاجة حلوة
انت عارف بقة البنات و نفسنتهم على بعض :D



الجمال اللي يحرك قلب متاثرش بجميله الجميلات او افتن نساء الارض
يستحق نطلق عليه الجمال الحقيقي

الجملة دى فى الجول بجد :)

انا حرة يقول...

داليا

وحشاااانى جدا جدا جدا بجد و واحشنى وجودك هنا و مناقشاتنا مع بعض :)))


والله يا داليا كتير الجمال بيجتمع مع الذكاء..بس مش كتير اللى بتجمع بينهم بتقدر حجم الهدية اللى ربنا مديهالها

مبسوكة جدا بوجودك هنا بجد :)

انا حرة يقول...

موناليزا

متشكرة جدا..اسعدتينى بجد :)

انا حرة يقول...

ريم

خفى زى ايه مثلا..انا الحمد لله ماقابلتش من النوعية المريضة دى فى حياتى لسه :D

انا زيك جدا بس بشوف دا فى الراجل اكتر..الراجل الوسيم دايما باخد منه موقف مسبق..دايما بشوف فيهم التفاهة و الغرور و الجهل..مش عارفة ايه العنصرية دى بس حقيقي الراجل الوسيم عندى مرتبط بالصفات دى

انا حرة يقول...

يويو

انى كمان وحشتينى اوى اوى اوى :)))

ما تقلقيش انا قاعدة المرة دى..بس انتوا استحملوا شحنة الكتابة اللى هتطلع الفترة الجاية

انا حرة يقول...

sun of free dom

متشكرة جدا دا من زوقك :)

Tarkieb يقول...

طب هي ومغرورة وفي الاخر اكتشفت ان الجمال مش دايم وحتى لو ما ما اكل عليه الدهر وشرب فالموت كمان بيوصله الى مرحلة العفونة والتحلل...طب انت غاوية توجعي عينينا يل ستى بالخط الصغيير اوووووي ده وخصوصا في الاخر....يغفر لك بس انها قصة مسبوكة بجد واجمل من بطلتك المغرورة بكتير...وممتعة,,,,,.تحياتى

انا حرة يقول...

Tarkieb

اولا ميرسى على رايك اللى اسعدنى دا
بس فين هو الخط الصغير..تقريبا انت اللى السكرين عنك مش واضحة :)

إبتسام مختار يقول...

جميلــــــــــــــة

انا حرة يقول...

تسلمي يا حبيبتى ربنا يخليكى :)