الأحد، 8 أغسطس 2010

عندما لا يصدقه العمل..

يستيقظ قبل الفجر بدقائق حتى يقرأ ما تيسر من ايات الله قبل الصلاة
يدعو بكل الادعية التى لا يعرفها و التى لا يعرفها
و هو يسكب الماء على وجهه ليتوضأ
يصلى بخشوع كانها اخر صلاة له
ينزل من بيته متجها لعمله
دون ان ينسى تقطيبة وجهه التى -فى نظره- تزيده وقارا
يركب الاوتوبيس رقم 2 بشرطة
و يبدا فى تلاوة سورة الكهف بصوت يسمعه كل من حوله
تمتلئ عيناه بالدموع عندما يقرأ فى خشوع
"قُلْ هَلْ نُنَبِّئُكُمْ بِالأَخْسَرِينَ أَعْمَالا
الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا "
يصل الى عمله فيجد رجل مسن يقف متكئا على مكتبه
فى مكابرة واضحة لاخفاء شيخوخة لا تخطئها العين
كان الرجل ينقصه ختم على ورقة المعاش
يراه..يشيح بوجهه..ثم يفتح مصحفه ليبدا فى قراءة جزء جديد
**********
نقطة و من اول السطر
رمضان كريم

هناك 18 تعليقًا:

dr.lecter يقول...

اسفوخس علي المسلمين لو هنبقي بالشكل ده

منك لله خلتيني اتعصب وانا ماسك نفسي اليومين دول علشان ماتهورش في رمضان

Tarkieb يقول...

هو ده حالنا.دلوقتى ...مناظر ....شكلي ...صلاة وعلامة صلاة ..دقون...ترتيل...وعلى الناحية الاخرى العكس رشوة سرقة عدم امانة...عدم الرحمة .سبحان الله ....قشوووووور بدل من خشوع....

إبتسام مختار يقول...

هى الناس دى مكانش عندها كتب المدرسة اللى بيكتبوا على ضهرها "الدين معاملة" !

أو يمكن دول اللى بيتابعوا الشيوخ اللى على القنوات الفضائية بتوع الدقون اللى متعرفيش تجيبى أخرها فى الكاميرا و معروف عنهم حاجات تانيه فى حياتهم لا تمت للدين بصلة

ربنا يهدينا و يرحمنا ..

Tears يقول...

تصميم المدونة رائع جدا بالذات الصور المنتشرة و صورة المقدمة

ذوقك جميل

The Seagull يقول...

يااااااه ده العادي دلوقتي :D

كل سنة وانتي طيبة يا قمر ..
ورمضان كريم :))

ReEm يقول...

للاسف كتير مننا غلب عنده مظر الدين على الجوهر

كل سنة وانتي طيبة يا لي لي

مؤنس فرحان يقول...

أولا : كل سنة وانتى طيبة و رمضان كريم

ثانيا : حكرر كلام تيرز عن شياكة مدونتك وفكرة تصميمها الجميل

ثالثا : بوست معبر عن حالة بنشوفها كتير وبنسمع عنها كتير وهى التمسك بمظهر وترك الجوهر

الحنجورية والسفسطائية بكلام وشعارات بدون العمل بيه

الدين .. أى دين .. بينقسم لـ جزئين
جزء بين العبد و الخالق وجزء بين العبد والمخلوق

والمفروض ارتباط الجزئين ببعض وكلاهما بيأثر عالتانى

والفصل بين الاتنين هو النفاق أو الرياء أو الجهل

ربنا يسعد الجميع ويكرمنا

samamasr يقول...

كل سنة وانتي طيبةوكلكم طيبين:)

انا حرة يقول...

لكتر

انا اكتشفت و اللى يزعل يزعل بقى..ان كل ما المظهر بيكون اقرب للتدين كل ما الجوهر بيبعد اكتر عن الدين

انا حرة يقول...

tarkieb

اه والله و لما بتقول كدا الناس بتتهمك بالجهل و التخلف..احنا بقينا مجتمع منافق لدرجة مضحكة بجد

انا حرة يقول...

ابتسام

والله الشيوخ اللى بتقولى عليهم دول مش بيأثروا غير على اللى عنده استعداد فطرى انه يسلم دماغه لاول واحد يقوله تابع الحلقة و اتصل على 0900 و حصلنى على الجنة

كل سنة و انتى طيبة :)

انا حرة يقول...

tears

تسلمي ربنا يخليكى..انا كمان حبيت دماغك اوى على فكرة

انا حرة يقول...

يويو

و انتى طيبة يا حبيبتى..الله اكرم :)

انا حرة يقول...

ريم

و انتى طيبة يا ريم يا رب..و الى الله اقرب

انا حرة يقول...

مؤنس فرحان

متشكرة جدا ربنا يخليك :)

حبيت اوى الجملة دى

الدين .. أى دين .. بينقسم لـ جزئين
جزء بين العبد و الخالق وجزء بين العبد والمخلوق

و هزود عليها كمان ان علاقة العبد بالمخلوق هى فى اساسها طاعة للخالق و عمل باللى امر بيه

نورتنى

انا حرة يقول...

ايمان

و انتى طيبة يا ايمان و بخير يا رب :)

florieda يقول...

مالوش لازمة القران الى قاعد يقرأ فيه من الصبح
لانه مش بيعمل بيه
حسبي الله ونعم الوكيل

florieda يقول...

مالوش لازمة القران الى قاعد يقرأ فيه من الصبح
لانه مش بيعمل بيه
حسبي الله ونعم الوكيل