رئيس الوكالة الدولية للطاقة الذرية
مرشح لرئاسة اليونيسكو
مرشح لرئاسة لجنة السياسات النقدية و المالية
بصندوق النقد الدولى
عالم الذرة..صاحب نوبل
مصطفى السيد..عالم مصرى حاصل على اعلى وسام علمى امريكى عن ابحاثة فى علاج مرض السرطان
اقلام شريفة..
مصريين..بيحبوا مصر
فى تعليق قريته على خبر فى المصرى اليوم عجبنى اوى بدل اللطم و الندب و الدعاء على اللى موجود "اللهم ولى علينا من يخرج منا احسن ما فينا" اللهم امين..
البلد دى تستاهل..اوى
هناك 33 تعليقًا:
أهم واحد شايفه فى البوست دا بعد رشيد محمد رشيد مثلى الأعلى ..
هوا محمود محى الدين .. الراجل دا أتظلم ... مفهوم الخصخصة فى أى أقتصاد يعنى أنتعاش شركة من موت إلى حياة أخرى .. بس لما عم الحلو عاطف عبيد جاه خلى كلمة الخصخصة قرف و موت فى حياة الشعب .. ولما أشتغل عليها محمود محى الدين .. كانت الفكرة السودا شغالة ..
محمد البردعى .. قريت ليه تصريح أنه مش حيرشح نفسه تانى .. و كانت الأسباب واضحة للصغير قبل الكبير .. أمريكا بتتحرش بأيران .. و مفيش أدلة على أمتلاكها سلاح نووى .. و البردعى لقمة فى زور أمريكا .. يبقى لازم فوار بسرعة .. و أحسن فوار علشان كرامة الراجل المحترم دا هوا الأستقالة
او أنتهاء المدة .. على فكرة معلومة بسيطة قوى .. من عجائب مصر .. أن مصر رفضت ترشيح البردعى من مصر و الراجل سافر و أخد الجنسية النمساوية و رشحته النمسا من هناك و لما بقى كده و فل .. كرمه الريس :D
نجيب ساويرس .. مينفعش أخلص الرد من غير ما أتكلم عن نجيب ساويرس فى كلمتين .. بتعجبنى دماغه فى الأقتصاد قوى .. و بحب فيه تفائله .. و ياريت المسلمين يحبوا دينهم و مقدساتهم زى نجيب ساويرس .. بجد انا بحب شغل الراجل دا قوى
مش بحب كتابات حمدى رزق .. بحس أن الريس بالنسباله خط أحمر .. عكس سليمان جوده .. لما بيتكلم عن الريس بيبقى كلام محترم قوى فيه لذعة جامدة قوى .. زى عليه سم ملفوفة بفيونكا شيك :D
عمرو أديب .. لسه برضه عند نفس الخط الأحمر اللى عند حمدى رزق ... الريس
محمد سليم العوا .. بحبه أه بس بختلف معاه فى حاجات كتير .. بس بيعجبنى فيه تأريخه الأسلامى و فكرته لنهوض الأمة
مش ممكن يا أختى بجد ,,
كله كوم وحمدى رزق كوم تانى ,,
حرام عليكى يا أختى , أقلام محترمه مين بس ,,
وبعدين انتى خلطتى الحابل بالنابل فى اختياراتك ,,
وكمان محمود محى الدين رجل الضياع بامتياز ,,
انا كان بيحاضرلنا استاذ economics فى الكليه من سياسه واقتصاد وقالنا ان محمود محى الدين ده كان تلميذى
وانا لا أفخر انى درستله كلمه واحده .!!
الراجل ده باع البلد برخص التراب
ربنا يعامله بما يستحق
نسأل الله السلامه
ممكن افهم فاروق حوستي بيعمل ايه في وسط الناس دي !!!!!!!!!!!!!!
وحمدي رزق والغوغائي المدعي عمرو اديب بردو بيعملوا ايه مع الناس دي !!!!!
في ناس عجيبة بالنسبة لي انتي حاطاهم يا فلتي
اكيد بيعملوا حاجه يا أخت فنون ..
مش معقوله حطاهم علشان نهزقهم يعنى ..
مستنين نعرف بس من الأخت بنت مصريه سر الخلطه (( ابتسامه ))
السلام عليكم
يا خيبتى يانى:D:D
فاروق حسنى انا لا بطيقه ولا بطيق رسوماته ولا قادرة اتخيل ان وزير الثاقفة ممكن يبقى ماعندوش لباقة للدرجة دى.. بس لما يبقى رئيس اليونيسكو مصرى دى حاجة تشرفنى كمصرية تتفقوا او تختلفوا معايا دى وجهة نظرى الشخصية البحتة
محمود محى الدين وزير محترم و مش قادرة اقعد اعدد مزايا الخصخصة بس هى موجودة على جوجل:D
مش ذنبه انه جه فى وقت كل شركات القطاع العام واقعة فيه من الاهمال و الرشاوى و قلة الضمير
حمدى رزق بحترم قلمه جدا و مش فاهمة وجه اعتراضك عليه ايه يا مصعب بصراحة
عمر اديب اول واحد عمل برنامج توك شو محترم و جرئ فى مصر لا كان في البيت بيتك ولا العاشرة مساء
عشر سنين بيجيب اصل و فصل اى حدث فى مصر و يوميا عايزين ايه تانى :)
و بجد ما بعرفش حقيقة اى خبر غير منه يوميا و قبل اى حد بيجيبلك الخبر من بيته و بلسان اصحابه مشكلته ان الريس مش بتيجى سيرته فى البرنامج زى ما كوبرى قال و طريقته فى التقديم مستفزة احيانا بس انا مش هتجوزه:D
و بصراحة انا بحترم برنامجه جدا جدا جدا
الدعاء عجبني اوي . . .
اعتقد ان احنا نستاهل ....
او ع الاقل . . . فينا اللي يستاهل
كوبرى انا هحتاجك تكتب سيرتى الذاتية فى يوم ايه كل ده؟:D
انا اول مرة اعرف حكاية البرادعى دى على فكرة يعنى ايه رفضوا يرشحوه؟
ساويرس بحترمه لابعد الحدود رجل اعمال ناجح و عنده فكر خاص بيه بس احنا اللى شعب هايف
محمد سليم العوا كان له اكتر من حلقة مع عمو اديب ..راجل مثقف و واعى و متحضر..بيعجبنى اوى بجد
Amr
اكيد فينا ناس كتير تستاهل
و ربنا يبعتلنا اللى يحافظ على البلد دى او على اللى باقى منها :)
عوا ايه وحوستى مين وبردعة ومحيي !!!!!!!!!!!!!!
لا والمصيبة الاكبر كوبري
مش هرد
لا مش هرد بجد
انا معنديش غير كلمة واحدة
وبقولهالك بالامانة تيييييييييييت
نفسي اعرف حاجة..نفسي بجد
قولى على حد واحد فى البلد بيعجبك يا احمد..حد واحد بس و هتلاقينى شغالة زغاريط فى الشارع بتاعنا و هتسمعها فى سان ستيفانو:D
مش معقول مفيش بنى ادم واحد عدل فى البلد دى.. احنا 80 مليون:)
ههههههههههههههههههههههه
هتقضوا عليا والله مش قادرة هموت من الضحك
لا كريزة ضحك مش قادرة بجد
كل الناس دى لا غبار عليهم وبعزهم جدا
ما عدا
فاروق حسنى ارتشح لليونسكو من هنا والقومى اتحرق من هناك وشه خير الصراحة
كمان خدى عندك بطرس غالى
بعد شوية هنبيع الهدوم اللى لابسينها علشان الضرايب
مودتى
البردعي ساب البلد
وزويل ساب البلد
و مصطفى السيد ساب البلد
وعمر الشريف ساب البلد
والحضري ساب البلد
وعمرو ذكى ساب البلد
وكلهم ربنا كرمهم يا بنت مصرية
صدقينى انا مش بطيق البنى ادم ده..بس فكرة ان رئيس منطمة دولية بالحجم ده يبقى مصرى بتبهرنى بصراحة
نورتى :)
هو انا نطقت و قلت انها بالحالة دى ممكن تعجب حد؟ :)
انا عندى امل انه هييجي يوم يمسكها حد يقدرها بجد و يقدر قيمة الناس اللى بعدوا عشان مالاقوش اللى يقدرهم هنا و يقدر اللى زيهم هنا مكبوتين و مقهورين لكن لو اتسابتلهم الفرصة دماغهم هترجعها زى ما كانت و احسن
بحبها و بحلملها يا احمد و بحاول ادور على نص كباية مليان ابص منه بدل ما اطق من زعلى عليها و علينا..سيبلى شوية الامل دول لو بطلنا نحلم نموت:)
فنونتى ما تاخدى صفى شوية بدل مانتى عمالة تضحكى و سايباهم يتريقوا عليا:D
بصى يا أختى ,,
انا مستغرب أولا باعجابك بمحيى الدين ,,!!
ولا هو عشان سياسه واقتصاد زيك (( ابتسامه ))
الراجل ده عمل ندوه فى سياسه واقتصاد واتهزق لصبح بصراحه ,,
وسياسة ان العيب مش عالوزير العيب على النظام والبلد مش بحبها حقيقه ,,
ده غير ان انا لما انتقدت محمود محيى الدين منتقدتش ابدا نظام الخصخصه فى حد ذاته ,,
ولكن انا انتقد فيه جانبين : -
أولا : السرقه والنهب اللى بيحصل فى موضوع الخصخصه واللى مش عارف يسأل محمد عمرو ..
هاتقولى محمد عمرو مين ..؟
هاقلك ابن عمرو افندى (( ابتسامه ))
ثانيا : التطبيق الأهوج واللامسئول لنظام الخصخصه فى مصر ..
اللى خلى بنك زى بنك الاسكندريه يتباع برخص التراب ,,
ومحدش يرفع اللوم من على الوزير ويقول اصل دى أوامر جياله ..
لو دى أوامر يسيب الوزاره أشرف له ..
..............
وبالنسبه لحمد رزق ..
فالراجل ده متخصص سب وشتم فى الاخوان بحق وبغير حق ,,
انا هنا مش بدافع عن الاخوان ,,
بس الراجل ده محسوب على النظام
واللى مش عارف
يسأل برنامج حالة حمار والدكتور عمرو عبد السميع ,,
اللى اعتبر ان الاخوان دول غير شرعيين ومينفعش يحضروا برنامج حالة حمار
مع انه بنفسه عمل حوار مع مرشد الأخوان زمان ,,
بس مين يفتكر ..!!
..........
أما عمرو أديب ,,,
الراجل ظاهره انه معارض للنظام وبيقول الحق ومش بيخاف من حد ,,,
وواضح ان الدور ده عجبه وحبه وصدق نفسه ,,
وده مش وحش على فكره , أحسن ما يحب انه موالى للسلطه ,,
وبسبب ده أصبح من المغضوب عليهم ولما اجتمع نظيف مع مقدمين برامج التوك شو حذف منهم عمرو أديب
باين أصبح كمان من الضالين ..!!
..............
وبالنسبه لفاروق حسنى فانا فاهم وجهة نظرك فى اختياره وعلشان كده معلقتش عليه ..
..........
وبالنسبه للأخ ماجا ..
فياريت يا أحمد نتأدب فى الكلام عن الدكتور محمد سليم العوا ..
الراجل مفكر اسلامى له وزنه وقدره وان كنا نختلف معاه ..
لكن ليست هذه هى الطريقه التى نناقش بها أساتذتنا ..!!
وجزاكم الله خيــرا
السلام عليكم
أنا جيت يا بنى أمين :D
البرادعى ..
هوا كان مساعد لوزير الخارجية و أشتغل فى الأمم المتحدة فى الوكالة .. لما طلب ترشيح مصر ليه .. مصر رفضت و رشحت حد تانى على ما أعتقد مصطفى الفقى ..
طبعا جاتله فرصة النمسا .. و رشحوه للمنصب .. و فاز بنسبة أصوات على ما أعتقد كانوا 35 صوت أخد هوا 33 منهم .. و لما فاز بالجائزة أتقال محمد البردعى .. من النمسا ..
بالنسبة لمحمود محى الدين ..
مصعب .. أسأل بس الدكتور .. هوا أشتراكى ولا رأسمالى .. و حتلاقيه أشتراكى .. دا تخمين يعنى .. و لما يبقى أشتراكى يبقى متستغربش :D
بنك أسكندرية ..
تعرف أن صفقة بيع بنك أسكندرية أحسن صفقة تمت فى تاريخ مصر ..
تعرف أن مجموعة سان بولو أحسن مجموعة مالية فى أيطاليا و رقم 3 أوربيا ..
فكك بقى من الكلام دا كله .. أنا واحد من الناس بتعامل مع بنك أسكندرية من 4 سنين .. البنك دا موقفش على رجله غير بعد ما أتباع .. و مفهوش حد مشى من موظفينه .. و حاول تدخل فى يوم تسأل حد من موظفى البنك ... ايه الأحسن ..
بنك أسكندرية يا مصعب .. تحول من بنك ميت لبنك حى .. اللى حى البنك دا ناس من برا .. و أنت اللى قتلته أيام لفاكس اللى اسمه عاطف عبيد ..
يا مصعب أتفرج على البنك دا لما يتحول من بنك تجارى لبنك أستثمارى ..
بالنسبة لعمر أفندى ..
لو تقدر تقولى أنت فهمت أيه من موضوع الصفقة دا كله على بعضه .. و لو تقدر تقولى أن عبد الهادى اللى كان فى اللجنة و انشق و فضحهم دا محترم بنسبة كام .. الصفقة دى أطرافها كلها غلط بما فيهم عبد الهادى .. و كان الجانب السعودى باين عليه تقيل .. و هديتك لو جاوبت حديك جنيه دهب :D
التطبيق الأهوج يا مصعب مكنش فى عهد محمود محى الدين .. راجع الصفقات و انت تعرف ..
و على فكرة حاول تقرا لحسين عبد العزيز محافظ البنك الأهلى السابق .. و شوف الراجل دا بيقول ايه و بيتكلم أزاى و لاحظ انه سابق
طيب انا هتكلم عن بقيت المتهمين بما ان كوبرى جاب الخبر اليقين عن محى الدين :D
بس صدقنى يا مصعب مش عشان هو زميل سابق:D
و بعدين لو سألت الطلبة اللى كان بيدرسلهم فى الجامعة عندنا هتلاقيهم بيتكلموا عنه بانبهار..راجل عقليته اقتصادية من الدرجة الاولى و كتير منهم حكولى ان محاضراته كانت بتبقى عبارة عن تطبيقات عملية لنظريات مملة عشان يوصلهم فى الاخر لحلول عملية مفادها ازاى مصر ممكن تتكون من دولة طاردة للاستثمارات الاجنبية لدولة جاذبة ليها
ده غير انه من الناس اللى ايدها نضيفة بحيقي فى الوزارة دى و ده واضح جدا مش محتاج ادلة
بالنسبة لحمدى رزق..مش هنكر ان مقالاته عن الاخوان بتعجبنى انا رافضة الناس دول قلبا و قالبا و متحيزة ضدهم و اى تصريح او كلام هيتقال منهم عمرى ما افترضت فيه حسن النية ابدا
ده تحيز منى مش هنكر ده
بس حتى لو كان فى رايك متحيز ضد الاخوان ده مش سبب كافى انك تستبعد كونه صحفى شريف..
لكن قريت مقالاته عن هايدلينا و العبارة و هشام مصطفى؟
قريت الحملة اللى كان عاملها على احمد عز؟
الراجل مقالاته فى منتهى الجرأة و ليه اسلوب مميز جدا فى الكتابة باقتباسات من القران و الاحاديث و الامثال..بحترم قلمه جدا بجد
عمرو اديب انا ما قلتش انه معارض و ما اعتقدش انه من المعارضين لمجرد المعارضة زى الاخ ابراهيم عيسى..و بشوف ان ده ذكاء منه..يعنى هو راجل حقانى فى اى قضية بيناقشها بيجيبلك كل الاطراف و ايا كانوا الخصوم فيها دول مين وزرا ولا موظفين عاديين مفيش سؤال ممكن يخطر فى بال المشاهد الا لما بيتسئل..ما بيخافش من حد و عشان كده برنامجه من اهم البرامج اللى بتتكلم عن مصر بشكل واقعى بيحترم عقل المتفرج مع انى ساعات كتير بستفز من اسلوبه
يا كبارى ,,
انا لما اتكلمت عن بنك اسكندريه وعمرو افندى ,,
مقصدتش ان الاتنين خربوا لما اتباعوا او اتخصخصوا ,,
لكن شوف بنك اسكندريه اتباع بكام ..؟
شوف عمرو افندى اتباع بكام ..؟
هل دى هى القيمة الحقيقيــه ..؟
وعلى فكره أستاذ الاقتصاد مكنش اشتراكى ولا حاجه ,,
كان اخوان ينفع معاك ..؟ (( ابتسامه ))
................
أما بالنسبه لحمدى رزق ,,
فانا من ساعة ما شفته فى حالة حمار لعمرو عبد السميع اللميع
وانا خلاص رميت طوبته ,,
ربنا معاكى يا أختى وانتى بتقريله ..
السلام عليكم
اللى يحاور ويحاول يقرب بينا وبين مذهب قايم على سب صحابة والطعن فى امنا عائشة والطعن فى الاحاديث والسنة وموقفهم في القراآن وغيرها من غير ما يوضح حقيقة المذهب دا تحت ما يسمى التفريب بين الفرق اسلامية
اسلامية ايه دى انا مش عارف
يبقى لا استاذي ولا اعرفه يا مصعب
تسألنى الاول انا ليه بقول كدة وتناقشنى وتحاورني يااقتنع واعتذر يامقتنعش بعد كدة قول تأدب او قل فى ادبك وانا يا اقبلها يا مقبلهاش
أولا يا أخى هدئ من روعك (( ابتسامه ))
ثانيا : سلمنا لك بأن الأستاذ العوا يسعى لهذا ..
فلو أنك انتقدته على ما قلت ما اعترضت عليك ,,
ولكن اعترضت على هذا الأسلوب الذى نهجته فى الحديث عن الأستاذ العوا ,,
واستخدام ألفاظ لا تليق عند الحديث عن أهل الفكر والعقول ,,
والرجل مفكر له جهود فى الحركه الاسلاميه وان اختلفنا معه ..
ثالثا : فكرة التقريب هذه ليست جديده بل هى منذ زمن ينتهجها بعض الفضلاء المخدوعين بوهم الوحدة بين السنه والشيعه ومن أولهم الامام حسن البنا رحمه الله تعالى
ثالثا : الأستاذ العوا عندما ينادى بالتقريب لا يسعى أبدا الى إقرار الشيعه على ما تقول ...
بل هو يدعو الى المنع من هذا , كما أن الروافض والشيعه ليسوا كلهم على وتيرة واحده ,,
رابعا : انا تحدثت مع الأستاذ العوا شخصيا وناقشته فى فتوى الشيخ شلتوت رحمه الله ..
وأوضح لى وجهة نظره فى هذه الفتوى وكانت صائبه حقيقة ,,
خامسا : فى أزمة الشيخ القرضاوى الأخيره وقف الدكتور العوا مع الشيخ القرضاوى ونافح عنه فيما قال وهذا يدل على موافقته لما قال الشيخ القرضاوى ,,
وهذه صحوة وعدول الى الموقف الصحيح وان كان متأخــرا ..!!
على كل حال , أسلوب كلامك فى الحديث عن الأستاذ العوا عن سيئا مُسفّا لا يليق بمثلك ..!!
كيف وان كنت تتحدث عن مفكر اسلامى ..!!
بل وحتى لا يليق أن تتحدث به عن مفكر وان لم يكن مسلما بل كافرا ..!!
هدانا والله واياك الى الصراط المستقيم ..
والله من وراء القصد
السلام عليكم
ونسيت أن أقول أنه يزيدنى فخرا أن يكون الأستاذ العوا أستاذى ,,
وقد تعلمت منه الكثير ,,
وان كنت أختلف معه ,,
بل أختلف معه أكثر مما تختلف معه أنت يا أخى ,,
السلام عليكم
الفاظ ايه اللى لا تليق اللى بتقول عليها دي
محسسني يا مصعب اني سبيت فى العوا
بس انا عاوز الفت انتباهلك لحاجة
ان العوا مفكر
مفكر
ومندهش اوى ازاى بتختلف معاه فى كتييييييييير
واستاذك
ولو زى مانتا بتقول انه عدل عن موقفه يبقى محتاج عدول عن حجات كتيير
و كم فتاوى غريبة و كم ارارء اغرب طلعت منه ازاى انا مش عارف
مع انه زى مانتا بتقول مفكر !!!
عموما عشان الموضوع مياخدش منى طريق استهزاء واستهتار وتقليل
وعشان مانشتتش كتير من الناس اللى بينا
ان كنت اسأت الظن باستاذك اسأل الله العظيم ان يرحمه و ان يغفر لي ذللاتي
" عوا ايه وحوستى مين وبردعة ومحيي !!!!!!!!!!!!!!
لا والمصيبة الاكبر كوبري
مش هرد
لا مش هرد بجد
انا معنديش غير كلمة واحدة
وبقولهالك بالامانة تيييييييييييت "
هل هذه طريقة جيده للنقد والمناقشــه ..؟!!
لا أظن ذلك ..
أنت يا أخى قد يكون لك وجخة نظر أحترمها ولكن أنت تُضيعها بمثل هذه الكلمات ,,
مثلما حدث فى نقاشك حول الشيخ المنجد حفظه الله , فقد كنت معاك فيما تقول قلبا وقالبا , ولكن أسأت الى نفسك ووجهة نظرك باستخدامك مثل هذه الطريقه ,,
ولو طبقنا طريقتك فى الحكم على الناس هذه لكان أولى بها عمرو خالد الذى يدعو الى التقارب مع النصارى واليهود وليس الشيعه ..!!
ومع ذلك لم نسمع منك فى الآونة الأخيره عنه الا عبارات تقول ان ذلك خلاف ولا داعى للإساءة ..
وانا معك فى ذلك ,,
ولكن كان ذلك أولى بمن هو أفضل وأحق من عمرو خالد كالأستاذ العوا ,,
وللعلم فقط , فإن الأستاذ العوا وأفكاره لا تختلف أبدا عن أفكار وفتاوى الشيخ القرضاوى ,,
فهل يليق أن نتكلم هكذا عن الشيخ القرضاوى ..؟!!
وجزاكم الله خيرا على تقبل كلامى ,,
ونسأل الله أن يعصم ألسنتنا وأقلامنا من الزلل
والله من وراء القصد
السلام عليكم
يا مصعب الشيخ القرضاوى دا عالم وفقيه اجتهد وأخطأ له اجر
انما مع احترامى يا سيدي للعوا
هنقول مفكر يبقى خلاص نقارنه بجمال البنا اهو راجل كمان بيفكر بلاش عمرو خالدوتقريبا ماقريتش ردي فى موضوع عمرو خالد
عمرو خالد قولت مليون مرة انا مش معترف بيه كرجل دي وليه سقاطات كبيرةوهو بنفسه فى كل مرة يطلع يقول انا مش بفتي وماليش فى الافتاء
انا مش عاوز ادخل فى مقارانات لان النتيجة واضحة
ولو عايزنا نناقش بموضوعة ونبنى طريقة للنقاش يا مصعب يبقى تقولى السادات وحش عشان وعشان وعشان وميكونش رأي وبس لا يكون مبني على دليل
تقولى محي باع البلد ويكون بدلايل
هو دا النقاش وماتقوليش الدكتور قال لا افتخر انى درستله
يمكن الدكتور اللى بيقول كدة بيحقد عليه وبيغير منه
انما اللى احنا في دا اسمها فضفضة
ايه ياعم ده كله (( ابتسامه ))
ده انت شايل منى يعنى !!
أولا : بالنسبه لموضوع السادات : -
باين انت مقرتش كلامى مع بنت مصريه فى الموضوع السابق ..
ادخل اقراه وشوف انا قلت رأى وخلاص ولا قدمت أدله أو على الأقل وجهة نظر معتبره ..
ومستنى رأيك ..
ثانيا : بالنسبه لمحمود محيى الدين : -
فده يكفيه عارا انه فى حكومة الحزب الوطنى ..
وانا مش محتاج أدله على اللى بقوله ,,
ومع ذلك ضربت مثالين للنهب والسرقه واللى حصل فى بيع بنك اسكندريه وبيع عمرو افندى ..!!
انا مش معترض على البيع نفسه , بس معترض على الرسقه والنهب اللى حصل فى عملية البيع ..
............
وواضح جدا انك مش فاهم انا اعترضت على ايه فى موضوع العوا ,,
انت لو اتكلمت على الأستاذ العوا وقلت له سقطات انا مكنتش اتكلمت ولا علقت على كلامك
راجع طريقتك فى الكلام تانى ,,
...........
وبعدين واضح انك مش فاهم يعنى ايه مفكر اسلامى ,,
يقول الشيخ حامد العلى (( هو اصطلاح عصري ، يقصد به من إشتغالــه بتقديم المشروع الإسلامي للنخب الثقافية والناس بأسلوب عصري ، وبردّ الشبهات عن الإسلام
ولامشاحة في الإصطلاح
فإن توفرت فيه شروط الاجتهاد أو الفتوى كان مع ذلك أهلا للفتوى
وإلاّ كان من الدعاة والمجاهدين بألسنتهم وأقلامهم الذابّين عن الدين ))
غير أن أمثال جمال البنا لا مفكر ولا غيره ,,
فأهل الفكر والعقل هم أجلّ الناس وأنفعهــم ,,
فنسأل الله تعالى أن يجعلنا منهم وأن يحشرنا فى زمرتهم ,,
والله من وراء القصد
السلام عليكم
انتوا لسه فى الموضوع ده؟!!!
منورين والله بس بلاها الصورة اللى مزعلاكم دى..خليكو فى ساويرس..ماله ساوريرس؟..حلو ساويرس:D
ولا حاجة من اللى اتقال دا اقصده
ويا مصعب انا لا بشيل من حد ولا بشغل دماغي اصلا انا راجل بقول اللى انا عاوز اقوله مش مشكلتى ان اللى اودامى مش فاهم انا بقول ايه ومش مشكلتى ان فكرتي ورأيي موصلتش هو دا رأي وهو دا فكري وهو دا اسلوبي بكتب اللى بحسه وبقول اللى انا مؤمن بيه من غير مااحط قواعد او خطوات
انا كل ما هنالك انى معجبنيش اسلوبك فى التعليق ع اللى قولته
عارفة..
أنا بحب جمال مبارك
:)
مش بهزر فعلا أو كدة..
المهم
في اللي حطيتيهم
واحد له مكانةفي قلبي :)
سيبك :)
لا اله الا الله ,,
نسأل الله أن يرزقنا حسن الريرة ومكارم الأخــلاق ,,
والله من وراء القصد
السلام عليكم
إرسال تعليق