الجمعة، 10 أكتوبر 2008

الوان من الحب..

و مين يعبر عن الحب احسن من قصايد نزار؟
انا ما اخترتش القصايد التلاتة دول اعتباطا
بعيد عن انى بحبهم جدا..
لكن كل واحدة فيهم بتعبر عن حالة كاملة
قصة فى منتهى العمق مختزلة فى كلمات قليلة..
كلمات
يُسمعني.. حـينَ يراقصُني
كلماتٍ ليست كالكلمات
يأخذني من تحـتِ ذراعي
يزرعني في إحدى الغيمات
والمطـرُ الأسـودُ في عيني
يتساقـطُ زخاتٍ.. زخات
يحملـني معـهُ.. يحملـني
لمسـاءٍ ورديِ الشُـرفـات
وأنا.. كالطفلـةِ في يـدهِ
كالريشةِ تحملها النسمـات
يحمـلُ لي سبعـةَ أقمـارٍبيديـهِ
وحُزمـةَ أغنيـات
يهديني شمسـاً.. يهـديني صيفاً.. وقطيـعَ سنونوَّات
يخـبرني.. أني تحفتـهُ
وأساوي آلافَ النجمات
و بأنـي كنـزٌ... وبأني
أجملُ ما شاهدَ من لوحات
يروي أشيـاءَ تدوخـني
تنسيني المرقصَ والخطوات
كلماتٍ تقلـبُ تاريخي
تجعلني امرأةً في لحظـات
يبني لي قصـراً من وهـمٍ
لا أسكنُ فيهِ سوى لحظات
وأعودُ.. أعودُ لطـاولـتي
لا شيءَ معي.. إلا كلمات
======
بالرغم من حبى الشديد للاغنية دى
الا انى ماعرفش اكون زى بطلتها
ما بحبش الكلام..
طوق الياسمين

شكراً.. لطوق الياسمين..وضحكت لي.. و ظننت أنك تعرفين معنى سوار الياسمين يأتي به رجل إليك ظننت أنك تدركين وجلست في ركن ركين تسرحين وتنقطين العطر من قارورة و تدمدمين لحناً فرنسي الرنين لحناً كأيامي حزين قدماك في الخف المقصب جدولان من الحنين وقصدت دولاب الملابس تقلعين .. وترتدين وطلبت أن أختار ماذا تلبسين أفلي إذن ؟ أفلي أنا تتجملين ؟ ووقفت .. في دوامة الأوان ملتهب الجبين الأسود المكشوف من كتفيه هل ترتدين ؟ لكنه لون حزين لون كأيامي حزين ولبسته وربطت طوق الياسمين وظننت أنك تعرفين معنى سوار الياسمين يأتي به رجل إليك ظننت أنك تدركين.. هذا المساءبحانة صغرى رأيتك ترقصين تتكسرين على زنود المعجبين تتكسرين وتدمدمين قي أذن فارسك الأمين لحناً فرنسي الرنين لحناً كأيامي حزين وبدأت أكتشف اليقين وعرفت أنك للسوى تتجملين وله ترشين العطور وتقلعين وترتدين ولمحت طوق الياسمين في الأرض .. مكتوم الأنين كالجثة البيضاءتدفعه جموع الراقصين ويهم فارسك الجميل بأخذه فتمانعين وتقهقهين" لاشيء يستدعي انحناْك ذاك طوق الياسمين .. "

======
الحب المستحيل..الحب من طرف واحد
احبك جدا
أحبك جدا جدا جدا
وأعرف أني تورطت جدا
وأحرقت خلفي جميع المراكب
وأعرف أني سأهزم جدا
برغم الدموع ورغم الجراح
و رغم التجارب
وأعرف أني بغابات حبك وحدي أحارب
و انى ككل المجانين
حاولت صيد الكواكب
وأعرف أني بغابات حبك وحدي أحارب
وأنى ككل المجانين
حاولت صيد الكواكب
وأبقى و أبقى أحبك رغم يقيني
لأن الوصول إليك محال
لأن الوصول إليك محال محال محال
أحبك جدا جدا جدا
وأعرف أني تورطت جدا
وأحرقت خلفي جميع المراكب
وأعرف أني سأهزم جدا
برغم الدموع ورغم الجراح
و رغم التجارب
يا من دفعت بحبك نصف حياتي
ويا من أشيلك كالطفل في أغنياتي
يا من دفعت بحبك نصف حياتي
ويا من أشيلك كالطفل في أغنياتي
أنا لا احبك من اجل شال حرير و عطر مثير
ولكن أحبك حتى أؤكد ذاتي
أحبك جدا جدا جدا
وأعرف أني تورطت جدا
وأحرقت خلفي جميع المراكب
وأعرف أني سأهزم جدا
برغم الدموع ورغم الجراح و رغم التجارب
أحبك أحبك وأعرف أن هواك انتحار
وأني حين سأكمل دوري سيرخى علي علي الستار
وأن سكوتي أمام هواك أمام هواك الكبير انتصار
=====
القصيدة دى بتجننى
قصة فى منتهى النضج
واحدة قوية.. حرة..متمردة..شجاعة..جريئة
قادرة تغامر بكل ما تملك عشان اللى هى شايفاه صح
مستعدة تخسر حياتها كلها عشان تكمل قصتها
مش مستنية من اللى بتحبه انه يبادلها احساسها
لان مجرد حبها ليه خلاها حققت ذاتها
كان نفسي اكون زيها..

هناك 31 تعليقًا:

samamasr يقول...

:| :(

banouta masreya يقول...

لا انا محتاجة شوية توضيح يا ايمان:D

samamasr يقول...

مش عارفة :)

تأثير الفرح :)


مجرد حاجة غريبة :)


مفيش

قريت شعر :)


كنت من فترة

بفكر بعقلي

ورافضة أدي لقلبي مساحة

حسيت اني مستحقش القلب ده

إنه يعيش

:)



دلوقتي


محتاجة


قلبي..



يعيش :)


محتاجة أزرع فيه زرعة


وتكبرالزرعة وتبقى خضرا على طول :)






ربنا يسعدك يارب :)

samamasr يقول...

ربنا يسعدك يارب :)




عارفة من جواكي..الإنسانةالحساسة والقلب والعاطفية جدا :)




ربنا يسعدك بجد :)


بإذن الله :)

The Seagull يقول...

وااااااااااااو
تحفـة .. اختياراتك كلها تحفة بجد ..
أنـا بحب أوي قصيدة كلمات :)

ربنـا يسعدك يا قمـر :D

Founoon يقول...

الاختيارات ال 3 ولا اروع

بجد رائعين

من احلى قصائد نزار اللي اتغنت

كلمات....

قصة حب رائعة بتعيشها بطلة القصة
كلمات الحبيب بتخليها عايشة في حالة من التحليق في السما
وبتصحى فحأة على الحقيقة ..انه ما قدملهاش غير كلمات ...
بس كلمات مش وزي اي كلمات
احساس مؤلم اوي على فكرة ..

طوق الياسمين

الاغنية دي كنت باخد بسببها تريقة غير طبيعية من صحابي ...كل ماحد يركب معايا العربية ايام الجامعة يلاقيني مشغلاها ويجيلهم كريزة صحك
انا الاغنية دي بتبكيني بجد من قلبي
هو حبها اوي بصدق حقيقي وادالها شيئ بسيط معناه كبير ماقدرتوش لانها انسانه مستهتره وماعرفتش يعني ايه حب وماقدرتش مشاعر راجل حبها اوي
جرحته جرح مؤلم وصعب
كل ما منت اسمع الاغنية كنت بكره بطلتها اوي واقول ازاي كدا ماعندكيش قلب

الحب المستحيل
عشت كتير اوي مع الاغنية دي في نفس ايام طوق الياسمين بردو وضيفي عليهم يا مستبدة:)
احساس غريب اوي لما يبقى الواحد ماشي في سكة وهو عارف انها مالهاش اخر وعارف انه بكل خطوة بيخطيها الجسر من وراه بينهار ومابقاش في مجال للرجوع وبردو ماشي ومكمل ومستمر وهو عارف انه لا هيقدر يوصل ولا هيقدر يرجع

الحالات التلاتة مؤلمين جدا وقاسيين جدا

يمكن ماعيشتهمش فعليا بس وصلت لدرجة التوحد في احساسي مع احساسهم

اختيارات موفقة وقصائد رائعة ويبقى نزار احسن من عبر عن الحب والمشاعر الانسانية المختلطة الغريبة

هايل يا بنوتي

banouta masreya يقول...

ههههههه لا ايمان انا اكتشفت انك واخدة عنى فكرة غلط خالصاقرى تانى القصيدة اللى بقول انها عجبانى و انى كان نفسي اكون فى جرأة بطلتها
دى مش عاطفية نهائى على فكرة
انا مش جبلة يعنى:D
بس لا امت للشخصيات العاطفية بصلة..يا ريت يا دلال ما كنتش اكره والله :)
ربنا يديكى اللى بتتمنيه يا رب

banouta masreya يقول...

cinderella
انا هقولك سيندريلا على طول عشان انا متعودة عليه اكتر :)
نزار ده بيبهرنى بقصايده كلامه كأنه طالع من جوه جوه جوه الست يعنى:)
غريب بجد
نورتينى:)

banouta masreya يقول...

فنونتى
الكلام الكتير بيوجعلى قلبى..ما بحبش اسمعه..خصوصا لو مكرر و متعاد و مافيهوش احساس و مترتب كأنه خطبة سياسية

التانية دى مش بيصعب عليا البطل بتاعها نهائى..هو اللى عمل كده فى نفسه عيش نفسه فى وهم و هو مش متأكد من احساس البنت و بعدين بيلومها..ايه التلامة دى يعنى :D

تالت واحدة بموت فيها..مرة عمتى قالتلى جملة مش قادرة انساها
قالتلى ان فى قصص بطلاتها بيبقوا شايفين نفسهم كأنهم بيقعوا من على جبل و بيبقوا شايفين اخرتهم فين و برضه بيكملوا..بصراحة شايفاها شجاعة ما اقدرش عليها

فنونتى حد فيكم انتى او ايمان يشرحلى وصلتوا لايه عشان انا تهت منكم:)))

ضد التيار يقول...

اولا كل سنه وانتى طيبه رغم انها متأخر لكن ظروف سفرى خلتنى اتاخر عن كل حاجه حتى المتابعه ):

نيجى بقى للبوست

جميل اختيارك بجد للقصايد

عارفه ان اخر قصيده رغم انها روعه لكن كلامك عنها خلانى احس انى قصرت فى حبى

و انى لازم كنت اكون اقوى من اى حد

رغم ان الرجوع ممكن لكن تخيلى مش قادره برضه نفسى اكون زى اخر قصيده جريئه و قويه

لييييييييييه بس كدا ماانا كنت مرتاحه باللى انا فيه قلبتى المواجع تانى )):

Founoon يقول...

هكلم ايمان وهكلمك

انا كمان تهت شوية

samamasr يقول...

أنا مش قريت القصيدة كلها

أنا قريت العناوين وتهت :D


لا مقصدش


بتكلم عن شعر الحب عموما


أي حاجة..

واسكتي بقى لانك من جواكي عاطفية ومشاعرك رقيقة ولما أقول كدة يبقى خلاص :D

samamasr يقول...

لا مش العناوين


كام سطر..بس من غير تركيز



كنت جاية من الفرح آخر اليوم :)




فنون..


أنا كمان تهت


منتظرة النهاردة اكلم البنات ان شاء الله :)

Here i'm يقول...

مبحبش أغنية كلمات من ماجدة الرومى .. بحس أن فى تار بينى و بينها :D

نزار .. ليه قصايد تحف بجد ..بس ليه قصايد انا أساسا بتكسف أقراها و الله :D .. من ساعة ما حاولت أنى اقرا قصايدة المتوحشة دى .. و انا مبقتش بحبه زى الأول .. بحب الشعراء اللى بعيد عن فكرة الجسد و الغريزة ..



ممكن اسمع كاظم و هوا بيغنى لنزار .. بس ساعتها بقول كاظم مش نزار .. ايوا بضحك على نفسى :D

Here i'm يقول...

نسيت اقول أن أغنية الحب المستحيل بصوت كاظم كانت قاسية قوى :)

banouta masreya يقول...

ايمان..
حاضر همشيها عاطفية و حنينة و مسهتنة و بحب على روحى كمان عشان خاطرك..انا اقدر ازعلك انا:D

banouta masreya يقول...

كوبرى
طيب سيبك من الاغنية و خليك فى القصيدة..بجد تحفة و اللى ورا الكلام تحفة بجد

انا كمان بكره البجاحة فى الشعر فى حدود يعنى مش طبيعى ابقى بقرا قصيدة عن الحب الاقى وصف تفصيلى شافى وافى عن حاجات بتتفهم بالتلميح

بس قصايد نزار اللى اتغنت من احلى ما يمكن نفسي افهم ازاى عرف يوصف مشاعر الست بالدقة دى
ابقى اسمع ايظن بتاعت نجاة رائعة بجد

الحب المستحيل بيتهيألى هى نفس قصيدة احبك جدا بس على راجل..و ان كانت الست فى احبك جدا اقوى بكتير

banouta masreya يقول...

ضد التيار
انا استغربت برضه اصلى بصيت كذا مرة على مدونتك و ما لقيتش جديد قلت اختفت فين :)

مش سهل ابدا على اى بنت انها تكون زى البطلة بتاعت القصيدة..صعب اوى فكرة انك انتى اللى تبتدى سواء فى اول القصة او بعد وقت من الفراق..محتاجة قوة و تمرد و جرأة غير عاديين..عن نفسي عمرى ما اعرف اعمل كده لكن احترم بجد الست اللى بالقوة دى

و انتى طيبة و مبسوطة بجد بتعليقك :)

samamasr يقول...

لا لا مش قصدي خالص

banouta masreya يقول...

يا بنتى انا فاهمة قصدك والله انا بهزر :))

Here i'm يقول...

أيظن دى حاجة كده عجيبة ..

اليوم عاد .. كأن شيئا لم يكن و براءة الأطفال فى عينيه ..ليقول لى أنى رفيقة دربه ..

الحتة تدى بتعجبنى قوى ..

انا مش بقلل من نزار على فكرة .. بس تقدرى تقولى عندى من ناحيته حتى كده أشمئزاز قفلانى منه :D

الله ينور عليكى .. هيا شبها بالظبط على فكرة

Nourhan Sirag يقول...

انا زي كوبري في موضوع نزار ده

استحاله اقراله وفي نفس ذات الوقت بعشق قصايده المغناه..متسألينيش ازاي

لما بقرا شعر بقرا لفاروق جويده
وده كان زمان برضه لاني مبقتش احب اقرا اشعار خالص

نيجي بقى للتحفه الفنيه اللي اسمها كلمات

عاوزه اقولك اني فتحت البلوج بتاعتك ومع اول كلمه في القصيده بدأت أغني ولا اجدعها ماجده الرومي وبصوت عالي وسلطنه وطايره مع كل حرف
وماما واقفه جنبي ميته من الضحك وانا ولا هنا

بجد الاغنيه دي لما بسمعها ببقى عايشه في ارقى معاني الحب وارقى احساس ممكن تعيشه بني ادمه مع حبيبها..
سيبك من ان في الاخر نزار بيفوقنا وبيقولنا انه حلم او مجرد كلمات
بس هي الواحده من اللي زينا دول ايه غير قصيده وشوية احاسيس متفهميش لمين!!

اختيارك في الثلاث قصائد اروع من بعض
بس انا حبيت اتكلم عن اقربهم لقلبي

banouta masreya يقول...

ههههههه فكرتينى بنفسي و انا بغنى رسالة من تحت الماء بصوتى اللى يتعمل بيه تعليقات على كرتون على رأى ناس:D

بحبها اوى كلمات دى..بس ماعرفش اعيش نفسي مستنية كلام من حد..حبيب او غيره..و بعدين انا بحب الفعل اكتر اصل الكلام سهل و الصادق منه قليل اوى و هو الواحد مننا ايه غير شوية تصرفات صادقة طالعة من القلب :))

banouta masreya يقول...

كوبرى
و الجزء بتاع حتى فساتينى التى اهملتها فرحت به..رقصت على قدميه
دى استغربت اوى انها تطلع من راجل..فاهم الست اوى الراجل ده..و دى اكتر حاجة بتعجبنى فى شعره بعيدا عن السفالة اللى فى كتير من قصايده

leeno يقول...

نزار مشكلة فعلا

جرأة و دقة و مشاعر حقيقية

بيعبر عن كل كبيرة صغيرة من المشاعر و بيعبر عن الحالة العامة


الاختيارات التلاتة من اكتر ما بحب لنزار

كل وحدة بتاخدك في دايرة مشاعر تطير بيكي في عالمها و ترجعك


في قصيدة لنزار انا بعشها
و كل ما بحتاج لدموعي و ملقهاش بجري على طول اقرا القصيدة دي

اسمها خمس رسائل إلى أمي
اقريا و قوليلي رايك

Desert cat يقول...

ياربى اول ما بسمع القصائد دى من ماجدة وكاظم
مقدرشاصوفلك يا اوختشى
ربنا ما يويركى الحالة الى بكون فيها
:)

Nanoz يقول...

انا مكنتش اعرف من الاغانى دى الا اغنيه كلمات
بس اما قريت الكلام
دورت عليهم

مش متخيله الحاله اللى حطتنى فيها اغنيه احبك جدا

احساس بجد مؤلم
بتحب حد ... و عارف انه مستحيل
لا بتحبه ايه .. بتحبه دى كلمه بسيطه قوى
و تبقي بالقوه و الثقه فى نفسها انها تقول ده
انا بحبك و عارفه انك مستحيل و مش عايزه منك حاجه
حبي لك كفايه عليا ... ده منتهى القوه
اللى ممكن ناس تشوفها ذل ... وانا منهم
بس هى اقوى من الكل ... عشان مش بتهرب و تخبى .. بتواجه ... مش بتتذلل و لا بتشحت حبه ... بتقوله انا بحبك
بس

Nanoz يقول...

مش عارفه ليه كل ما اشوف الموقف ده
مش بشوف بعد الكلام ده اما يتقال
الا كلمه مع السلامه
مفيش كلام ممكن يتقال بعده
اى كلمه هتبقي سخيفه و بايخه
الموقف بحسه ارقى مع بحبك .... سلام

banouta masreya يقول...

desert cat
انا بحب اسمعهم جدا من ماجدة الرومى بالذات اخر قصيدة بس تأثيرهم عندى بيخلص لما الاغنية بتوصل لاخرها..عشان عارفة ان ده مش موجود فى الواقع هوجع قلبى ليه انا :))

banouta masreya يقول...

لين
القصيدة حلوة اوى جبته دلوقتى و قريتها..الراجل ده مبهر حقيقى فى تفاصيل شعره مش عارفة بيجيب الاحاسيس دى منين بجد

banouta masreya يقول...

نانسي
بالظبط كده..دى فى منتهى القوة يعنى كونها بتكتفى بحالة الاشباع اللى جاتلها من حبه من غير ما تستنى مقابل و هى عارفة ان حبه مستحيل و سايبة نفسها تغرق فى مشاعرها ناحيته..مش بتحبه عشان حاجة..مش مستنية انه يجيبلها حاجة..هى بتحبه عشان بتحبه و بس
ده منتهى التمرد و القوة فى رأيي

مبسوطة اوى انى شوفتك هنا على فكرة:)