الاثنين، 2 مارس 2009

مجرد تفاصيل..

بالرغم من انى بطلت استغرب من زمان الا ان حاليا ادق وصف سمعته جملة لصديقة ليا "احنا عاملين زى القروى فى المدينة" اللهم انى لا اسألك رد القضاء و لكنى اسألك اللطف فى دى مش حالة حزن على فكرة..دى حالة اذبهلال عميق
******* Laisse mes talons aiguilles
faire de moi une fille
Sans me regarder comme un objet
Si le vent qui joue dévoile mes genoux
Il n’est jamais question
D'attirer sur moi l'attention
*******
عندما تضحى من اجل من لا يستحق عندما توقف حياتك عند شخص لا يراك من الاساس عندما تفنى عمرك و لا تجنى سوى قلة التقدير.. فلا تلومن الا نفسك! فدور الضحية لا يناسب الا من اختاره لنفسه ******* - زهقت من التفكير..مش عارفة افكر اصلا - ده قرارك لوحدك ما ينفعش حد ياخده بدالك - عايزة حد يفكرلى..فكريلى فقط لو عرفوا مشقة ان تفكر لاثنين! ******* لماذا هذا الخوف الغريب من المسميات؟ فما الصعوبة فى تسمية الاشياء باسمائها بدلا من لا احب الضلمة ولا احب الدكاترة قررت الاعتراف بان " بخاف من الضلمة و بخاف من الدكاترة" فالخوف من اظهار نقاط الضعف ما هو الا ضعفا اكبر
******* كلاكيت تانى مرة مفيش حاجة اسمها نصى التانى فى حاجة اسمها اتنين بنى ادمين "كاملين"
بيقابلوا بعض فبيبقوا اكثر كمالا ازاى واحدة شايفة نفسها كائن ناقص تتوقع ان الطرف التانى يعتبرها كاملة الاهلية؟! قالتلى بحبه و ماعرفش اعيش من غيره قلتلها اسمها بحبه لكن من غيره حياتى مش هتقف! *******
مين قال ان الوحدة مرادفة لقلة الناس؟
فالوحدة هى مساحة بتفضل فاضية
بالرغم من وجود مئات البنى ادمين حواليها
كلهم شايفينها..لكن ماحدش قادر يملاها
******* اشيائى الصغيرة.. - قهوة ساخنة فى الصباح الباكر - صوت فيروز - لفة فوق كوبرى قصر النيل - خبر عن فوز منتخب مصر فى اى حاجة كتصبيرة لحد ما نسمع عن خبر انها رجعت بتاعتنا تانى - مكالمة صباحية بدايتها "صباح الخير..وحشتينى" - دعوة بان "ربنا يسترلك طريقك" - طعم الشوكولاتة و احساس التحرر بعد الرياضة اليومية - لون بحر اسكندرية فى الشتا - حضن و بوسة و لماضة بنوتى الصغننة - لمة البنات و الضحك على اتفه الاسباب - رسالة من صديقة مسافرة تؤكد لى ان البعيد عن العين عمره ما كان بعيد عن القلب - خروجة للسينما و متعة الاستماع لحواديت ناس تانية اللى بتحكيها - افلام جوليا روبرتس و اغانى افلام ديزنى - احساس طفولى بالفرحة لما تظهر نتيجة الريجيم - نظرة لها معنى و ضحك هستيرى على جملة "باينك احلويتى ولا ايه" - مكالمة من بنتى الاكبر منى سنا تخبرنى بان
"انا البكرية و لو اتبنيتى حد تانى
اعتبريه ابن جوزك من مراته الاولانية" - نظرة فخر تختفى خلف قناع من اللامبالاه مش لايق عليه - فيلم عن قصة دافية فى يوم من ايام الشتا - حرية ان تفعل ما تريد فى الوقت الذى تريده - تمشية طويلة تحت المطر - احساس بثقة الاخرين..حتى لو ما كانش متبادل - فرحة انك تفكر فى حد فتلاقى اسمه ظهر على الموبايل - مشاوير يوم السبت - ذكرى قديمة لبنت صغيرة بضفاير و بيت كبير عل النيل فمجرد قدرتى على الاستمتاع بها.. دليل على ان الحياة لا يزال بها ما يستحق التنفس من اجله ******* احتياج.. عندما اقترب من الانهيار بدور فى اوراقى القديمة اقرا اخر سطر.."هتوحشينى يا اجدع الصحبات" و اقرر الصمود لحد ما ترجعى..تعالى بقى ******* علمتنى الدنيا.. ان منتهى الذكاء فى ان تعرف متى تدعى انك غبى ******* مجرد تفاصيل.. - لان الدنيا مطرت يومها..عرفت انها علامة - لان ضحكتك "صفرا بزيادة".. مجرد وجودك فى نفس الغرفة اصبح عبئا لا يحتمل - لانك تسال "ماحدش عايز حاجة؟" بعد ان تدخل نقودك..عرفت انك بخيل - لان رائحة عطرك تسبقك..عرفت انك مغرورة - لانك ناديتينى "حبيبتى" بعد خمس دقائق من لقائنا عرفت انك منافقة - لانك تصل قبلى..و تتذكر نوع الحلوى التى افضلها و تسمع ما لا اقول..و تهتم بكتبى المفضلة عرفت انك اخ لم تلده امى - لان عينيكى لمعت اول ما شفتك..حسيت انى مسؤولة عنك - لانك لا تهتم بالريجيم الا فى نهاية الشهر عرفت ان كرامتك فوق كل الاعتبارات - لان اسمها هو بداية كل جملة تقولها عرفت انك تحبها و لانك ترتدى الدبلة فى اليمين و مع ذلك تسميها "مراتى" عرفت ان الرجولة ما زال فيها امل - لانكم سندتونى دون حتى ان تعرفونى عرفت ان الدنيا لسه بخير - ولانك تعرفين متى تربتين على كتفى و تهمسين "ما تخافيش" عرفت معنى الامان *******

هناك 30 تعليقًا:

mUsLiM يقول...

رائع أسلوب كتابتك يا أختى حقا ، فأنا نادرا ما أكمل قراءة موضوع بأكمله وها أنا أكملت هذا الموضوع ، وهذا يدل على إعجابى الحقيقى بأسلوبك فى الكتابة والتعبير :)

أما بالنسبة للقروى فهو لن يهدى إلا أن هداه الله ، فنسأل الله لنا ولكم الهديه

أما الكلام المكتوب بالفرنسية فلم يرق لى ، ولا أوافق عليه ، وليس هذا من حق المرأة العفيفة أبدا ، بل العكس واجب عليها

وأرجو أن أكون أخطأت فى فهمى لهذه الجمله

أما بالنسبه للنص الثانى ونصى الثالث والرابع والخامس
فانا بصراحه مبحبش كل هذه المسميات
حتى قولك أنتى يا أختى بأنهم اتنين كاملين بقوا أكثر كمالا فهو قول متناقض مع نفسه

لأنهم لو كانوا كاملين حقا ما احتاجوا لأن يصيروا بعد ذلك أكثر كمالا ، فكونهم بعد التلاقى أكثر كمالا يدل على أنهم كانوا أقل فى درجة الكمال ، فأنتى بذلك عدتى إلى القول الذى ترفضيه أصلا،،

هذا فضلا عن مفهوم الكمال بالنسبة لكى ..؟!!

وفى نظرى كل هذا لا قيمة له ، وكل ما فى الأمر أنه " الحب "

الحب الذى يأسر القلب والعقل ، وكل انسان منا يحتاج إلى حبيبه ، فشرع الله لذلك وسيله وهو الزواج

فقال صلى الله عليه وسلم (( لم ير للمتحابين مثل النكاح ))

هكذا بكل بساطه ،،

أما عن أشياءك الصغيرة ، فهو بحق صغيرة وبسيطة ورقيقة وجميله إلا بعضها ،،

ولكنها تفتقد إلى الهمة العاليه وطلب معالى الأمـور :)

وان شاء الله هاترجعلك صاحبتك عن قريب :))

أما قولك " ان منتهى الذكاء فى ان تعرف متى تدعى انك غبى "

فهذه الجملة جرت منكى مجرى الحكم والأمثال ، والتعليق عليها لن يزيدها إلا سوءا ، فهذه الكلمة يفطن لها كل حكيم ، ويعمل بها كل ذكر متغابى :))

وأنا أحييكى على هذى الكلمات الرائعة حقا ،،

وتعليق أخيــر :))

ليس هناك أخ لم تلده الأم :)

ونسألكم الدعاء أختى الطيبة

والسلام

mUsLiM يقول...

آسف كلمة " ذكر متغابى " أقصد بها " ذكر متغابى "

معلش خطأ مطبعى ،،

انا قلت أعدله بسرعه لحسن جمعيات الحفاظ على حقوق المرأه هاتفتح النار ، وهما كتار الحقيقه على المدونه دى (( ابتسامه ))

السلام عليكم

mUsLiM يقول...

ايه ده :((

أقصد بها ذكى متغابى مش ذكر ، ايه الكلمة الغبية دى

معلش يا أختى بهدلت الردود

انا اسف

The Seagull يقول...

طبعًا ملفيش كلام أوصف بيه كلامك بجد :)
بس بصراحة الكلام اللي بالفرنسية أنا مافهمتوش .. ياريت ترجمة :D أصل أختك ثقافتها ألماني معلش :D

Superman يقول...

اسمحي لي أعلق لاول مرة عندك..و اتمني ماتكونش الاخيرة إن شاء الله..

الجزء الاخير بتاع مجرد تفاصيل شجعني أرد بشدة..يمكن لانني من محبي التفاصيل..

كل النقاط حلوة..
يمكن كان اكتر جملة توقفت قدامها كانت

"لانك ترتدى الدبلة فى اليمين و مع ذلك تسميها "مراتى"
عرفت ان الرجولة ما زال فيها امل"

بداية رأيي أكيد بعيدآ عن المثال اللي تقصديه بالجملة..

انا من كتر ما شفت ناس لابسين دبل في اليمين..و ناس مش لابسين دبل في اليمين..و ناس مش ناويين اصلا يلبسوا دبل و بيقضوا وقت بيسموها "مراتي"..

بقيت مقتنع ان الرجولة هيبقي فيها امل يوم ما كل بتوع "مراتي" يتجوزوا مراتهم او يوم ما يبطلوا يقولوها لانهم مش بيضحكوا غير علي نفسهم و بيعيشوها الوهم..

--------


الوحدة مش مرادف لقلة الناس..
الوحدة مرادف لقلة التفاهم مع الناس المحيطين..

---------

في حياة كل منا ورقة قديمة تنقذه من الإنهيار..شيء عجيب ان ابعد شخص عننا يبقي هو اللي بيمنعنا من الانهيار!

---------


إحنا عاملين زي القروي في المدينة فعلآ..
بس عارفة لو كل قروي قابل 5 قرويين زيه هيبقوا حاسين نفسهم في قريتهم..
الإحساس بالغربة سببه الاول بيكون الوحدة و ان الواحد يكون مختلف عن المحيطين به..
و الإحساس بالتوهان بيروح لو الواحد قابل ناس تايهين زيه..يمكن يصنعوا طريق خاص بهم..يوصلهم لمكان يناسبهم اكتر من الطريق اللي كانوا ماشيين فيه و تاهوا..

و علي فكرة..لما واحد من المدينة يحس انه قروي في المدينة..يبقي احسن حاجة يروح مكان قروي بجد و يبعد عن دوشة المدينة..انا بعمل كده :)

Founoon يقول...

- كان لازم تيجي معانا لا بوديجا يوم الخميس عشان يتأكد احساسك اننا قروي في المدينة
مين دول !!!
المجتمع المصري مسكين بيفقد هويته كل يوم ورا التاني في اتجاهين عكس بعض تماما وامثالنا بيزيد احساسهم بالغربة عن المجتمع دا يوم بعد يوم
انا لا مع دول ولا من دول !!! هي الناس الطبيعية بتندثر ليه ؟!! يمكن اكون في نظر الاخرين انا كمان مش طبيعية وممكن الكلام اللي انا بقوله على التانيين يكونوا بيقولوه عني بس انا شايفه فعلا ان البلد بتتفزق نصين كل نص في اتجاه غريب !!!

- الكلام اللي بالفرنسيه انت عارفه رأيي ...تخيلي ان انا وانا بقراه دلوقتي حالا وانا في الشغل بتخانق مع واحد زميلي وبقوله انا مش اباجورة على فكرة :)
- اللي بيضحي عشان حد ما بيبقاش اكيد شايفه انه ما يستحقش هو بيكتشف دا بعد ما يكون ضحى وماحدش قدر
- بجد احيانا بيبقى الواحد محتاج حد يفكر بالنيابة عنه ..الواحد احيانا بيبقى مخه ورم من كتر التفكير وفعلا بيبقى متلحوس ومش قادر يفكر
- بالنسبة لنقطة الضعف مممممم احيانا مواجعة نقطة الضعف بتقوي الواحد واحيانا بتبقى بالعكس تماما فبيبقى تجاهلها احسن
انا ست وهو راجل انا انسان وهو انسان ومافيش حاجة اسمها كائن ناقص وكائن كامل البني ادم بني ادم
انا محتجاله وهو محتاجلي .وجوده جزء من احساسي بأنوثتي ووجودي معاه جزء من احساسه برجولته
احنا بنكمل بعض في كوننا ذكر وانثى مش في كوننا انسان كامل
رضيت ام رفضت انا عمري ما هكون انثى كاملة الا بوجود راجل جنبي يحس بأنوثتي دي
وهو عمره ما هيحس ان راجل كامل الا بوجود انثى جنبه
يعني ممكن تعتبريها اني انثى ناقصة حتة وهو راجل ناقص حتة هتكمل بقى بعد ما نبقى سوا
بس كأنسان مافيش حاجة اسمها كامل وناقص وبنكمل بعض
- احساس الوحدة بيزيد كل ما بيزيدوا الناس اللي حوالينا

كفاية رغي بقى :)

Desert cat يقول...

انا هعلق على موضوع النصف الآخر الرجل نفسه مش بيحب يكون نصف آخر لأى شخص تانى لأنه دائما بيكون محتاج كيان متكامل يفهمه ويحبه ويقدره مش مجرد انه جاى يكمل جزء لوحدة تانية نصفها ناقص بل غالباً لا يعبأ بمن ترى فى نفسها انسان غير مكتمل .. فنجان القهوة الدافية وفيروز فى الصبح دى انا على فكرة بس للاسف يومى مش فيه كوبرى قصر النيل ولا حتى المحور
رسالة من انسانة فى الغربة البعيد عن العين عمه ما كان بعيد عن القلب اعترف فعلا بذلك أقرب اصدقائى بعيد عن العين لكننا عايشين فى قلوب بعض

حقيقى بوست فى منتهى الروعة
تحياتى ليكى

la tormenta يقول...

أنا متابعة مدونتك من زمان من خلال مدونة كباري عمري ما حبيت أكتب تعليق هني لاني مادري ترضين و لا لا
بس الحين أشوف شي qui insiste: D
بقول بالفرنسي لو تسمحين :
c fou comme coincidence wallah! et c pas la 1ère en tout cas
chui bouche bée ici pour la énième fois devant ce que tu dis là..imagine!!si j'étais pas musulmane j'aurais commencé à
parler âme et machin :D
Et à propos de la solitude hier j'étais comme en état hmmmm d'ivresse et j'ai écrit sur mon blog ce qui me tient à coeur ..faut que j'éxtériorise quoi !!tu sais ça !! c'était la 1ère fois mais bon!et je disais que
tu peux avoir des dizaines de personnes autour de toi mais tu es seule ...c simple T'as pas à chercher plus loin : tu
reçois pas ce qui faut..et..crois moi ça tue

la tormenta يقول...

عفوا نسيت شي مهم أعلق عليه
موضوع نص تاني وربع تالت!
صراحة je refuse de me compartimenter et me répartir par moitiés ou quarts:D

بس فنفس الوقت je dois avouer que
sans lui je me sens sale et nue
tu peux dire que la vie continue avec ou sans amour...mais la vie sans "lui" se repeint en
noir
et tu auras toujours un sentiment d'être un point de plus dans ce monde qui vient et qui va ..comme ce que disait notre ami Joe:))

انا حرة يقول...

ربنا يكرمك يا مصعب يا رب
دى حاجة تسعدنى يا فندم والله :)

اللهم امين..
بس انا مش عارفة اذا كنت فهمت قصدى ولا لأ..
هى مجرد حالة استغراب من الناس اللى حواليا و اللى بيعملوه

لا ما اخطأتش فى فهم الجملة ولا حاجة..لكن اخطات فى التفسير
زعلتنى يا مصعب والله ده انت بتاع الشعر و الادب و التورية و الكناية :)
ما تاخدهاش بالمعنى الحرفى خدها بالمعنى العام او الفكرة اللى عايزة تقولها..وصلت؟ :)

هو الظاهر انى كان لازم احكى الموقف من اوله..
المشكلة بالنسبالى لما طرف يقدم تنازلات هى فى رايي هى من ابسط حقوقه
عشان يرضى الطرف التانى اللى هو اساسا ما يستاهلش..
مش عشان هو بيحبه لكن عشان هو شايف حياته من غيره ناقصة..و ده مش حقيقي

ما هى لو كان فيها معالى الامور
ما كانتش هتبقى اشيائى الصغيرة..
ليك عندى يا مصعب قريب ان شاء الله موضوع عن اشيائى الكبيرة :)

هههههههههه عجبتنى اوى ذكر متغابى دى بصراحة..و بعدين لا بهدلت الردود ولا حاجة :)

و بالنسبة للتعليق الاخير فهى اولا و اخيرا وجهات نظر

انا حرة يقول...

على فكرة هتدونى قلم فى نفسي و ماحدش هيعرف يكلمنى بعد كده :D
ربنا يخليكى يا يويو بجد كلامك بسطنى اوى
و بالنسبة للفرنساوى هقولك الفكرة المقصودة بالاغنية
هى البنت بتقول انها بتحترم انوثتها و لو كان يهمها ان شكلها الخارجى يكون حلو
فده مش هدفه نهائى لفت الانظار ولا انه يتبصلها على انها شيء مش بنى ادم
و من موقعى هذا اعلن انى مش بشجع العرى ولا حاجة لا سمح الله :D
هى بس الفكرة عجبتنى بصفتى من المدافعين عن حقوق المراة فى المجتمع العقيم ده :)

انا حرة يقول...

يا اهلا يا اهلا :)
اولا انا اللى مبسوطة بتعليقك جدا و ان شاء الله ما يكونش الاخير

بالنسبة لاول نقطة فالمثال بتاعى مموت نفسه فى الشغل عشان الفرح يكون اخر السنة و ما بيعملش حاجة ى حياته غير انه يحسسها انه بنى ادم مسؤول تقدر تعتمد عليه..عشان كده كتبت الجملة دى بقلب جامد كده :)
بالنسبة لبتوع مراتى من غير دبل او بدبلة فى اليمين هم اول ناس عافين انها هتفضل فى اليمين على طول فدول مش بيفرقوا حاجة عن بتوع هنتجوز اول ما عمى اللى فى البرازيل يودع

متفقة معاك فى تفسيرك للوحدة و ان كانت فكرتى هنا هى فكرة المساحة اللى مش بيقدر يملاها غير ناس معينة مهما كان فى غيرهم الاحساس نفسه بيفضل موجود و ساعات بيزيد بكترة الناس خصوصا الحشريين منهم

بالظبط كده..بعاد مسافة لكن اقرب من ناس كتير بنشوفهم كل يوم

عجبتنى اوى الحتة بتاعت القروى اللى بيقابل قرويين زيه فيعملوا قرية بتاعتهم :)
هو دا اللى حاصل فعلا لكن لما تلاقى كل اللى حواليكم بيفكروا بطريقة و يتصرفوا بطريقة معينة و انت لا فاهم ولا مستوعب هم بيعملوا كده ليه الاحساس بالغربة ده بيفضل موجود..و المصيبة انه حصلى و انا مع القرويين زمايلى و احنا بعيد عن الدوشة بتاعت هنا..شيء لا يصدقه عقل فعلا :)

انا حرة يقول...

فنفونتى بيعجبنى فيكى انك فاهمانى دايما :)
بوديجت مين يا امى ده انا اللى شوفته لا يتقال ولا يتحكى :D
الخلاصة اللى طلعت بيها انك عشان تبقى بنت روشة لازم تشتمى شتايم سافلة قدام الناس و عشان تبقى كول لازم تروحى شاربة كل يوم و يستحسن لو بعد الساعة اتنين بالليل
انا هسيبك تتخيلى وشى و انا بسمع الكلام ده :D
والله هموت و اعرف هم الناس الطبيعيين راحوا فين لانى استحالة ابقى مع دول و استحالتين ابقى مع اللى راحوا الناحية التانية :D

انا بقى زهقت من الكلام فى الموضوع ده و نتيجة المناقشة فيه معروفة مسبقا..اللى فى الدماغ هيفضل فى الدماغ مهما ادعوا التحضر و التفتح..و دى انا متاكدة منها 100%

انا بقول كده برضه :)

مش لما يتاكد الاول ان البنى ادم التانى مستعد نفسيا انه يسمع و يفكر لاتنين..انا بنهار من اللى ييجوا يرموا عليكى بلاوى زرقا و يقولولك اتصرفى..طيب افرضوا انا مكتئبة دلوقتى ولا مش قادرة اسمع ولا مش هعرف اساعدكو..على قد ما بتبسط من الثقة دى على قد ما لما بتيجى من ناس معينة فى حياتى بتبقى قلتها احسن :D

انتى فسرتى بالظبط اللى عايزة اقوله و بطريقة احسن منى بكتير..المشكلة لنا يكون طرف من الاتنين بيتفطس باسم الحب و هو راضى عشان حياته من غير القصة دى هتقف..ده اللى اقصده..عشان تحبى حد لازم تكونى بتحبى نفسك الاول زى ما هى و قبلاخا زى ما هى غير كده ما تتوقعيش ان حد هيقدرك و هو شايفك مستقلة بنفسك كده..لكن الاكيد ان مفيش انسان عاقل يقدر يعيش لوحده طول حياته مهما كان قوى

تصدقى اه :)

ارغى براحتك استمتعنا برغيكم يا فندم :)

انا حرة يقول...

بالظبط كده يا حنان..مفيش حد ممكن يحس بالرضا عن علاقة بتجمعه بانسان شايف نفسه ناقص و عايز اللى يديله ثقة فى نفسه..الاحتياج للحب حاجة و التلكيك لقصص فاشلة من الاول حاجة تانية خالص

انا عارفة انك من عشان فيروز زيي لكن اول مرة اعرف ان الصباح اللى فيه قهوة و فيروز انتشر كده :)

تصدقى انا اكتشفت ان اللى بيبعد ده بيديكى فرصة اكبر انك تعرفى قيمته سواء كانت اقل او اكتر من اللى انتى كنتى مديهاله من الاول

انا حرة يقول...

D’abord c moi qui est très étonnée ..plus précisément je n’arrive pas a croire :D
Pcq hier j’ai vu ce que tu as écrit j’ai ouvert la page des commentaires et je t’ai écrit un..ensuite pour la même raison qui t’as empêchée de commenter ici j’ai hésité cent milles fois et j’ai coupé ce que j’ai écrit et je l’ai collé sur mon laptop jusqu'à ce que je sache qu’est ce que je vais y faire
Tes paroles et tes mots concernant la solitude m’ont extrêmement plus ..ils m’ont très touchés surtout que c la première fois que je te vois écrire a propos de tes sentiments avec une explication assez profonde et assez sage bref j’ai adoré ce que j’ai lu et je te mettrai tout de suite mon commentaire sur ton blog..
Tu sais que « si tu n’existais pas » est une des chansons que j’aime a fond :)
Personne ne peut vivre seule..mais pour moi ce qui importe le plus c le fait de savoir comment choisir la personne qui mérite ta vie..ton cœur..et ton esprit sans la simple possibilite de regretter da decision plus tard..et c vraiment ce qui me tue

Je n’ai pas besoin de mentionner que tes commentaires me feront plaisir et je pense que tu sais déjà a quel point je respecte ta mentalité ..écrits ce que tu veux au moment que tu désires c un blog libéral et tout les opinions sont permis :)

mUsLiM يقول...

والله يا أختى اكيد انا مش موافق ان المرأة تبقى مجرد فاترينه

بس مش موافق برده ان الفاترينه تبقى معروضه للجميع

لازم تراعى الجانبين مش جانب واحد

واللى يعرض الفاترينه مش هاقول مش من حقه يتكلم لأ ، بس عليه انه يستحمل نتيجة فعله

لأنه اللى عرضها أصلا

وضحكتينى اوى لما قلتى أشيائك الكبيرة

طيب فى انتظار الأشياء الكبيره :))

وعلى كل حال يا أختى بدون أشياء أصلا

انتى عندنا حاجه كبيره من غير حاجه

السلام عليكم

Reem يقول...

وحشتني مدونتك وكتاباتك بجد و اسفة على التأخير ظروف النت بقى ماهو بيضبط بمزاجه مش بمزاجنا

هعلق اللي فاكراه

التضحية لمن لا يستحق عارفة المشلكة لما تبقى لحد مهم زي حد من الاهل مثلا حتى لو لا يستحق انتي مجبرة تضحيله وده الي ممكن يتعبك اكتر

-------

بصي اللي يقولي افكرله بعدها بتجنب ادخل ماه في اي موضوع جاد هو انا ناقصة

-------

حتة النص التي هي الفكرة بس تعود بصراحة اكتر من انها واقع ممكن تبقى واقع لو فعلا مثلا في حاجات طرف بياخد باله منها اكتر من الاخر و بينبه ليها فبيحس انه الشخص ده مكمل ليه اما كفكرة واقعية مش موجودة تقريبا و الاغلب بيبقو كلهم ناقصين اصلا

عكيت انا الفقرة دي يارب اكون وصلت فكرتي

--------

او وجود ناس كتير انا مش شايفاهم او مش مدية نفسي فرصة افهمهم برضو هخلق لنفسي وحدة

--------

ربنا يخليك اشياءك الصغيرة التفاصيل البسيطة دي هي اللي بتملى الحياة و بتخلينا نصحى تاني يوم عايزين نعيش و نكمل حياتنا

-------

التغابي ده اذكى تصرف غالبا

-------

تصدقي التفاصيل دي واقيعة جدا و بقف عند بعضها احيانا و احلل الناس على اساسها فعلا بس برضو بسبلهم حتة بيضة
على صفحتهم اللي بكتبها بقلم رصاص يمكن يطلعو غير ما حللتهم

و احنا ساندينك دايما و زي ماقالو برضو ( لو خليت لخربت )

بجد وحشتني الدردشة عندك

samamasr يقول...

بصي,,ممكن أقولك حاجة

ينفع تحكيلي قصة فيلم Runaway brideبالتفصيل,لأني دورت عليها مش لقتها؟

علشان الصورة الشخصية

ينفع؟

وممكن تخلي مدونتك بيضة تاني

ينفع؟!!!!!!!!!!!!!!!!!!!!!!!

leeno يقول...

مش عارفة ارد على ايه و لا ايه

بس في حاجة كنت عايزة اقولهالك تحديدا

على اللي لابس دبلة في ايديه اليمين و بيقول على خطيبته مراته

انا اعرف واحد كدة و من كم يوم فسخ خطوبته على اللي كان بيقول عليها مراته لسبب مش حقوله بس حقوللك انه سطحي جدااا جداااااااااا و ان دل على شيء فيدل على انه مش دايما الظاهر للناس زي الحقيقة و الوش المسوم قدام الناس حتى لو كان تصرفات فعلية مش دايما حقيقي
عارفة كان مموت نفسه عشان يوصل لمرحلة الخطوبة دي و كان مموت نفسه و هو بيحاول يثبتلها انه يستحقها كراجل .. و هوب هي اول مشكلة و السلام ختام !!!!!

بالنسبة لموضوع الرجل و الانثى و فكرة النقص اللي بتخطرلك لما بتسمعي الكرم دة هي ابدااا مش كدة هي حاجة ربنا خلقها جوانا من احتياجنا لبعض

انا بعتبرها قطع بزل (puzzle) و بتتركب على بعض

متاخديش الموضوع بحدة النقص او الكمال اعتبريها احاسيس و احتياجات موجودة كل الناس ملهاش دعوة لا بالنقص و لا بالكمال


الوحدة بقى يا حبيبتي هي صديقتي اللدودة و بطردها بس بتحبني حب و ملازماني بشكل غبي و لما ببعدها عني برجع احنلها بنت اللذين و محدش بيملا مكانها خاااااااالص

برضه متفكريش فيها كدةاعتبريها شخص قريب منك و تعاملي معاها بصداقة حياتك حتبقى اسهل

طبعا انا ردي ملوش معنى بعد كل المناقشات دي و شروحات سعادتك لوجهة نظرك ههههه

بس لازمن و لا بد اقول اللي نفسي فيه ههههههه

leeno يقول...

في حاجة تانية عايزة اقولها

البنت للاسف في الايام دي بيتبصلها بطريقة وحدة من كتييييير من الناس رجالة و ستات

شكل و بس

لما بتيجي تشتغل
تتجوز
تتكلم
تشتري حاجة

في اسط حقوقها البشرية بيعاملوها بناء على تصنيفها الشكلي

و لو اكتشفو ان ليها عقل و بتفكر هنا الطامة الكبرى هههههههه

نهار اسود مطلعتش لعبة اجري يا عم

بس بقى لحسن حتفوريلي دمي و انا بقالي اسبوع بشتغل على تحسين حالتي النفسية

leeno يقول...

جيييت تاني بقى

منا غاوية حرقة دم هههههههههههههه


"عندما تضحى من اجل من لا يستحق
عندما توقف حياتك عند شخص لا يراك من الاساس
عندما تفنى عمرك و لا تجنى سوى قلة التقدير..
فلا تلومن الا نفسك!
فدور الضحية لا يناسب الا من اختاره لنفسه"


لو فكرتي في اللي كاتباه من وجهة نظر حد ضحى بعمره من باب الاحساس بالمسؤولية اللي غيره مش حاسس بيها و محدش قدره حتشوفي انتي كنتي قاسية فكلامك دة قد ايه

يمكن انا مبأمنش اني اضحي علشان حد
لكن على الاقل اللي عمل كدة ميتلامش منزيدش فوق همه هم و نقوله محدش طلب منك تعمل كدة و انت اللي اخترت محدش غصبك تخيلي حالته النفسية شكلها حيبقى ايه و هو اكيد اصلا بيبقى تعبان

انا بجد حسيت الجملة قاسية جدا جدا جدا و جارحة اووووووووي

يمكن انتي تقصديها في حالات معينة و يمكن لشخصية بعينها

لكن مهما كان دة ميمنعش مدى القسوة اللي فيها

حاولي مهما كنتي مجروحة و مختلفة مع غيرك متبقيش قاسية لدرجة انك تستهوني بسنين راحت من عمره بيضحي عشان غيره و مقدرهوش بدال ميشكروه حتى لو انتي مش متفقة معاه و جواكي بتقوليها اوعي تحسسيه بيها

la tormenta يقول...

savoir choisir la personne qui mérite ta vie..
oui!!génial!! mais moi j'ai choisi mon mari je l'aime et je vais malgré tout continuer à l'aimer
mais lui il n'est plus le même !il travaille 12 heures par jour il dit qu'il n'a plus le temps
pourtant avant il m'envoyait des fleurs.. du chocolat ..il trouvait le temps pour faire tout ça
mnt je passe la journée seule
et si je dis que j'aime pas ça et je veux que ça change et que je l'aime et je veux pas le perdre
il me répond toujours la même réponse : "DON'T BRING LOVE INTO THIS PLZ "
pour lui c mon problème si je contrôle mal!!!
en plus je dois toujours être reconnaissante car lui il a quitté les Emirates et il est venu s'installer au maroc pour que je sois plus à l'aise !!
je dois tout accepter sans
demander plus
!!! voyons C 1 SACRIFICE
et finalement je suis là pourrie devant cet ordinateur
SEULE..oui seule ..j'ai choisi un homme qui mérite ma vie c vrai ..il m'a pris ma vie
je crèèèèèève
ufff je suis désolée
ché pas ce qui me prend
c peut être tes paroles qui ont touché ma blessure la plus profonde..mais pas de souci j'accepte:))

انا حرة يقول...

يبقى متفقين ان شاء الله يا مصعب :)
اللى بتعامل نفسها على انها فترينة تافهة و ما عندهاش حاجة لها قيمة غير شكلها
و اللى بيعامل الست على انها فترينة يبقى غبى لان فى يوم الفترينة هتتكسر و يبان اللى وراها
على فكرة مش عارفة ارد على بقيت كلامك :)
ربنا يكرمك يا مصعب يا رب..بجد اتاثرت اوى بكلامك

انا حرة يقول...

ريم
هى الفكرة فى التضحية انها بتسعد البنى ادم اللى بيضحى
و الا ما كانش عملها
يمكن يكون كلامى جامد شوية على راى لين بس انا شايفة ان ده الواقع
اللى بيضحى بيضحى عشان يشوف الناس اللى بيضحى عشانهم مبسوطين
لما يختار الناس دى غلط من الاول
تبقى غلطته هو مش غلطة حد تانى

كويس انى مش لوحدى اللى بعانى من الهم ده..كنت فاكرة نفسي شريرة

مش عارفة اذا فهمت قصدك ولا لأ
بس هى الفكرة ببساطة انك عشان تدخلى فى علاقة حتى لو كانت صداقة
لازم تبقى راضية عن نفسك زى ما هى الاول
و بعدها تتنازلى اه بس بمزاجك..
لكن تنازلات عشان حياتك من غير الطرف التانى هتتنهى يبقى منتهى الغباء فى رايي

ايوة انا فاكرة انى رديت عندك مرة على نفس النقطة دى

عجبنى اوى كلامك على النقطة دى
عشان اكتشفت انى ساعات بسوق فيها و بكمل رسم الشخصيات من دماغى
و لما يتصرفوا عكس ما انا كنت متوقعة ببتدى اتصدم فيهم

انا كمان يا ريم بستمتع دايما بردودك حقيقي..و ربنا يديم العلاقة الحلوة دى بيننا دايما

انا حرة يقول...

ايمان
فهمينى بس الاول ايه المشكلة فى اللون الاسود و بعدين هنحلها سوا :)

بالنسبة للقصة فجبتهالك من على ويكيبيديا
Julia Roberts plays Maggie Carpenter, a spirited and attractive young woman who has had a number of unsuccessful relationships. Maggie, afraid of being married, has left a trail of boyfriends. Indeed, she's left three men waiting for her in church on their wedding day (all of which are caught on tape), receiving tabloid fame and the dubious nickname Runaway Bride.

Meanwhile, in New York, reporter Ike Graham (played by Gere), writes a column about her that contains several factual errors. He's fired for it and then decides to write an in-depth article about Maggie in a bid to get his job back. He travels to Hale, Maryland, where he finds her living with her family and on her fourth attempt to become married. The fourth groom-to-be is Bob, a football coach at the local high school who treats Maggie like a mental patient.

After Ike forces Maggie to face her fears, the two find themselves becoming more and more attracted to each other. In the meantime, Maggie is still set to marry Bob, and so does her best to ignore her feelings for Ike. The situation in Ike's corner is similar; being divorced once himself, he's looking for love as well, but knowing that Maggie must make the decision to be with him over Bob, he does his best to stay out of it.

In the midst of the wedding rehearsal, Bob stands in for the priest, and asks Ike to stand in his place as the groom. This proves to be a mistake, when Ike and Maggie "practice" the kiss right in front of Bob. As a result, Bob punches Ike in the face before storming out of the church. Soon after, Ike and Maggie agree to marry since the wedding is already set to take place.

But on the day of the wedding, Maggie gets cold feet, and leaves Ike, too, standing at the altar. As she rides away on a FedEx truck, Ike runs after her, but can't catch up.

Later, when Ike returns to New York, he finds Maggie making friends with his cat, Italics. Maggie then explains why she's been running and "turns in" her running shoes just before proposing to Ike. The two are married in a private ceremony outside, on a hill. In the end, they are shown riding away on horseback

انا حرة يقول...

سيبك يا لين من اللى لابس دبلة فى اليمين ده عشان انا مصدوووومة
لو كان البوست اتاخر للنهاردة كنت هكتب حاجات تانية خالص :D

انتى فهمتى قصدى بالظبط
الاحتياج احساس طبيعى جدا لكن الانتقاص من نفسك
عشان كائن تانى ياخد مكان مش بتاعه اصلا ده اللى مش مقبول بالنسبالى

و قولى اللى فى نفسك يا لين ما تخليش فى نفسك حاجة يا ستى :)

تصدقى انى اكتشفت ان حتى الستات بقوا بيقيموا بعض على الاساس ده
مديرتى فى الشغل طلعت واحدة منهم..مع انى مش بشتغل فى دار ازياء ولا فى ميلودى تريكس :D

يمكن تكون الجملة قاسية شويتين انا معاكى
بس هحاول اشرحلك وجهة نظرى
تخيلى مثلا لو انا بقولك انى عطشانة و انتى مصرة تأكلينى لحد ما تجيبيلى تخمة
انتى فى نظر نفسك بتتعبى و بتعملى حاجة بايدك عشان اللى انتى من وجهة نظرك الشخصية شايفاه فى مصلحتى
فى حين ان انا فى الحقيقة من الاول قيلالك و موضحالك انى عايزة اشرب
فاهمة حاجة؟ :D
يعنى من الاخر لما تعملى حاجة م مطلوبة منك و تتفانى فيها
و تسيبى اللى مطلوب منك عشان هو ف نظرك مش مهم مع انه مهم جدا بالنسبة للطرف التانى
تبقى غلطتك انتى و ما تستنيش تقدير على حاجة مش مطلوبة منك اساسا
شكلى لخبطتك اكتر كده :D

انا حرة يقول...

Je suis très désolée si je t’ai rappellé de tout ça:)
J’étais juste contente de te voir ici et j’ai exprimé mes sentiments envers tes paroles
Je ne sais pas comment ça se passe en réalité, mais je peux imaginer le routine qui t’ennuis jusqu'à ce point
Mais puisque tu es sure de ton choix tu dois tout faire pour protéger ton mariage et ta maison. C’est assez difficile de trouver qq’un qui mérite et quand on le trouve on doit tout faire pour ne pas le perdre , et si on avait la chance de trouver l'amour une fois ca ne veut pas dire qu'on peut le retrouver pour la deuxieme fois
Un autre point que tu dois considérer, les hommes ont une perception très différente de l’amour que nous, par exemple pour eux travailler 12 heures par jour pour te garantir un certain niveau de vie et un signe d’amour
Dans ton cas, quitter son pays juste pour être avec toi c’est un signe d’amour
Donc tu ne dois pas t’occuper du fait que les fleurs, les parfums, et les petits gestes ne sont plus présents comme autrefois, ça ne veut pas dire qu’il t’aime moins, ça veut juste dire que vous êtes en train de faire face à la vie réelle
En plus je pense que si tu essais de trouver un emploi ça va radicalement changer ta vie
D’abord tu ne seras pas assez ennuyée
Ensuite tu trouveras beaucoup de choses à lui raconter
Et finalement tu comprendras plus sa fatigue quand il retourne à la maison
une de mes collègues m’a dit aujourd’hui que le silence et très efficace avec les hommes
Quand elle est fâchée avec son mari elle ne lui dit rien.il remarque qu’elle n’est pas normale et il commence a lui demander.elle lui dit que tout va bien.deux jours apres il commence a avoir tort et finalement il sera prêt a tout faire pour la rendre heureuse.c un peut méchant mais elle me dit que ca marche avec tout les hommes :D
J’espère que ce sentiment de solitude disparaisse le plus tôt possible et ais confiance en moi, puisqu'il t’aime jusqu’au point qu’il quitte son pays, ses amis, sa famille et son travail pour toi, ça veut dire que la dernière chose qu’il peut tolérer dans le monde c de te voir en dépression

leeno يقول...

و لا لخبطيني و لا حاجة

انا كدة فهمتك و فهمت انك اكيد مش قصدك معنى الجملة بالمطلق انما حالة محددة و اكيد ليكي اسبابك

بس مهما كاان متقسيش كتير


بالنسبة لابو دبلة في اليمين ههههههه يا فرحة ما تمت و متتصدميش لا مجال للصدمات الايام دي و الا حتقضيها اذبهلال


و انا فعلا معاكي بان الانسان مش لازم يحس ان ناقص من غير وجود اشخاص ما في حياته و لا يستناهم عشان يكملو او يحسنو من نواقصه او عيوبه

د.توكل مسعود يقول...

السلام عليكم ورحمة الله وبركاته...وبعد

فبرجاء التنبيه... والتنويه....على الزائرين الكرام الذين يكتبون التعليقات القيمة..أنهم عند مخاطبة الإناث يكتبون:
شكرا "لكى"
"دمتى" بخير
"جزاكى" الله خيرا

والصحيح أنها تكتب بغير"ياء".
ويفرق بين خطاب الإناث وخطاب الذكور بالحركات،

فتوضع الفتحة على نهاية الكلمة عند مخاطبة الذكور فنقول: "لكَ"، "دمتَ"، "جزاكَ"
اضغط }ض{SHIFT+
وتوضع الكسرة على نهاية الكلمة عند مخاطبة الإناث فنقول: "لكِ"، "دمتِ"، "جزاكِ"
اضغط } ش{SHIFT+

هذا من باب حب اللغة العربية والغيرة عليها...
"واللى مش بيغير.. يبقى مش بيحب"
مع الاعتذار للفصحى

وتقبلوا شكرى وتحياتى

د.توكل مسعود يقول...

السلام عليكم ورحمة الله وبركاته...وبعد

فبرجاء التنبيه... والتنويه....على الزائرين الكرام الذين يكتبون التعليقات القيمة..أنهم عند مخاطبة الإناث يكتبون:
شكرا "لكى"
"دمتى" بخير
"جزاكى" الله خيرا

والصحيح أنها تكتب بغير"ياء".
ويفرق بين خطاب الإناث وخطاب الذكور بالحركات،

فتوضع الفتحة على نهاية الكلمة عند مخاطبة الذكور فنقول: "لكَ"، "دمتَ"، "جزاكَ"
اضغط }ض{SHIFT+
وتوضع الكسرة على نهاية الكلمة عند مخاطبة الإناث فنقول: "لكِ"، "دمتِ"، "جزاكِ"
اضغط } ش{SHIFT+

هذا من باب حب اللغة العربية والغيرة عليها...
"واللى مش بيغير.. يبقى مش بيحب"
مع الاعتذار للفصحى

وتقبلوا شكرى وتحياتى