الأربعاء، 4 أغسطس 2010

فتافيت قلبها..

طلب منها ان تخبره عنها..فاخبرته حكت له عن فراشتها الزرقاء و بالونة الهيليوم التى تطير بها احيانا و الناس نيام حدثته عن عروستها الصغيرة التى تشبهها التى اهدتها لها امها قبل ان تتركها بايام طالبة منها ان تنظر اليها كلما تذكرتها.. حتى تسمعها هى فتزورها فى الاحلام حكت له عن مكان هناك..لا يعرفه غيرها و سألته ان كان يريد الذهاب معها فسألها اين كنت من زمان؟ اجابته بان "كنت هنا..مستنياك" و أجابها بأنه مستعد يروح معاها لاخر الدنيا فترددت قليلا قبل ان تخبره بعد ان جعلته يقسم انه لن يخبر احدا بانها تعرف ان ابطال فيلمها المفضل موجودون بالفعل و بانهم يعيشون فى عالم شبيه بديزنى لاند فسألته: مصدقنى؟ و اجابها : كما لم اصدق شيئا من قبل اخبرته انها لم تحكى لاحد قبله عن العابها الصغيرة فاجاب بان اسرارها فى امان معه دعته ليلون معها فى كتاب التلوين.. و فتحت له صفحة بها ولد و بنت و سحابة زرقاء فسكب علبة الالوان.. و تمزقت منه الورقة..و تكسرت تحت قدمه العروسة و لمحت فى عينيه ضحكة سخرية على المجنونة التى تؤمن بوجود ديزنى لاند فخبأت عنه دمعة حسرة و هى تخبره متشككة بان "ولا يهمك" ثم فتحت له صفحة جديدة..بها رجل قاسي و امرأة بقلب مكسور
*********
مستوحاه من هنا

هناك 12 تعليقًا:

Tarkieb يقول...

والله قصتك دي ممكن تؤخذ على مصر اللي كانت جوهرة ووصندوق تحف ووقعت في ايد عيل معفن مش فاهم قيمة ما في العلب وقعد يكسر ويبهدل ويقطع فيها وقال ايه بيقول عليها مجنونة ....انا مش متتعاطف مع البنت لانها ووضعت ثقتها في عيل ما يستاهلشي .............قوية كالعادة وتختلف شوية عن الاخرى برضه قرتها وجميلة ..تحياتى

Kontiki يقول...

مؤلمة وحزينة ولكن واقعية جدا :)
cheer up girl

The Seagull يقول...

مؤلمة أوووي بصراحة ..
أسلوبك بديع كالعادة يا ياسمينا :))

ReEm يقول...

ده العادي تقريبا مش بس في الجانب ده

بل في جوانب كتير زي الاخوة والصداقة و

كدة ناس كتير بقت بتوبظ اشياء غيرها

بعد ما امنولهم و بيبقى اووبس من غير

قصد :)

Old Blogger يقول...

جميلــه أوى
معنديش تعليق بالتفصيل لأنى لسه بستوعب رجوع أسلوبك و حاجاتك و كل حاجة هنا :)

Tarkieb & Reem
أنا معاكم جداً ..

dalia يقول...

عنوان جميل يا ياسمين أول مرة بصراحة أسمعه مبتكر، من الاول لحد أين انت من زمان؟ فيها موسيقى جميلة قوى كنت اتمنى أن تظل معاك لاخر الموضوع

بس واضح البراءة الشديدة في الموضوع بالونة الهيليوم والعروسة الصغيرة والفراشة الزرقاء جو طفولي محبب، مبسوطه انك عرفتينى على مدونة لمياء

مع اخلاصى
داليا

Yasmine يقول...

Tarkieb

تصدق ما فكرتش فى الناحية دى خالص بس مبسوطة انها جت فى دماغك كدا

بس انا متعاطفة مع البنت..ساعات الواحد بيحط توقعاته كلها فى واحد بيتهياله انه بيجمع كل الحاجات اللى كان عايزها

نورتنى :)

Yasmine يقول...

kontiki

لا دى مش انا خالص..لست انا هذه المراة :)

Yasmine يقول...

يويو

تسلمي يا رافعة من معنوياتى :)
و معلش انها جت حزينة كدا المرة دى

Yasmine يقول...

ريم

هى الفكرة مش فى نوع العلاقة على قد ما هى فى قدرة الناس انها تتلون و تلف و تدور عشان توصل لحاجة متهمهاش من الاساس

Yasmine يقول...

ابتسام

انا مبسوطة انك لسه فكرانى اصلا :)

نورتينى بجد و مبسوطة انها عجبتك

Yasmine يقول...

داليا

تصدقى ان انا العنوان مش عاجبنى خالص :)

مدونة لميا تقريبا اكتر مدونة بحب اقراها هنا..اقرى بوستاتها القديمة فيها بوست اسمه تداعيات عبقرى